Joriy yilgi maktab bitiruvchilarining 36 foizi 56,7 balldan kam to‘plagan
#abituriyent
🟢 Maktab taʼlimi eng yaxshi hududlar:
Buxoro,
Navoiy hamda
Toshkent shahri.
🔴 Maktab taʼlimi eng yomon hududlar:
Andijon, Toshkent viloyati hamda
Surxondaryo.
mandat.uzbmb.uz saytidagi ochiq maʼlumotlarga ko‘ra, joriy yilda jami abituriyentlarning
salkam yarmi (49,4%) o‘tish balining eng quyi chegarasi bo‘lgan 56,7 balni ham to‘play olmaganini
xabar qilgandim.Maʼlum bo‘ldiki, 56,7 balldan kam to‘plagan abituriyentlarning
70,5 foizi avvalgi yillarda o‘qishni tugatganlar,
29,5 foizi joriy yilgi bitiruvchilar bo‘lgan.
Joriy yilda maktablarni tugatgan
359 ming 790 nafar yoshlar testga kirgan. Shularning
36 foizi (129 ming 609) 56,7 balldan kam to‘plashgan.
2023-yilda eng yomon ko‘rsatkich,
Andijon viloyatida (41,9%), eng yaxshi ko‘rsatkich esa
Buxoro viloyatida (27,1%) qayd etilgan
(yuqoridagi jadvalga qarang).
Yaʼni Buxoroda joriy yili maktabni tugatgan o‘quvchilarning
72,9 foizi 56,7 balldan ko‘proq natija ko‘rsatgan.
O‘zi umuman joriy yilgi maktab bitiruvchilarining
o‘rtacha bali 76,1 balni tashkil qilmoqda.
Ushbu natijalar hududlar kesimida taʼlim sifati qayerda yaxshiligini ham ko‘rsatadi.
***
56,7 ball — bu to‘plash mumkin bo‘lgan eng yuqori 189 balning 30%i degani. Yaʼni abituriyent hech bo‘lmasa 30% bilimga ega bo‘lsa, ushbu ko‘rsatkichni to‘play oladi. 30% bilim esa reyting tizimidan qiyos olsak, hatto 2 baho ham emas! 1 baho desak to‘g‘ri bo‘lar balki.
👉
@xushnudbek 👈
