Nurulloh Muhammad Raufxon

Бошқа ёқларда билмадим қандай, лекин биз томонларда ўлик чиққан уй эгалари рамазонда албатта ифтор бериши урфга кирган. Имкони борми-йўқми, рўза тутяптими-йўқми — фарқсиз.
Кимнингдир ўлгании билан рамазоннинг нима алоқаси борлигини биилмайман.

Бир ҳафта-ўн кун ичида уч ерга таъзияга бордим. Уйнинг ҳолатидан билса бўлади, жуда ночор оилалар. Нима, булар ҳам ифтор бериши албатта шартми?

Бир пайтлар Муҳаммад Содиқ Муҳаммад Юсуф тақсир ташаббуси билан, сўнгра имом-домлаларимиз қайта-қайта тушунтириб, никоҳда қиз томонга тушадиган оғирликлар анча енгиллашди. Худди шунингдек, ўлим маросимлари ҳақида ҳам эл орасида мунтазам тушунтириш ишларини олиб бориш керак деб ўйлайман.

Nevaralarim Buyuk Çamlica jomesida ilk tarovihdan soʻng.
Ramazon xursandchiliklari!
Hamma narsa bolalar uchun!

Qishlogʻimni koʻp sogʻinaman. Toshkentda yashash ancha qulay boʻlsa ham, barini tashlab qishlogʻimda yashagim kelaveradi. Lekin...

Kechqurun chiroq oʻchganicha hozirgacha yonmadi!
Ciroq boʻlmasa, nasos ishlamaydi. Nasos ishlamasa, suv ciqmaydi.
Suvni-ku paqir-maqirlab amallasa boʻladi, ammo butun isitish tizimi va hammom, hojatxona chiroq bilan ishlaydi!
Chiroq esa bitta shamol bilan kechqurun oʻchdi.
Aksiga olib kechadan havo keskin sovudi! Qorasovuq boshlandi. Chol-kampir kechasi bilan sovqotib chiqdik.

Vatanparvarlik deganlari dami ichiga tushib ketdi, qishloq muhabbati ham bitta sovuqqa chidayolmay, soʻnishga yuz tutdi. Hayt deb issiqqina, yoruqqina Toshkentimga qochvoraman shekilli endi...

Жарималар миқдорига қарши курашнинг энг самарали йўли қарши ИҚТИСОДИЙ ЗАРБАдир.
Бутунўзбекистон ҳайдовчилари ўзора келишган ҳолда БИР ОЙ мошина минмасак, ДАН чўнтагига бир тийин ҳам тушмайди!
Шунда ўзлари ялиниб: "Илтимос, бойкўт қилманглар. Майли, жарималар миқдорини беш бараварга қисқартирамиз", деб қолишади.
Нима дедиларинг?

Ўзб.да мошина ҳайдай бошлаганимга ҳали беш кун бўлмади, 3 (УЧ)та жарима келиб ўтирибди!
Бунинг устига, учаласи ҳам шубҳали, тортишувли.

РАНГЛАР ВА УЛАРНИНГ ОТЛАРИ

Жуда ҳам фойдали!

Обуначим Шоҳруҳ Қосим укамиз юборибдилар.

#Ўзбекча_ўрганамиз

ТИЛИМИЗ НАҚАДАР БОЙ ВА ГЎЗАЛ

От -- кишнайди.
Эшак -- ҳанграйди.
Мушук -- миёвлайди.
Илон -- вишиллайди.
Мол -- мўрайди.
Қўй -- маърайди.
Эчки -- баърайди.
Ит -- вовуллайди.
Туя -- пишқиради.
Товуқ -- қақағлайди.
Хўроз -- қичқиради.
Ари -- визиллайди.
Қурбақа -- қуриллайди.
Чигиртка -- чириллайди.
Сичқон -- чийиллайди.
Қарға -- қағиллайди.
Чумчуқ -- чирқиллайди.
Мусича -- қуқулайди.
Бўри -- увуллайди.
Чиябўри -- уулайди.
...
...

