Janob Panda

PayPal Mafia: Tehnologiya dunyosining liderlari

PayPal Mafia — bu PayPal asoschilari va uning dastlabki xodimlaridan iborat bo’lgan guruh. PayPal 1998 yilda Max Levchin, Peter Thiel va Luke Nosek tomonidan tashkil etilgan. Keyinchalik kompaniya eBay tomonidan 1.5 milliard dollar evaziga 2002 yilda sotib olindi. PayPal kompaniyasining bir qator sobiq rahbarlari va xodimlari o’zlarining muvaffaqiyatli startaplari bilan tanilgan va hozirda IT dunyosida katta ta’sirga ega. PayPal Mafia tarkibiga quyidagi shaxslar kiradi:

1. Elon Musk - Tesla va SpaceX asoschisi.
2. Reid Hoffman - LinkedIn asoschisi.
3. David Sacks - Yammer asoschisi.
4. Adam D’Angelo - Facebookda ex-CTO va Quora asoschisi.
5. Travis Kalanick - Uber asoschisi.
6. Steve Huffman va Alexis Ohanian. - Reddit asoschilari
7. Chad Hurley, Steve Chen, va Jawed Karim - Youtube asoschilari.
8. Max Levchin - Affirm asoschisi.
9. Jeremy Stoppelman - Yelp asoschisi.
10. Peter Thiel va Luke Nosek - Palantir va Founders Fundning asoschilari
11. Stan Chudnovsky - Facebookda Messenger bo’limining boshlig’i bo’lgan.

Bu ro'yxat judayam uzun aslida. Bu guruh o’zlarining startaplarini yaratib, texnologiya sanoatida kuchli bog'lanish hosil qilishgan. PayPal Mafia orqali ko’plab muvaffaqiyatli kompaniyalar, venture capital firmalar va texnologiya innovatsiyalari rivojlandi.

Bizam bir mnde yashaylik, biror narsa qilaylik-e ?!

@mukhammadkarim_tukhtaboev

Micro SaaS nima?

Micro SaaS — bu kichik va aniq bir muammoni hal qilishga yo‘naltirilgan onlayn xizmat. Bu kichik o‘lchamdagi SaaS (Software as a Service) modeliga asoslangan bo‘lib, asosan yirik kompaniyalar uchun kerak bo‘lmagan, lekin kichik bizneslar yoki shunchaki foydalanuvchilar uchun foydali xizmatlarni taqdim etadi.

Asosiy xususiyatlari:

- Kichik jamoa yoki bitta odam tomonidan ishlab chiqiladi va boshqariladi.
- Micro SaaS xizmatlari ko‘pincha arzon va foydalanishga juda oson bo‘ladi. Ular katta tizimlar kabi murakkab emas.
- Odatda kam vaqt, kam resurs talab qiladi. Shuning uchun daromadini ham katta deb bo'lmaydi, chunki ko'p xizmatni taklif qilmaydi.

Micro SaaS uchun namunalar:

- PandaDoc. Onlayn hujjatlarni yaratish, yuborish va imzolash uchun platforma. Kichik bizneslar uchun juda foydali bo‘lib, hujjatlarni soddalashtirishga yordam beradi.
- Loom. Ekran va video yozib olish, keyin uni boshqalarga oson ulashish imkonini beruvchi platforma. Kichik jamoalar yoki oddiy foydalanuvchilar uchun foydali.
- Buffer. Ijtimoiy tarmoqlar uchun postlarni rejalashtirish va ularni boshqarish platformasi. Kichik bizneslar yoki mustaqil blogerlar uchun foydali.

Sizda Micro SaaS uchun qanday g'oyalar bor?

@mukhammadkarim_tukhtaboev

SaaS nima?

SaaS (Software as a Service) — bu dasturlardan internet orqali xizmat sifatida foydalanish modeli. Ya'ni, siz foydalanuvchi sifatida qurilmangizga dastur o'rnatishingiz shart emas. Barcha ma'lumotlar va dasturning o'zi ham cloud da saqlanadi. Qisqa qilib aytganda, biror foydali dastur yoki hizmatning web interfeysli online versiyasi.

SaaSning afzalliklari:

- Oson kirish. Internetga ulanib, istalgan qurilmadan dasturga kirish mumkin.
- Arzon narxlar. SaaS xizmatlari ko‘p foydalanuvchilarga mo‘ljallangan, shuning uchun narxlari odatda past bo‘ladi.
- Qo'shimcha dasturlarsiz. Qurilmangizga qo'shimcha dasturlar o'rnatishingiz shart emas.

SaaS deb quyidagilarni aytsak bo'ladi:

- Google Workspace (Gmail, Google Docs): Internetda ishlaydigan pochta va hujjat dasturlari.
- Microsoft 365: Ofis dasturlarining onlayn versiyasi, masalan, Word, Excel.
- Salesforce: Bizneslarga mo‘ljallangan CRM tizimi.

Siz qanday SaaS larni bilasiz?

@mukhammadkarim_tukhtaboev

Professional bo‘lish – bu o‘zini boshqara olish. Lekin o‘zini unutish emas!

Hayot har doim ham rejamizga mos ravishda o'tmaydi. Shaxsiy muammolar ko‘pincha ichimizni kemiradi, har kuni shuni o‘ylab, kayfiyatimiz tushib ketadi. Ishlashni ham xohlamay qolamiz. Ammo biz professionalmiz. Atrofdagilarga, hamkasblarimizga yoki ijtimoiy tarmoqda bu muammolarni sezdirishni istamaymiz. Shunday emasmi ?!

