Наманган шаҳридаги Ёшлар маркази биносида “Эркин ва фаровон, қудратли янги Ўзбекистонни биргаликда қурамиз!” шиори остида ЎзЛиДеП сайловолди тарғибот тадбири бўлиб ўтди. Тадбирда вилоятда фаолият кўрсатаётган тадбиркорлар, таълим ва тиббиёт ходимлари, партия фаоллари ҳамда талаба ёшлар иштирок этди.
Таъкидланганидек, партия жорий йил 27 октябрда бўлиб ўтадиган сайловларга “Ваъда эмас, натижа, эртага эмас, бугун”, шиори билан кириб келмоқда. ЎзЛиДеП бу йилги сайловолди дастурида ҳам аҳолининг барча қатламлари манфаатларини ҳимоя қилишга жиддий эътибор қаратган.
Тарғибот тадбирида тадбиркорлик фаолиятини ривожлантириш бўйича амалга оширилган ишлар натижасида мамлакатимизда тадбиркорлик соҳасидаги 132 та лицензия ва рухсат бериш тартиб-таомиллари бекор қилинганлиги, шунинндек, келгуси беш йилликда партиямиз бу йўналишдаги ишларни сифат жиҳатда янги босқичга олиб чиқишни мақсад қилганлиги таъкидлаб ўтилди.

https://t.me/namuzlidep_uz