Сўнг, сўнгра: вергул керакми ёки йўқ?

Сўнг ва сўнгра сўзларидан кейин вергул қўллаш кўп учрайди. Лекин бу хато. Иккала сўз ҳам вергул талаб қилмайди:
Сўнг дарди енгиллашдими, қадамлари илдамлашди.
“Шарқ юлдузи”.

Душман ошингни ер,
Сўнгра бошингни ер.
Мақол.

Юқоридаги мисолларда сўнг сўзи равиш бўлиб келяпти ва кейин деган маънони англатяпти.

Сўнгра сўзи бундан, булардан ташқари; иккинчидан маъноларини ҳам англатиши мумкин. Аммо бу маънода қўллаш ҳозир эскирган. Шу ҳолатда ҳам вергул ишлатишга ҳожат йўқ деб ҳисоблайман:

Энди Салимжонга кириб айтинг, бундай ишдан қўлини тийсин! Бу – бир, сўнгра ҳовлиқмасин.
Ойбек, Танланган асарлар.

Таҳрир жараёнида сўнгра сўзи ўрнига сўнг вариантини танлайман. Лўндароқ. Ҳарна-да, ҳарна 😏.

@oriftolib