O‘zimizga qoidalar o‘rnatamiz. Shaxsiy muammolarimizni ishga olib chiqmaymiz. Yaxshi kayfiyatni saqlab, boshqalarga ta’sir qilmaslikka harakat qilamiz. Ijtimoiy tarmoqlarda faqat ijobiy postlar yozamiz. Bu – professionallik. Ammo bu jarayonda shaxsiy muammolarni ham e’tiborsiz qoldirib bo‘lmaydi. Bu bizni charchatishi, ruhiy holatimizni yomonlashtirishi mumkin.

Muammo bo‘lsa, uni ichga yutib yashamang. Gaplashing! Yaqin do‘st yoki o'zingiz ishonadigan odam bilan suhbat quring. Tinchlaning! Yengillik beradigan mashg‘ulotlar toping (sport, kitob o‘qish, tabiatda sayr).

Yodda tuting. Sizning ruhiy salomatligingiz – bu sizning asosiy kuchingiz. Shaxsiy hayot tinch bo‘lsa, professional hayotda ham barqarorlik va muvaffaqiyat bo‘ladi. O‘zimizni esdan chiqarib qo‘ymaylik! 🌱

@mukhammadkarim_tukhtaboev

Professional bo‘lish nimani anglatadi?

Professional bo‘lish – bu faqat yaxshi mahoratga ega bo‘lish emas, balki ishga va insonlarga qanday munosabatda bo‘lishingizdir. Professional odam o‘z kasbida nafaqat bilim va tajribaga ega, balki o‘z harakati bilan boshqalarga ijobiy ta’sir qila qiladi.

Mas’uliyatlilik. Professional inson o‘z so‘ziga va va’dalariga sodiq. U ishni o‘z vaqtida va sifatli bajaradi.

Hurmat. U hamkasblariga, mijozlarga va jamoaga hurmat bilan munosabatda bo‘ladi.

Sifatga intilish. Professional odam “bo‘ldi, shu yetadi” qabilida emas, eng yaxshi natijani olishga harakat qiladi. Otabek Mahkamovning "Tasodif bo'lmagan 100 ta uchrashuv" kitobida shunday yozilgan edi: "Parashutni pessimistlar, samalyotni optimistlar o'ylab topgan!". "Uchsa bo'ldida" demasdan, uni "Uchirish" kerak oxirigacha.

Barqarorlik. U muammolarni tinch va oqilona hal qiladi, stressli vaziyatlarda ham o‘zini yo‘qotmaydi.

O‘zini rivojlantirish. Professional bo‘lish – doimiy o‘rganish va o‘z ustida ishlash demakdir.

Professionalizm – ishonch qozonish, hurmatga sazovor bo‘lish va hayotda muvaffaqiyatga erishish yo‘lidir. Shaxsiy muammolar bo‘lsa ham, haqiqiy professional ularni ishiga ta’sir qildirmaydi va har doim o‘z prinsiplariga sodiq qoladi.

Unutmang, professional bo‘lish – bu odatiy mahoratdan yuqori turuvchi fazilat! 🌟

Aytgancha, siz o'zingizni professionalman deb ayta olasizmi?

@mukhammadkarim_tukhtaboev

Ish va hayot muvozanati (Work-life balance)

Ish va shaxsiy hayot o'rtasidagi sog'lom muvozanatni saqlash "work-life balance" deb nomlanadi. Ya’ni, ishda samarali ishlash bilan birga oila, do‘stlar, sog‘liq va shaxsiy qiziqishlarga ham yetarli vaqt ajratishdir.

Asosiy maqsadi. Stressni kamaytirish, ruhiy va jismoniy salomatlikni saqlash, ish samaradorligini oshirish, shaxsiy hayotdan zavq olish.

Misol sifatida. Ishdan keyin sport bilan shug‘ullaning yoki oila a’zolari bilan vaqt o‘tkazing. ish vaqtida samaradorlikni oshirib, kechki payt dam olish yoki sevimli mashg‘ulotlarga vaqt ajrating. Dam olish kunlari ishni chetga surib, yangi joylarga sayohat qilish yoki do‘stlar bilan uchrashing.

Foydali taraflari. Ishingiz samaradorligi oshadi, ruhiy va jismoniy sog'ligingiz yaxshilashadi, yangi g'oyalar va ijodkorligingiz kuchayadi, doimiy kasbiy rivojlanasiz.

Bu muvozanat, ayniqsa dasturchilar kabi ko‘p vaqtini kompyuter qarshisida o‘tkazadigan mutaxassislar uchun juda muhimdir.

@mukhammadkarim_tukhtaboev

Rus tilini biladigan middle+ Data Analitika bo'yicha ustoz kerak.

Muraojaat uchun: @ozodakhonm

"Uzbekistan Creative Association" Game Developer lar uchun kichik musobaqa o'tkazayotgan ekan. Qiziquvchilarga qatnashishni maslahat beraman. Balki, o'yin bo'yicha kareerangiz shu yerdan boshlanar ...

Guruhga qo’shilish:
https://t.me/+SbpXGnonHaAzOGEy

@mukhammadkarim_tukhtaboev

Malades Javohir!

Frontend uchun Angular o'rganmoqchi bo'lganlar diqqatiga. Sizlar uchun eng yaxshi ustoz - Josh Developer (Umar) deb bilaman.

Umarni Angular bo'yicha Google ham GDE (Google Developers Expert) sifatida e'tirof etgan. Bu huddi mendagi MVP ga o'xshash.

Shu kunlarda Umar kurs boshlayapti. To'g'rirogi bugun :) Vaqt borida yozilib qoling.

@mukhammadkarim_tukhtaboev

Jur’at nima? Siz uni qanday tushunasiz?