НИМА НИМАДАН БОШЛАНАДИ?

   *  Боланинг одоби, одати ота-онага тақлиддан бошланади: "Қуш уясида кўрганини қилади".

   *  Худони унутиш унинг бандасига сиғиниш ёки бандасидан қўрқишдан бошланади.

   *  Илмга интилиш иштиёқдан, иштиёқ эса илмли кишининг қадр топганидан бошланади.

   *  Одоб илмдан эмас, илм одобдан бошланади.

   *  Ҳасад ўз касбини яхши билмасликдан бошланади.

   *  Шуҳратпарастлик унга имкон, яъни уни ҳазм қилувчилар борлигидан бошланади.

   *  Порахўрлик, тўрачилик ваколатдан бошланади.

   *  Сувнинг тиниқлиги чашма ва булоқдан бошланади.

   *  Замоннинг нотинчлиги такаббурлик ва кибрдан бошланади.

   *  Ҳар қандай уруш ички сиёсатдан бошланади.

   *  Эр-хотин ўртасидаги келишмовчилик бир-бирининг феълини, мижозини билмасдан турмуш қуришидан бошланади.

   *  Жиноят унинг жазосидан қутилиб қолиш имконияти борлигидан бошланади. 

   *  Танадаги касаллик нафсдан бошланади.

   *  Тилнинг ихтиёрсизлиги феълдан ва фаросатсизликдан бошланади.