#BOBUR_BOBOMIZ

Andijonda tug'ildi Temur avlodi bo'lib
Umarshayx Mirzoning hukmdor o'g'li bo'lib
Padarining taxtini egalladi yosh bo'lib
Podshox bo'lgan tarixda, Mirzo Bobur bobomiz.

O'n ikki yoshda edi u, taxti nasib etganda
Yurt kelajagi uchun o'z hayotin tikkanda
Zimmasiga butun xalqning mas'uliyati tushganda
Rahbar bo'lgan tarixda, Mirzo Bobur bobomiz.

Yoshligidan egalladi u turfa xil bilimlarni
Har so'zini ilib olar saboq bergan ustozlarni
Ortida qoldirgandir, u barcha tengdoshlarni
Olim bo'lgan tarixda, Mirzo Bobur bobomiz.

U qilgan yurishlarni ta'riflashga hech so'z yo'q
G'aznayu-Qobul tomon borar ekan to'siq yo'q
Hindistonga yo'l oldi g'alabadan ko'ngil to'q
Sarkarda bo'lgan tarixda, Mirzo Bobur bobomiz.

Ko'nglida tug'ilgandir qalamining uchlari
Asarlari betakror va ruboiy so'zlari
Sog'inchli misralari yoshlatadi ko'zlarni
Shoir bo'lgan tarixda, Mirzo Bobur bobomiz

✍🏻 Tabiiy fanlar fakulteti 3-kurs talabasi Shaxnoza Yo'ldashaliyeva

https://t.me/namdu_tabiiy_fanlar