Бир йигит шундай деди:

«Одатдагидек, кечки пайт ишдан қайтаётиб, совуқда харидор кутиб ўтирган банан сотувчисини кўрдим. Уйимда банан бор бўлса ҳам, унга раҳмим келиб, у томонга бурилдим. Ёнига етиб бормасимдан рўпарамдан яна бир йигит унга яқинлашди-ю, мени кўриб, тўхтаб қолди. Мен йигитга «Сотиб олаверинг. Ўзи бананимиз бор, сотувчига ачинганимдан олмоқчи бўлдим, холос», дедим. Йигит кулиб юборди-да, «Менда ҳам банан бор. Лекин мен ҳам сотувчига раҳмим келиб, бир-иккита олмоқчи эдим», деди.
Субҳаналлоҳ! Аллоҳ бу сотувчининг олдига бир вақтнинг ўзида икки кишини жўнатибди. Бу сотувчида қандай сир-синоат бор эдики, Аллоҳ унга одамларнинг раҳм шафқатини бўйсундириб қўйган экан? Бу саволнинг жавобини эшитинг:
Бугун ўша банан сотувчини кўрдим. Қарасам, бир фаррош унинг араваси атрофини супураётган экан. Сотувчи эса бир неча бананни халтага солиб, унга узатди. Ана шунда Аллоҳ яхшилик одамларнинг қалбига яхшилик қилувчиларга нисбатан меҳр солиб қўйишини англадим. Аллоҳ уларга билдирмасдан ёрдамчи лашкарларини сафарбар қилар экан!»

🌐 Muallemah | 🌐 Ma'rifat-un nafs |
🌐 Filadzum | 🌐 Filadzum KGZ |
🌐 Farzand kamoli |

Kanal: MuzDalifa iymon halovati va sakinat istagan qalblar sahifasi