НУРОНИЙЛАР ОВОЗИ

Соғлиқ учун жуда фойдали машқ:

ПУЛ САНАШ
( киноя)

- суяклар оғриғини қолдиради.
- қон босимини меъёрга солади.
- тиш ва бош оғриғини тўхтатади
- кўриш қобилияти, иштаҳа, ташқи кўриниш ва яшаш тарзини яхшилайди.

Ушбу машқни тез-тез бажариб туриш насиб этсин!

Пул санаш машқининг фойдаларини ёздик. Лекин, ҳар қандай дори воситаси каби, пулнинг ҳам салбий таъсирлари кўп экан:

- Кўриш қобилиятини пасайтиради. Оқибатда унча-мунча одамни танимай қоласиз;

- Таъм билиш хусусиятига салбий таъсир қилади. Натижада, ҳамма овқатланиб юрган жойлардаги овқатлар "бир тийинга қиммат" овқатдай туюлиб, қиммат бўлмаган жойни таоми ўтмай қолади. Кейин оддийгина маставани ҳам мажбуриятдан Бочкага чиқиб ичиб келишга мажбур бўласиз.

- Одамни нозиклаштиради. Ҳамма юрган иссиқда юра олмай, машинага торнировка қўйишга мажбур бўласиз. Қиммат бутикдан кийим олмасангиз оёқни сиқади, баданни терлатадиган бўлиб қолади.

- Эшитиш қобилиятини пасайтиради. Машинада мусиқани варанглатиб қўймасангиз мусиқа эшитилмайди.

- Бармоқларнинг иш фаолиятига салбий таъсири бор. Масалан, яқинларингизга, дўстларингизга қўнғироқ қилиб қўйишга бармоқлар ишламайди. Қачонки ўзлари қилса, эринибгина телефонга жавоб беришга мажбур бўлиб қоласиз.

- Камига, танишларни кўриб қолганда, аввал улар қўл чўзмаса, кўришишга қўл чўзилмайди. Буни пул кўплигидан азият чекаётган, сиз билан дарди бир инсонлар тушунмаса, бошқалар тушунмайди.

- Энг зўр кофе ҳам ёқмай қолади. Чунки у сиз фалон давлатда фалон ресторанда ичган кофени олдида кофе эмас.

- Оёққа зарари бор. Оддийроқ машина минсангиз, оёқ газ педалини боса олмайди. Машина юрмайди. Танишларингиз эса, дардингизни тушунмай, "бурни осмонда буни", деб сизни айблашади.

- Хотирани пасайтиради. Ҳар қандай ҳолатда "бизда ҳеч нарсани эплай олишмайди. Мана, ман Парижда бўлганимда..." , деяверасиз. Бу гапни 1000 марта айтиб бўлганингизни эслай олмайсиз.

Пули кўпларга ҳам осон эмас...

Аквариум ичидаги ноодатий ресторан лекин жуда чиройли нима дейсизлар..

Дунёни борича қабул қилинг. Шунда яшаш осонроқ бўлади.

Қўлингиздан келган нарсани ўзгартиринг.
Ўзгартириш қўлингиздан келмайдиганлари учун сабр қилинг.

Неъматларга шукр, ҳаётга теран фикр кераклигини унутманг…

Одамлардан "фаришта"ликни талаб қилманг, унутманг банда фаришта бўла олмайди. Ҳар яхшини бир ёмони ва ҳар ёмонни бир яхшиси бор.

Доим яхши ниятда бўлинг, чунки ниятингизни гапирмасингиздан эшитадиган Зот бор.

Ўзингизни кўп қийнаманг.. юрагингизга раҳмингиз келсин. Ҳаётга енгилроқ қаранг.

Ҳаётингизда учта меҳмон ваъдалашмай ҳам келаверади.

Ризқ;
Муҳаббат;
Бахт...

Илоҳим шу уч меҳмон уйингизни ҳеч қачон тарк этмасин!

Эрталабдан бироз кайфиятни кўтариб оламиз...

Бир сўз билан кўнгилга  шодликни бериш мумкин!
Бир гул билан юзга табассум улашиш мумкин!
Бир нигоҳ билан атрофни ёндириш мумкин!
Бир финжон қаҳва бутун умрингизни муҳаббатга тўлдириш мумкин!
Аммо чой бошқа нарса, чой бу янги кун, янги тонг....
Чой бу қадриятдан тортиб, соғинчгача бўлган масофани босиб ўтган йўловчи азизим!

Чойингиз ҳузурли бўлсин қадрли инсонлар!

Тонг ҳам отди, бошланди ташвиш,
Қалбда исён кўтармиш туйғу.
Унитиб кечани қилиб фаромуш,
Бир муддат чекинди келган у қайғу.

Орқага ирғитгин, ўйлама бисёр,
Бугунинг энг гўзал ўтмоғи учун.
Яшаш керак дўстим, бўлиб бахтиёр,
Кечани ўйлама, ўйлайсан нечун?


Ҳаётга бир бора келамиз ахир,
Гиналар сақламоқ керакми, айтгин.
Тақдирнинг ошлари бўлса-да тахир,
Бахт томон чопгин-у, аламдан қайтгин.


Қувончни чорлагин, шодумон яша,
Вужудингда ёнсин, туғёнлар тинмай.
Олға юр, минг битта довонлар оша,
Чарчоқ не, яшагин ғамларни билмай.

РАҲИМА МЎМИНОВА,
Тожикистон.
19.04.2025 й.

ХАЙРЛИ КЕЧ!