Najmiddin Turon

@NajmiddinTURON

Channel's geo and language: Uzbekistan, Uzbek

Category: not specified

Dilda darding bo‘lmasa,
Dardisarimni kovlama.

Mashrab

Related channels | Similar channels

Channel's geo and language

Uzbekistan, Uzbek

Najmiddin Turon

4 Oct, 16:42

Forward from: SO‘Z VA SIYOSAT

🤩Bugun oʻzbek eli sara farzandlaridan ayrilganiga 88 yil boʻldi…

Ochilmay soʻlsa har gul gʻunchasi pir-u javon yigʻlar,
Emas pir-u javon, balki hama ahli jahon yigʻlar…

Bundan roppa-rosa 88 yil avval yana bir guruh ziyolilarimiz sobiq Ittifoq qatagʻon mashinasi zanjirlari ostida yanchildi. Ularning ichida Abdulla Qodiriy, Choʻlpon, Fitrat, Gʻozi Olim Yunusov, Ziyo Said kabi oʻzbekning asil vatanparvarlari bor edi.

Quyidagi havola orqali Abdulla Qodiriy qalamiga mansub “Yigʻlar” radifli gʻazalning kuyini tinglashingiz mumkin:
https://youtu.be/jIxdmg4vyss?si=pIHbbWXsxZQCm8oz

Vatan unutmaydi! Xalq unutmaydi!

@soz_loyihasi

Yigʻlar — Asilbek Eshonov & “ArtHouse” teatr guruhi | YALDO KECHASIdan

“So‘z” loyihasi doirasida o‘tkazilgan “Yaldo kechasi” teatrlashtirilgan she’riy-konsert dasturida ijro etilgan “Yig‘lar” qo‘shig‘i. #Uzb35 #Mustaqillik35

361 0 11 15

Najmiddin Turon

3 Oct, 22:52

Хазондай ёйилган эркак ҳасратин
Супуриб оларда мазлум аёллар
Тандирга ёққанча кўзи ачишиб
Нон ёпиб беради болаларига.

Эркак кетган йўлни саваб сабовда
Урчуқда ийириб ёлғиз тунлари
Жуволдиз қадалган қўллари билан
Кийим тўқиб берар болаларига.

Эркак айтган сўзни исирға мисол
Тақиб олганича қулоқларига
Тилига кўчириб узоқ тунларда
Овутиб чиқади болаларини.

Шундайин улғаяр болалар кейин
Егани ҳасрату кийгани соғинч
Овунчоғи зўрға ёнаётган шам.

Бир кун ҳайрон бўлар ота-оналар
Болаларнинг мискин кўзига боқиб
—нега кул деганда йиғлайди булар?
—нега юр деганда қақшар юраги?..

https://t.me/NajmiddinTURON

Расм муаллифи: https://t.me/Xolida_Musulmon

1.3k 1 14 61

Najmiddin Turon

2 Oct, 09:54

Forward from: “Yoshlik” jurnali

#mujda

Muqovada: Yosh shoir Najmiddin Turon

Fotograf: Ernest Kurtveliyev.

📱Telegram 📱Instagram
📱Veb-sayt 📱Facebook

992 0 4 46

Najmiddin Turon

30 Sep, 14:46

Тақво йўлларинда мажнунтол эгик,
Тераклар кеккайган азалий кофир.
Аслан қўноқлиги яширин дунда
Ёмғирлар муҳожир, мен-да муҳожир.

Токларнинг шохида тўнглаган ёши,
Беҳиштда данагин қолдирган анжир.
Бизни тарошлаган норасо дунё,
Ёмғирлар хабарчи, мен-да хабарчи.

Оҳулар кўзидан андуҳий бода
Ҳўплаган шамоллар эсида жудо.
Эс бу қолганларга ўхшамак бўлса,
Ёмғирлар девона, мен-да девона.

Қўрғошин тусдаги ёшни симирган,
Туманлар заминнинг чўнтакрўмоли.
Унинг бир камига даво қидирган,
Ёмғирлар сазойи, мен-да сазойи.

Ҳаққуш уясига тухумин қўйиб,
Каккулар минг йилки жўжа очирган.
Бул мудҳиш сирларнинг гувоҳи бўлиб,
Ёмғирлар осилган, мен-да осилган.

