Одилбек Қодиров | Шеьрлар


Channel's geo and language: Uzbekistan, Uzbek
Category: Art


Шахсий, ижодий блог.
Алоқа учун:
☎ admin +998889980070
@qodirov_odilbek
Муаллиф ҳаққига ҳиёнат қилманг..

Related channels

Channel's geo and language
Uzbekistan, Uzbek
Category
Art
Statistics
Posts filter


Жума муборак бўлсин

Эрта тонгдан юзлар кулган
Юракларга иймон тўлган
Камбағалнинг хажи бўлган
Жума муборак бўлсин

Қадрдондек ёшу қари
Кетиб борар масжид сари
Шайтонларни қилган нари
Жума муборак бўлсин

Тугаб етти кун бардошим
Оқиб кўзларимдан ёшим
Келди яна эй диндошим
Жума муборак бўлсин

Етсин мўмин нийятига
Лойиқ кўрсин жаннатига
Расулуллоҳ(с.а.в) умматига
Жума муборак бўлсин

Бугун ўзгачадир олам
Бугун яралгандир одам
Буюк Роббим бўл деган дам
Жума муборак бўлсин

Яқинларга дўсту ёрга
Юрагида иймон борга
Ҳимматидан умидворга
Жума муборак бўлсин

Эрта тонгдан юзлар кулган
Юракларга иймон тўлган
Камбағалнинг хажи бўлган
Жума муборак бўлсин

✍Одилбек Қодиров

ЖУМА АЙЁМИНГИЗ МУБОРАК БЎЛСИН ҚАДРЛИ ДИНДОШИМ!

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


OʻZGARIB KETMADIM

Yer ustida turibman,
Osmonlarga yetmadim,
Oʻzgaribsan deganlar,
Men oʻzgarib ketmadim.

Kechagidek yurishim,
Sizla suxbat qurishim.
Oʻshadir oʻy surishim.
Hech oʻzgarib ketmadim.

Borimchaman hali ham,
Har nafasda, hamma dam.
Men ham siz kabi odam.
Hech oʻzgarib ketmadim.

Nafsim qarshimda bedor,
Shayton boʻl der aybdor.
Maqtanmoqqa nimam bor,
Hech oʻzgarib ketmadim.

Jasadimda yoʻq qudrat,
Jonim esa omonat.
Borim Allohdan himmat,
Hech oʻzgarib ketmadim.

Qaygʻuyimda, shodimda,
Sukutimda, dodimda.
Tuproqligim yodimda,
Hech oʻzgarib ketmadim.

Davlatimga past boʻlib,
Savlatimga mast boʻlib.
Kibrdan nokasd boʻlib,
Hech oʻzgarib ketmadim.

Nomardlar gʻiybat etar.
Yuragim bezib ketar.
Bilib qoʻysangiz yetar,
Hech oʻzgarib ketmadim.

Yer ustida turibman,
Osmonlarga yetmadim,
Oʻzgaribsan deganlar,
Men oʻzgarib ketmadim.

✍Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


ҲАЁТ ЙЎЛДИР

Бир лахзалик мезбон экан бизга олам.
Ҳаёт гўё ўчмоқ учун ёқилган шам.
Кибрланма дунёси деб асло одам,
Ҳаёт йўлдир Аллоҳимдан Аллоҳгача.

Ўзсизликда ўз ўзинга қилма жабр,
Бир кўз очиб юмгунчалик вақтдир умр.
Ҳақ жамолин ҳоҳлаб қилар бўлсанг сабр,
Ҳаёт йўлдир Аллоҳимдан Аллоҳгача.

Денгиздек гоҳ жўш урамиз гоҳ тинамиз,
Мағрурмизда синдирамиз гоҳ синамиз.
Ҳақ олдидан келганлармиз ва борамиз.
Ҳаёт йўлдир Аллоҳимдан Аллоҳгача.

Турар ўлим ҳар бандага зор интизор,
Яратгандан ўзгасини охири бор.
Дунё дема қолиб кетар, бари бекор.
Ҳаёт йўлдир Аллоҳимдан Аллоҳгача.

