MENI SEVIB QOLASIZ GOʻZAL

Hayolimni olasiz goʻzal,
Qalbimga ishq solasiz goʻzal...
Sevmayman deb bir kuni hali,
Meni sevib qolasiz goʻzal.

Sevdim desam nozlar chiroylik,
Oshkor eʼtirozlar chiroylik...
Chiroyliksiz juda chiroylik,
Meni sevib qolasiz goʻzal.

Roʻmollari yarashgan oyim,
Yuzlari gul, hayoga boyim...
Duoimda oʻzingiz doyim,
Meni sevib qolasiz goʻzal.

Soʻzlarimga nazar ilmayin,
Ketasizey parvo qilmayin...
Oʻzingiz ham bilib bilmayin,
Meni sevib qolasiz goʻzal.

Kipriklari nayzayu oʻqsiz,
Kuydirasiz olovsiz, choʻqsiz.
Shaydosiga hech rahmi yoʻqsiz,
Meni sevib qolasiz goʻzal.

Ranjitmayin malolim boʻlib,
Yashab turing hayolim boʻlib.
Bir kuni hali ayolim boʻlib,
Meni sevib qolasiz goʻzal.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