Кун-бакун тусланиб бораётган бул—
Замон оловбардор, замин ўтхона.
Кимки ёндош бўлса, эта бошлар кул,
Ёмғирлар бегона, мен-да бегона...

https://t.me/NajmiddinTURON

3.5k 1 24 53

Najmiddin Turon

29 Sep, 16:47

Дилбар Ҳайдарова Кўмак йўлгурунгининг илк сонига тарихчи олим, ойдин Баром Ирзаев ва каминани чорлаган эди.
Унда жадидлар ташкил қилган Кўмак ва бугунгиси, юз йил орасидаги фарқ ва ўхшашликлар, ёшлар, кишилар, жамият, асосийси, миллий мафкуранинг йўқлиги ва жуда зарур эканлиги борасида бир қур гурунглашдик. Вақт бўлганда кўрса бўлар, эҳтимол)))

https://youtu.be/cmFXRaMG3U0?si=Vww2JlqYe8R9p97r

100 yil keyin: jadidlar “Ko‘mak”idan bugungi Ko‘makkacha

“Ko‘mak” podkastining ilk sonida jadidlar davridagi “Ko‘mak” uyushmasi va bugungi Ko‘mak loyihasi o‘rtasidagi g‘oyaviy bog‘liqlik haqida suhbatlashdik. Bu suhbatda: - jadidlar davridagi ma’rifatparvarlik ruhi, - yoshlar uchun yaratilgan imkoniyatlar, - tarixiy “Ko‘mak” tashabbusining mazmuni, - va b...

1.6k 1 11 25

Najmiddin Turon

28 Sep, 16:14

01:45

Video is unavailable for watching

Show in Telegram

Ҳижронга эврилган умр йўлимда—
Менинг сен сиғмаган пешонам ҳам бор.

Шеърни Шунқор Чориев ўқиган.

https://t.me/NajmiddinTURON

2.1k 1 29 23

Najmiddin Turon

27 Sep, 09:53

Ассалому алайкум дорнинг оғочи
«Кунтуғмиш»дан
Акиф БАҒИРга

КЎНГЛИМ ҚОРОНҒУДИР, ТЕВАРАК ТУТУН,
Ёлғиз бошим узра узилар шамол,
Кўзларимни ғажир аллақандай тун,
Сен кимсан, нимасан, сен кимнинг божи? –
Ақлимни ғижимлар яланғоч савол –
Ассалому алайкўм дорнинг оғочи.

Туркийлар, айтингиз бизда нима бор,
Бизда бор мутеьлик, қуллик, озорлар,
Бизда бор қўллардан кетган ихтиёр,
Манҳус кимсаларнинг талон-тарожи,
Ҳайқириб ётибди буюк мозорлар –
Ассалому алайкўм дорнинг оғочи.

Туркийлар, айтингиз бизда нима йўқ,
Бизда йўқ иттифоқ, бизда йўқ бирлик,
Оёқ остиндадир инсоний ҳуқуқ,
Бу туркий оламнинг қутлуғ меьрожи,
Оёқ остиндадир муқаддас ҳурлик,
Ассалому алайкўм дорнинг оғочи.

Ёвузлар кучларин тўплаб шайланар,
Ичи тўла ғазаб, қўлларида тиғ,
Замонлар айланар, осмон айланар,
Она Туркистондир туркларнинг тожи –
Айтингиз, қандайин яшаймиз ортиқ,
Ассалому алайкўм дорнинг оғочи.

Нон сўраб келганга жонингни бердинг,
Сендадир матонат, сендадир тоқат,
Қон сўраб келганга шонингни бердинг,
Юртингни бердинг сен қаттол ҳирожи,
Ўлдирсанг ўзингни ўлдирдинг фақат,
Ассалому алайкўм дорнинг оғочи.

Магар оҳинг билан оламни тўлдир,
Тингламас Аллоҳинг нолаларингни,
Ваҳки отангни от, онангни ўлдир,
Эй қора дунёнинг қора муҳтожи,
Бўғизла толесиз болаларингни,
Ассалому алайкўм дорнинг оғочи.