Давом эттиринг.

Трамп томи кетганга ўхшайди!
Бу менинг гапим эмас, амрикалик демократ сенатўр шундай деди.
Бир давлатнинг бошлиғига ўхшамаётгани аниқ лекин. Баёнотлари бари телба-тескари! Бир ойдан бери гапираётган гаплари ичида битта "Мен иккита жинсни -- эркак билан аёлни тан оламан", дегани ва қилган ишлари орасида трансгендерларни ҳарбий хизматдан қуваётгани пичоққа илинади, холос.
Бошқалари...
Бу тентак дунёнинг бошини ҳали кўп гаранг қилади чоғи.
Оллоҳ асрасин.

Истанбул бу йил ҳисобидан энди қор кўрди! Ўшанда ҳам ёғаётганида, ўтлоқларда, томларда кўрди. Ерга тушгани эриб кетаверди.

Бир қўқонлик танишимнинг саккизинчи синфда ўқийдиган қизи дарс пайти деразадан лайлакқор ёғишини томоша қилиб турса, ўқитувчиси унга танбеҳ берибди.
Икки-уч синфдоши қизни қўллаб қарсак чала бошлабди. Сўнг бутун синф қарсакка қўшилибди.
Бир бола қарсакка мослаб: "Таъ-тил берилсин, қор ўйнаймиз биз! Таъ-тил берилсин, қор ўйнаймиз биз!" деб товуш берибди. Ҳамма жўр бўлибди.
Қўшни синфлар ҳам эшитиб қарсак ва шиорга қўшилибди.
Бирпасда бутун мактаб синфхоналаридан қарсак ва: "Таъ-тил берилсин, қор ўйнаймиз биз!" деган ҳайқириқ янграй бошлабди!

Болалар бошқа мактаблардаги ўртоқларига ҳам ўзларининг "намойиш"лари ҳақида ёзган шекилли, тадбир уларга ҳам ёйилибди.

Хуллас, кечаги душанба-сешанба кунлари бутун Истанбул мактаблари ўқувчиларига таътил бериб юборилди!

1. Вазирлар маҳкамаси ҳузуридаги Дин ишлари бўйича қўмита (ДИҚ) тугатилиши, у бажариб келган вазифалар Президентнинг диний соҳадаги давлат маслаҳатчиси хизматига берилиши керак. Бу дегани, давлат сиёсий орган ўлароқ бош йўл-йўриқни белгилайди, Ўзбекистон мусулмонлари идораси ва мачитлар ижро қилади. Ўртада ДИҚқа эҳтиёж йўқ. Ҳозирги ҳолатда кўпгина тушунмовчилик Диний қўмита Ўзбекистон мусулмонлари идораси ишларига бевосита аралашуви ва ҳукмронлиги орқасидан юзага келяпти.
2. Президент ҳузурида эл-юрт орасида обрўли уламолардан ва тажрибали маҳалла фаолларидан иборат Маслаҳат кенгаши ташкил этиш лозим.
3. Ўзбекистон мусулмонлари идорасини тузилишидан тортиб иш тутимигача тўла ислоҳ қилиш, Низом ва Дастурларини қайта кўриб чиқиш, ходимларининг илмий-амалий салоҳиятини юксалтириш керак.
4. Диний идора таркибида аҳли сунна ва жамоа доирасидаги тўрт мазҳабни ҳамда бу мазҳаблар ичидаги турлича қарашларни ўрганадиган, улар билан ишлайдиган махсус бир бўлим очиш керак. Бу тўрт мазҳабдан бирига эргашган мусулмонни бошқа мусулмонларга қарама-қарши қўйиш тажрибасидан воз кечилса, мамлакатда диний вазият анча юмшайди.
5. Ҳар тўрт йилда Ўзбекистон мусулмонларининг қурултойини ўтказиш тажрибасини тиклаш лозим. Идора раисини қурултой сайласин.

Нуруллоҳ Муҳаммад Рауфхон, ёзувчи.
2018 йил июлининг 18-куни.