“Пахтакор”да таъмирлаш ишлари бошланди. Чанг-тўзон. Қўлимга 2014 йилги мавсум учун чиқарилган анонс тушиб қолди. 11 йиллик ижод :) Коллажда “Пахтакор”да битта юлдуз, “Навбаҳор”нинг эски логоси, Мерзляков, Ҳошимов, Козакни кўришимиз мумкин.
2:1 ҳисоби қайд қилинган ўйинда “Дамас”ни адашмасам университетнинг аёл ўқитувчиси ютган эди. Ўша пайтлар ўқув юртларига чипта тарқатиларди. Ўқитувчи уддабуронлик қилган. Талабаларни олиб кириб, ютуқли бўлиши мумкин бўлган барча чиптанинг бир қисмини ўзида олиб қолган.
Бу ўйин кейинчалик бетконтора эътиборига тушган. 1:1 ҳисоби билан якунига етаётган баҳсда Юрий Рижко 90+5 - дақиқада атайин Кримецга қарши қўпол ўйнаган ва Боян Миладинович пенальтидан гол урганди. Орадан 4 йил ўтиб белоруслик ҳимоячи бир умрга футболдан четлатилинади. Букрни гўр тўғирлайди деб бекорга айтишмайди. У 2017 йил маза қилиб odinxbet ўйнагани маълум бўлган.
Энди “ремонт” бўйича маълумот.
1. Стадион майсаси УЕФА стандартлари бўйича янгиланади ва иситиш тизими янги қўйилади.
2. VVIP ҳудуд ва клуб офиси учун янги бино қурилади (бошланди).
3. Қибрайда 1 лига, U-19 ва академия учун 100 ўринга мўлжалланган бино қурилади (бошланди).
4. Чилонзордаги футбол мактаби учун 2 та сунъий майдон янгиланади.
5. Қибрайда табиий майдонлар сони 4 тадан 6 тага кўпаяди ва 2 та янги сунъий майдонга эга бўлади. Шунингдек, Ўзбекистонда ягона манеж (50х90) таъмирдан чиқарилади.
@Nadirkhuja