Рауф Парфи
1988

https://t.me/NajmiddinTURON

Najmiddin Turon

Dilda darding bo‘lmasa, Dardisarimni kovlama. Mashrab

2.2k 2 28 54

Najmiddin Turon

27 Sep, 09:53

Бугун Рауф Парфи туғилган кун!

Сизга тақдим этаётган хотира-эссе шу пайтгача Рауф Парфи ҳақида ёзилган хотиралардан фарқ қилади деб ўйлайман.Чунки у Рауф Парфини жуда яхши билган, узоқ йиллар у билан ҳаммаслак, ҳам дўст, ҳам шогирд бўлган Сулаймон Раҳмон томонидан ёзилган. Яна фарқли жойи шундаки, агар Рауф Парфи ҳақидаги ёзилган хотираларнинг аксарият қисми муаллифлар томонидан ўзларини буюк шоир билан таниш бўлганларини дунёга билдириб қўйиш ниятида ёзилган бўлса,Сулаймон Раҳмон хотиралари теран ва ботиний самимият билан ёзилгани,улуғ шоирнинг сиймосини аниқ ва ёрқин тарзда кўз ўнгимизда намоён этиши билан ажралиб туради.Хотирада Рауф Парфи яшаган муҳит,унинг ўша йиллардаги ўйлари ва кечинмалари,шоирни ёнидаги одамлар ҳақида аниқ ва тиниқ ёзилгани ҳам диққатга сазовор.

Эссенинг тўлиғи 👇👇👇

https://kh-davron.uz/kutubxona/uzbek/memuarlar/sulaymon-rahmon-suyuk-va-buyuk-shoir.html

1.9k 2 14 11

Najmiddin Turon

24 Sep, 17:39

Forward from: Suhrob Ziyo

Saljuqiylar hukmdori Alp Arslondan so‘rashibdi: "Shunday qudratli imperiya nega parchalandi?"
"Bunga sabab shuki, biz qo‘lidan ish keladigan odamlarga mayda-chuyda ishlarni berdik. Qo‘lidan ish kelmaydigan pandavaqilarga katta-katta vazifalarni berdik. Katta vazifalarni ular eplolmadi. Narigilar ishini pisand qilmadi", degan ekan.

© Mahmud Sa’diy

@suhrob_ziyo1

1.7k 0 30 57

Najmiddin Turon

24 Sep, 10:12

Forward from: Farrux Jabborbek

#jurnal #fiqra

“Bobolar izidan...” uch-to‘rt ming chaqirim yo‘l bosib, goh piyoda, goh ulovda yurib, goh uyda, goh yaylovda tunab, murodimiz hosil bo‘lib, safarimiz qarib, Toshkentga uchar chog‘i Qiziljar (xakascha: Хызыл чар; ruscha: Красноярск) aeroportida bir yurtdoshimiz bilan suhbatlashib qoldik. U bepoyon o‘lkaning yana shuncha ming chaqirim olisdagi go‘shasidan ishlab qaytayotgan ekan.

Yurakda ekspeditsiya taassurotlari hali qaynab turibdi, jo‘shib gapirib beryapmiz-u, akaning ko‘zlari pirpirab, miyasida savollar g‘ujg‘on o‘ynayotgani seziladi: Nima foyda? Indamaygina tirikchiligini qilib yursa bo‘lmaydimi? Pul topib, aql topmagan sayyohlarmikan?.. Maqsadimizni tushunmadi, rosti. Axiyri: “Bu yurishlaringni davlat ko‘taradi-da?” deya so‘radi beozorgina.

Xalqimiz davlat budjetiga savol qo‘yishni o‘rgana boshladi. Biroq ko‘pincha ho‘l-u quruqni baravar yoqib yuboramiz. Millatni millat qilib turadigan, o‘zagimizni o‘stiradigan loyihalarga xarajatni umuman ortiqcha hisoblaymiz. Vatandoshning muloyim savoli tagma’nosini tushundik, albatta. Safar xarajatlarini ko‘ngilli tadbirkor to‘laganini aytganimizda esa tamoman lol qoldi: shunaqa boylarimiz ham bormi hali?..

Endi mening miyamda savollar g‘ujg‘on o‘ynay boshladi: kimligimizni, maslagimizni qanday tushuntirsam ekan?