Ҳаёл қилгин жаннатию жаҳаннамни,
Шайтонга ёр бўлиб топма бошга ғамни.
Унитмагин бир кун бўлар охир дамни,
Ҳаёт йўлдир Аллоҳимдан Аллоҳгача.

Имкон тугар они келса айт нетасан.
Кафанинга ўралганча жим кетасан.
Ҳисоб учун қиёматга сўнг етасан.
Ҳаёт йўлдир Аллоҳимдан Аллоҳгача.

Келар они Азроилга ўтмас сўзинг.
Охирни ҳам кўрар ҳар не кўрган кўзинг.
Ҳақ олдида ёлғиз, танхо турар ўзинг,
Ҳаёт йўлдир Аллоҳимдан Аллоҳгача.

✍Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


🎙Малохат Низомитдинова
✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


🔥 СОХТАЛАРДАН ТЎЙДИМ ОНА

😢😢😢😔😔😔

Сохталардан бугун жуда тўйдим она.

✍ Одилбек Қодиров

🎤 Феруза

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


BOYGA KOʻNGIL BERIBSIZ

Uzun sochlar kesildi,
Qoshlarni ham teribsiz...
Yurishlardan sezildi,
Boyga koʻngil beribsiz...

Goʻzalbonu oybonu,
Aynidingiz hoybonu...
Bizga ahdupaymonu,
Boyga koʻngil beribsiz...

Yoʻldan urdi qay shaqal,
Soʻzlaringiz ex dagʻal.
Yoqmay qolib kambagʻal,
Boyga koʻngil beribsiz...

Sevibmanda dil bilan,
Quchoq quchoq gul bilan...
Baxtlimisiz pul bilan,
Boyga koʻngil berib siz...

Gullar tutsam dastalab,
Qoʻydingizku hastalab...
Sevgi sotib rastalab,
Boyga koʻngil berib siz...

Yorsiz qolgan oxiri,
Zuhroni ham Tohiri..
Hiylakorlar mohiri,
Boyga koʻngil berib siz...

Bugun boyman oʻ zarlik,
Yoringizdan oʻzarlik...
Endi qilmang oʻjarlik,
Boyga koʻngil berib siz...

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


🎙 Gʻolibjon Azimjanov
✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


Video is unavailable for watching
Show in Telegram
DADAM BOR MENI

🎙 Marufxon Muhammedov
🎙 Sanjar Shodiyev
🎙 Elyor Ahmedov
✍ Odilbek Qodirov

HAMMADAN ZOʻR DADAM BOR MENI

Oʻgʻlim bor deb quvonib yurgan,
Tashvishimga mudom qaygʻurgan.
Doim qoʻli yelkamda turgan,
Hammadan zoʻr dadam bor meni.

Choʻchimayman dunyo ishidan,
Bu hayotning yozu qishidan...
Azizrogʻim barcha kishidan,
Hammadan zoʻr dadam bor meni.

Mehnat qilib qoʻli qadogʻim,
Minnati yoʻq qadri ardogʻim.
Ishonganim suyangan togʻim,
Hammadan zoʻr dadam bor meni.

Jannatimsiz qalbimning qoʻri,
Uyim fayzi, davramiz toʻri.
Maqtanaman dadalar zoʻri,
Hammadan zoʻr dadam bor meni.

Siz bor goʻzal bayramu toʻyim,
Osmonlarga yetadi boʻyim.
Onam bilan chin duogoʻyim,
Hammadan zoʻr dadam bor meni.

Shidatimsiz shaxdim oʻzingiz...
Sultonimsiz taxtim oʻzingiz.
Shaxzodaman baxtim oʻzingiz,
Hammadan zoʻr dadam bor meni.

Onam bilan yursinlar doyim,
Umrin uzoq qilgin Xudoyim..
Koʻzlarimga surayin poyin,
Hammadan zoʻr dadam bor meni.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


🎙 Gʻolibjon Azimjanov
✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


PULING KOʻPAYIB KETSA

Oʻzgaga tushmas ishing,
Bitar hamma tashvishing,
Koʻpayar yaqin kishing,
Puling koʻpayib ketsa.

Davralarning toʻrisan,
El ogʻzida boʻrisan.
Sen hammadan zoʻrisan,
Puling koʻpayib ketsa.

