SINFDOSHLAR

Sinfdoshlar sinfdosh,
Oʻn bir yillik partadosh.
Eslab maktab paytlarni,
Boʻlsak edi yana yosh.

Bugun ishlar soz boʻldi,
Ammo diydor oz boʻldi.
Umr taʼtil yoz boʻldi,
Sinfdoshlar sinfdosh.

Yodda oʻshal onimiz,
Shinam sinfxonamiz.
Ustoz edi onamiz,
Sinfdoshlar sinfdosh.

Davru davron suraylik,
Toʻyib suhbat quraylik.
Diydorlashib turaylik,
Sinfdoshlar sinfdosh.

Eng zoʻr davr yoshligim,
Erkayu beboshligim.
Sogʻinsam koʻz yoshligim,
Sinfdoshlar sinfdosh.

Yodimdasiz har onim,
Aziz doʻstu insonim.
Mening eng qadrdonim,
Sinfdoshlar sinfdosh.

Oʻn bir yillik partadosh,
Boʻlsak edi yana yosh.
Yigʻilaylik qilib osh,
Sinfdoshlar sinfdosh.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