...Qadimda Zarafshon daryosiga kigiz tashlab qo‘yishgan, tog‘lardan oqib kelayotgan oltin zarralari yungga ilashib qolgan. Keyin olovda ma’danni eritib olishgan. Ziyoli o‘sha kigizga o‘xshaydi, shaxsiy tirikchiligini ko‘pam o‘ylamaydi. O‘zi yonib kul bo‘lsa-da, millatni oltin yombiga aylantirish uchun yashaydi...

Yo‘q, tarixdan timsol keltirishim havoga uchsa kerak, chunki tilla deyishim bilan yurtdoshimning qulog‘iga boshqa gap kirmasligi tayin. O‘sha daryo qayerda edi, haliyam kigiz tashlab ko‘rsa bo‘lmasmikan, deb surishtirishi ham mumkin, qaytanga.

...Agar usta bo‘lsangiz, imorat solishdan oldin tarhini taxminan tosh bilan belgilaysiz, keyin qoziq qoqib chiqasiz, keyin ularni chilvir bilan birlashtirasiz, keyin poydevor tashlab, devor ko‘tarib, tom yopasiz. Bobolar qoqib ketgan qoziqlarni biz ip bilan bir-biriga tutashtirib yuribmiz, desammi? Galdagi ishlarni bajaradigan er yigitlar ham chiqib qolar...

Mana, suvog‘i bizning qo‘limizdan keladi, metr kvadratiga qanchadan berasizlar, deb xizmatini taklif qilsa-ya?..

Bugungi o‘z foydasini ko‘zlayotgan yurtdoshimdan xafa bo‘lishga haqqim yo‘q. U ham aslida bolalari uchun “kigiz” vazifasini o‘tayapti. Otasidan qolgan hovlini bo‘lib-bo‘lib tom solayotgandir o‘g‘illariga. Ertangi umummilliy foyda haqida qayg‘urishni, millat imoratini baland ko‘tarishni esa bir hovuch ziyolilarga “ishongan”.

– Biz ishlayotgan joyda boshqacha xalqlar bor, kam sonli. Ular ba’zida o‘z tilida gaplashsa, hayron bo‘laman, o‘zbek tiliga o‘xshab ketadi, – deb qolsami?

– E, bormisiz, aka? Mana shu iz bo‘ladi, bobolar izi shu! Haligi tosh, qoziq deganim ham shu! Faqat hozir hammamiz o‘z-o‘zimizcha yashayapmiz, o‘z kunimga o‘zim omon bo‘lay deb yashayapmiz...

Iz bo‘lmasa, biz bo‘lmaymiz.
Izlar qo‘shilib yo‘l bo‘ladi.
Suvlar qo‘shilib sel bo‘ladi.
So‘zlar qo‘shilib el bo‘ladi.
O‘zlar qo‘shilib biz bo‘lamiz.
Biz bo‘lamiz!

“Til va adabiyot ta’limi” jurnalining 2026-yil 5-soniga kirishso‘z

🗄Farrux Jabborbek

1.6k 0 2 27

Najmiddin Turon

23 Sep, 10:33

Талабалик дамлари ётоқхонада китобларининг муқовасини йиртиб ташлаб, кунжакларга яшириб ўқирдик. Тор ва ишончли машваратларда Унинг шеърларини жўр бўлиб айтардик. Бу ҳол шу даражада эдики, бир киши биринчи мисрасини бошласа, қолганларам қўшиларди, ёддан биларди.
Бир куни сумкамда Шоирнинг муқоваси олиб ташланган китоби билан метрога тушиб қолдим. У вақтлар кирган-чиққанни текширадиган кимсалар турарди. Сумкамни ковлашди:
—Бу қандай китоб?
—Оддий китоб.
—Нега йиртилган, янгиси йўқми?
—Жуда эскида, шунга йиртилиб қолган.
(Муқова йиртилган билан орқа варақда исми қолган экан.)
—Муҳаммад Солиҳми? Ким у?
—Ҳа, Муҳаммад Солиҳ. Ўн бешинчи асрда яшаган шоир. Шунинг учун эски деяпман-ку.
—Ҳа. Яхши.

