СОҒИНДИК РАМАЗОН

Ҳидоят деб сўзларим,
Йўлингда зор кўзларим.
Бирга ўғил қизларим,
Сени соғиндик Рамазон.

Орадан бир йил ўтиб,
Сабр бардошлар битиб.
Келасанми кўп кутиб,
Сени соғиндик Рамазон.

Сенда Ислом аҳди бор.
Сенда мўмин бахти бор.
Rasululloh(s.a.v) тафти бор.
Сени соғиндик Рамазон.

Раҳматлар сочилсин деб,
Пардалар очилсин деб.
Шайтонлар қувулсин деб.
Сени соғиндик Рамазон.

Буюк Қуърон ойисан.
Тавбаларнинг сойисан.
Саждаларга бойисан.
Сени соғиндик Рамазон.

Шодликларга тўламиз.
Нурга чўмар хонамиз.
Рўза қумсаб танамиз.
Сени соғиндик Рамазон.

Айтиб диллар созини.
Сўраб Аллоҳ розини,
Таровеҳ намозини.
Сени соғиндик Рамазон.

Келсанг қалб шод бўлади.
Ғам андуҳлар ўлади.
Ҳатимлар ўқилади.
Сени соғиндик Рамазон.

Хайит айёмин келар.
Жаннатдан ҳислар елар.
Дуолар қабул бўлар.
Сени соғиндик Рамазон.

Кутиб сабр кўп толди,
Ой ўрнини ой олди.
Шукур дийдор, оз қолди.
Сени соғиндик Рамазон.

Ҳидоят деб сўзларим,
Йўлингда зор кўзларим.
Отам, онам, болларим,
Сени соғиндик Рамазон.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