....

Kuydim sevgi dogʻida,
Qahraton qish chogʻida.
Bevafo yor isinar,
Oʻzganing quchogʻida.

Endi boʻyi toʻlgandi,
Ishqda oʻyi soʻlgandi...
Uzatdilar qahraton,
Qishda toʻyi boʻlgandi.

Alam maning totganim,
Darddan handon otganim.
Yigirma bir yoshimda,
U boʻldi yoʻqotganim.

Andijonda yogʻar qor,
Yor yor bilan ketdi yor.
Qordayin oq libosda,
Koʻrib yurak boʻldi zor.

Qishloqdagi tanishlar,
Qilar emish mish mishlar.
Boshimga balo boʻldi,
Muhabbatdagi ishlar.

Gʻam shodimga tushadi,
Arz dodimga tushadi.
Andijonda qor yoqsa,
U yodimga tushadi.

Suyganim yoʻqotib man,
Alam tamin totibman.
Yor oʻzgani quchgan, man
Sovuqqotib yotibman.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