Яна бир қизиқ воқеа юрарди. Ёзувчилар уюшмасидаги мушоирада бир шоира Унинг шеърларини ўзимники дея ўқийди. Ҳамма бир-бирига қарайди. Бироқ ҳеч ким, ҳой, тўхта, бу шеърлар М.С.ники-ку, деб айтолмайди. Ҳа, ўттиз уч йилдан буён ўзи-ку майли, исми ҳам қувғунда эди унинг. Лекин шеърларини, китобларини барибир топардик, ўқирдик, айтардик. Улуғ шоир Рауф Парфи мен еттита дарёдан сув ичаман деганда ўзидан кичиклардан биргина Унинг исмини тилга олган.
Бугун катта шоир Муҳаммад Солиҳдан Анора Содиқова интервью олибди. Ўзи айтганидек, ўзбек матбуотида ўттиз уч йилдан буён биринчи чиқиши Шоирнинг.
Раҳмат, Анора опа!

НА ГЎЗАЛ

Бир ёнда ожизу, бир ёнда кучли,
кураш бошланаркан тарафма-тараф
ожизнинг ёнини олганинг учун
«хоин» деб ном олмоқ нақадар шараф!

На шараф, халқини қул этган подшоҳ
«менинг душманим» деб сени атаса,
жазавага тушса исминг эшитган чоғ
китобингни ўқиб, йиртса, топтаса!

На шарафки, зулмга «Зулм!» дейолсанг,
бошингда ҳар куни синса-да, тўқмоқ,
шайтондан қўрқмаслик нақадар гўзал,
на гўзал ягона Оллоҳдан қўрқмоқ!

1994
Муҳаммад Солиҳ

https://www.youtube.com/watch?v=Di2zwMMwBrA

Muhammad Solih bilan eksklyuziv intervyu

Siyosiy muhojir, shoir Muhammad Solih — Uzdiplomat mehmoni. Uning aytishicha, 30 yildan ortiq vaqt davomida O‘zbekistondagi OAV undan intervyu olmagan: «Olishga qo‘rqqan” U qaytishni istaydi. Siyosatga hammi? Karimov va Solih: ziddiyat qayerdan boshlangan? «Ikki soatning ichida 20 ming odamni ko‘c...

2.9k 1 81 65

Najmiddin Turon

21 Sep, 12:38

Forward from: Sitorabonu Hoshim qizi

Najmiddin Ermatov she'ri — Sitorabonu o'qidi

01:24

Xayrli kun, azizlar!

@sitorabonu_audiolar

1.9k 0 7 22

Najmiddin Turon

18 Sep, 11:29

Бугун шеърларида томчининг таровати ва матонати уфурган шоира Гулноз Мўминованинг тувилди куни!

АЙТИБ БЎЛМАЙДИГАН ҚЎШИҚ

Ҳурсан дерлар – хўрлашар сени,
Гулсан дерлар, зўрлашар сени,
Кўнмоққа мажбурлашар сени,
Аёл бўлиб туғилма Шарқда.
Шамол фурсат саросар бўлар,
Қисмат ғарми – отинг ғар бўлар,
Гувоҳларинг кўру кар бўлар,
Аёл бўлиб туғилма Шарқда.
Тоғда алқор, чўлда янтоқ бўл,
Кутиб ўтсин умринг, муштоқ бўл,
Гала бўлма, якка бўл, тоқ бўл,
Аёл бўлиб туғилма Шарқда.
Тож Маҳал ҳам бир шоҳ риёси,
Дунёда йўқ гарчи қиёси,
То кибрнинг йўқдир давоси,
Аёл бўлиб туғилма Шарқда.
Сўз айтмоққа куч топ Дунёга,
Тош алишма меҳригиёга,
Алданма кўп оҳангжамога,
Аёл бўлиб туғилма Шарқда.
Чиқ ёдлардан - рўё бўл, туш бўл,
Кўкларга уч, гирён оққуш бўл,
Кабутар бўл, бор-ей, бойқуш бўл,
Аёл бўлиб туғилма Шарқда.
Сувга тушсанг, сувга лойиқ бўл,
Сол, елкан ё сарбаст қайиқ бўл,
Сув қизи бўл, илонбалиқ бўл,
Аёл бўлиб туғилма Шарқда.
Ғурурингни пайҳон этгайлар,
Ўзлигингни яксон этгайлар
Бир кун мендек пушмон этгайлар
Аёл бўлиб туғилма Шарқда.