Nima desang hoʻplashar,
Maqtab koʻngling toʻqlashar,
Kunda kelib yoʻqlashar,
Puling koʻpayib ketsa.

Koʻrsa yetti bukular,
Oʻsha ayyor tulkular.
Qilolmaydi kulgular,
Puling koʻpayib ketsa.

Omadigni payqadi,
Sevaman deb aytadi.
Ketgan goʻzal qaytadi,
Puling koʻpayib ketsa.

Kecha degan vassalom,
Qoʻl uzatsang bekalom.
Soyanga berar salom,
Puling koʻpayib ketsa.

Jigardayin ogʻasan,
Yetti yotga togʻasan.
Ex hammaga yoqasan,
Puling koʻpayib ketsa.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


✍✍ОДИЛБЕК ҚОДИРОВ
🎙🎙НИГОРА ХАКИМОВНА
📜📜БОЛАМ ДЕЯ ЯШАГАН ОНАМ

💻💻МУХАММАДЖОН

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


Video is unavailable for watching
Show in Telegram
Ellikka kirmasdan sochlarida oq,
Mehnatdan tinmagan qo‘llari qadoq.
Baxtingni ko‘zlagan ko‘zlariga boq,
Otangni qadrini bilgin ey, Farzand.

✍ Odilbek Qodirov
🎙Shahina Bahodirova

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


#premyera #muzic

DOʻSTLARIM BOR

🎙 Akmal Mirzo
✍ Odilbek Qodirov

Qadrdonlar qoʻllab quvvatlab turamiz✊✊✊✊. Bugunning oʻzida yana bir premyeramiz.

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


#premyera #muzic

MALAGIM

🎙 Begzod Xamidov
✍ Odilbek Qodirov

Youtube manzili: https://youtu.be/V_9tXmwumsk?si=ZuS-fOy1VcRKE0of

Qadrdonlar Qozogʻistonlik xonanda akamiz bilan hamkorlikdagi premyera qoʻshigʻimiz sizlar uchun.

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟




ЎЙНАСИНEЙ

Атрофида парвонаман,
Хизматида гирёнаман....
Кўркин кўриб қувонаман,
Ота онам ўйнасиней.

Даврамизнинг тўри бўлиб,
Ҳаммадан ҳам зўри бўлиб.
Бахтимиздан бахтга тўлиб,
Ота онам ўйнасиней.

Билгувчисан ўйларимни,
Асра дуогўйларимни...
Боши бўлиб тўйларимни,
Ота онам ўйнасиней.

Ўзимнинг кенг ҳимматларим,
Борсиз баланд савлатларим.
Менинг азиз давлатларим.
Ота онам ўйнасиней.

Файзи бўлиб ишларда ҳам,
Элга берган ошларда ҳам.
Куйласам юз ёшларда ҳам,
Ота онам ўйнасиней.

Болам деб ҳар оним мани,
Қанот икки ёним мани,
Жаннатимсиз жоним мани,
Ота онам ўйнасиней.

Қувонишиб тўймасиней,
Файзидан ҳеч қўймасиней,
Тўйларимнинг боши бўлиб,
Ота онам ўйнасиней.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


📚ДАДА ДАВРИНГИЗДА
        ДАВРИМ СУРЯПМАН📚

🎙НИГОРА ХАКИМОВНА

✍ОДИЛБЕК К,ОДИРОВ

🕊🕊🕊🕊🕊🕊🕊🕊🕊🕊
🥀🥀🥀🥀🥀🥀🥀🥀🥀🥀

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


Video is unavailable for watching
Show in Telegram
Roʻza tutib yurgan odamlar

🎙 Alijon Hojiyev
✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


Musiqa
Muallif Odilbek Qodirov.
Ijroda Ilhombek Komilov.

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟


🔥МEНИ ЁМОН КЎРГАНЛАР...

😔🥀😢

Отдан тушсам ёд дейди,
Бўлди энди мот дейди..
Шодланишиб дод дейди,
Мени ёмон кўрганлар.

✍Одилбек Қодиров
🎤Феруза

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

20 last posts shown.