@NajmiddinTURON

Дил синиқлари

Гулноз Мўминова 1978 йили туғилган. Тошкент давлат университети (ҳозирги ЎзМУ)нинг журналистика факультетини тамомлаган. “Фасллар шивири”, “Сайёҳ қушлар”, “Дил синиқлари”, “Чиғаноқ” ва "комета" номли шеърий тўпламлари нашр этилган.

5k 1 47 49

Najmiddin Turon

16 Sep, 14:30

Тушларда қушларга қўшилиб учдим,
Гоҳо булутларга тўш уриб учдим,
Ўнггим оғир келди, пойингга тушдим,
Тийрамоҳ, титраб оҳ чеккани келдим.

Сарбон йўл кўрсатди, ўзи кўр эди,
Гўрўғли чиқмади , оғзим гўр эди,
Жасорат унмади, манглай шўр эди,
Бағрингга бир гиёҳ эккани келдим.

Тақвим қашқирдайин умримга ўчми?
Яширин бир титроқ бўғзимга кўчди,
Кўзимда бир чироқ бор эди ўчди,
Ўзимни мен сўроқ этгани келдим.

Бир сулув қалбимга ўт қалаб ўтди,
Ҳижронга кўнувчан жон тилаб ўтди,
Лек руҳим ўтгунча ишқталаб ўтди,
Ёшимни мен гувоҳ этгани келдим.

Қабрлар қирларга туташиб борар,
Йиллар бирин-кетин қир ошиб борар,
Руҳим само сари тирмашиб борар,
Қисматдан мен йироқ кетгани келдим.

Ул туғмас қабрда сўзлар сурунгай,
Қашқирдан қочиб тан бекор урунгай,
Асли тириклигим ёлғон кўрингай,
Дор келтир, мен гуноҳ этгани келдим.

https://t.me/NajmiddinTURON

2.8k 3 24 55

Najmiddin Turon

15 Sep, 07:38

Сентябрь тиғ урди август ортидан,
Япроқларга сачраб кетди қон.
Ҳолсизланган қуёшни судраб,
Кетиб борар эди саратон.

Куйиб куйлар эди ҳотима куйин,
Атиргул шохидан кетолмаган қуш.
Наводек ҳавога кетолмам сингиб,
Уёғи хаёл ва у томони туш.

Қайта келаверар армонлар ёдга,
Ўтмишга интилиб тасаввур ҳалак.
Тийрамоҳ тиғига урар ўзини,
Саратон қонига беланган юрак.

https://t.me/NajmiddinTURON

5.1k 2 28 55

Najmiddin Turon

12 Sep, 08:05

* * *
Наҳот шеърлар айтдим
бўшлиққа қараб,
наҳотки соврилди олов сўзларим,
наҳотки ҳақ бўлса, элу юрт асли
қуруқ сўзлар, деган гумроҳ дўстларим?!
Наҳот, бекор ўтди
гулдай умримнинг
минг йилга татирлик олтин чоқлари,
наҳот бирор руҳни уйғотолмади
шоир юрагимнинг қалдироқлари?!
Наҳотки, бирорта дилга етолмай,
беҳуда сарфланиб қанча куч-чидам,
келиб кетаверар ёруғ дунёга,
келиб кетаверар мендай куйчилар?!

****

Ҳаммамиз қуёшда куйган жиззамиз,
қачон тиз чўкувдик,
ҳамон иззамиз,
сирқираб оғрийди шишган тиззамиз,
ўриндан озгина турсак майлиму?

Ўтганлар бари бек,
қолган жавдирар,
гарданда кўринмас ғуллар шалдирар,
меҳнатдан ёрилган қўллар қалтирар,
ўз беким ерида юрсак майлиму?

Насимлар гулламиш озод тоғларда,
озодлик муждаси сўлу соғларда,
боболар қийналиб тиккан боғларда
ағанаб бир хаёл сурсак майлиму?

Неча минг аллома, жўмардлар ўлган,
тафаккур сасиган,
руҳлари сўлган,
уруғлар айниган тап-тақир чўлда
ўз беким давлатин қурсак майлиму?

Юз эллик йилдирки мана шу ҳолат,
ҳануз давом этар маккор тижорат,
билмадим, қаердан ушбу жаҳолат,
нега сиз бўлмайсиз сира хижолат?

Нега мен сўрайман сиздан ижозат?!

Шавкат Раҳмон

https://t.me/NajmiddinTURON

4.9k 2 50 68

Najmiddin Turon

12 Sep, 08:05

03:35

Video is unavailable for watching

Show in Telegram

Бугун зулфиқор руҳли, Ҳақ, халқ ва ҳақиқат тарафида турган шоир — ШАВКАТ РАҲМОН туғилган кун!!!

https://t.me/NajmiddinTURON

5.5k 2 28 45

Najmiddin Turon

11 Sep, 22:08

Qanoti siniqku, ucholmas bulbul,
Tillari kesilgan, tumshug‘ida zang.
Sendan kattalarning hadigi sabab,
Sening zamoningdan quvilgan ohang.

Dilginang hapqirar hayajon yutib,
Sezasan nimadir chekishin nola.
Tinmay entikasan mo‘jiza kutib,
Qafasning sayrashin kutyotgan bola.

https://t.me/NajmiddinTURON

2.6k 2 16 52

Najmiddin Turon

11 Sep, 07:58

Forward from: O‘zlik

🐺 Turkiy til: Qudrat, taqiqlar va yo‘qotishlar... Biz qanday tilni meros qilib oldik?

🔥 “O‘zlik” loyihasida tarix darslarini muvaffaqiyatli yakunlab, navbatdagi muhim sahifani ochyapmiz. Loyihamizda 2-modul — “Til oyligi” boshlanmoqda!

🐺 Biz har kuni gaplashadigan, o‘ylaydigan va his qiladigan tilimizning asl ildizlari qayerga taqaladi? Turkiy til qanday qilib ulkan hududlarga tarqalib, qudratli davlatlarning asosiy muloqot vositasiga aylangan edi? Nega keyinchalik u taqiqlar va bosimlarga uchradi? O‘tgan asrlar davomida biz nimalarni yo‘qotdik va nimalarni saqlab qola oldik?

Til oyligining ilk ochiq darsida aynan shu og‘riqli, ammo har birimiz bilishimiz shart bo‘lgan mavzu atrofida suhbatlashamiz.

🎙 Spiker: Aniq va ijtimoiy fanlar universiteti Altaistika va turkologiya markazi rahbari, turkshunos Anvar Bo‘ronov
🔊 Mavzu: Turkiy til: Tarqalishi, taqiqlar va yo‘qotishlar
🗓 Vaqt: 11-sentabr, soat 19:00
📍 Manzil: Respublika Ma’naviyat va ma’rifat markazi

Barchani ushbu muhim va qizg‘in suhbatga taklif qilamiz. Ishtirok etish barcha uchun erkin. Kelib, o‘zligingizni biz bilan birga anglang!

🔻 Bizni ijtimoiy tarmoqlar orqali kuzatib borishni unutmang:
Telegram | Instagram | Facebook | X

2.1k 0 1 17

Najmiddin Turon

10 Sep, 14:29

Bu g‘arib dahrda uchrashsak yana,
Yo‘llaring oxiri chopsa ko‘zima,
Ashklaring nahridan kechib o‘tmasam,
O‘ksima.

Darz ketgan kosada may ichib tursam,
Sanasang, qovurg‘am biri bo‘lsa kam.
Qarasang, jismimda kam bo‘lsam men ham,
Ichikma.

Ko‘zlarim kadardan kiyinsa kafan,
Puflasang, qaqnuslar chiqmasa kuldan,
Kuyug‘ ko‘kayima kuldon qidirib,
Kuyunma.

Qushlarsiz uyaday ezg‘inlik hokim
umrima sochsa gar umidlar hokin,
Qayta butlamoqqa haddimiz sig‘mas,
Yig‘inma.

Ikkimiz bir dunda ikki yon ketsak,
Qismat kishanida gar tanho ketsak,
Joning omon bo‘lsin, faqat bu jonga
Ko‘nikma.

Joning omon bo‘lgur, mensiz bu jonga,
Ko‘nikma...

@NajmiddinTURON

iyun, 2019