Khumoyun Codes

27

Mana kechagi kun 27 yoshga ham kirib oldik. Shuning uchun ham oldingi yillardagi an'anani davom ettirgan holatda, qo'shimcha 2 maslahat beraman. Ikkovi ham bu oxirgi bir yildagi hayotiy tajribamga asoslangan.

27. Yaqiningman deb baland-parvoz gapirganlardan ehtiyot bo'ling. Sizni qiyomatli akam, ukam, falonchim, tugunchim deb turib ham ortingizdan ish qilishligi, sizga nisbatan teskari ish qilishligi yoki orangizdagi kelishuvni ochiqchasiga buzishligi mumkin ekan. Shuning uchun ham, gaplarga emas amallarga e'tibor ishoning, gaplar og'izni bir chekkasidan chiqib ketaveradi, amal esa unday emas. Doim kim bilan do'st/sherik/hamkor bo'layotganingizga e'tibor berib, amallariga qarang, shundan keyin ishoning.

28. Birovni o'zingizga "doljen" deb o'ylashni bas qiling! Kimdurga nimadir yaxshilik qilsangiz sizga rahmat aytishini, sizga yaxshilik qaytarishini, yoki butun umr eslab, minnatdor bo'lib qolshini kutmang. Bu minnatdorlik fazilati hammaga ham berilmagan, siz o'zingiz shunday odam bo'ling, rahmat ayting, yaxshilikka yaxshilik qaytaring, lekin boshqalardan kutmang. Kutushlaringiz (expectations) qanchalik kam bo'lsa, shunchalik hayotingiz osonroq bo'ladi.

P.S. Bizning kanalda maslahatlar ham, tavsiyalar ham tekin, foydalanib qoling 😉

Birinchi 20ta maslahat:
https://t.me/khumoyun_codes/329

Keyingi 6ta maslahat:
https://t.me/khumoyun_codes/498

Bu yil siz nimani o'rgandingiz? Qanday maslahat bera olasiz? Izohlarda yozib qoldiring 👇

@khumoyun_codes

Zararkunandalar 😈

Maktabda dars paytida ustozga va boshqalarga dars o'tishda va o'rganishda halaqt berib o'tiradigan sinfdosh bolalar hammada bo'lgan bo'lsa kerak. Bunday holat sinf xonalarda qolib ketgan bo'lsa kerak deb o'ylagandim, afsuski unday emas ekan 😔.

Kuni kecha zoom orqali bir webinar o'tkazdik, yoshi har xil lekin dasturlash o'rganayotgan yoshlar bilan. Darsni tog'ri boshlab olgunimizcha juda ham ko'p vaqt o'tib ketib qoldi. Birov mikrofonini o'chirmasa, birov speaker ekraniga chizish imkoniyatini yoqib olib, hammani vaqtini olib o'trpti. Tashkilotchilar meni oldimda hijolat, qanday o'chirishni boshida topa olishmadi, keyin topib dars o'tayotganimizda, kimdur orada mikrofonini yoqib, so'kib qo'yadi, boshqasi chatda bo'lmag'ur gaplar yozadi. Juda ham achinarli holat, bu holat asablarimga juda yomon ta'sir qildi, lekin iloji boricha o'zimni bosiqlik bilan tutishga harakat qildim. Lekin ichimda portlab ketay deb o'tirgandim 🤯.

Birov kelajagini qurish uchun, ilm olish uchun, shu bir soatlik webinardan noqal ozgina bo'lsa ham foydali ma'lumot olib chiqish uchun, har bir imkoniyatga tish-tirnog'i bilan yopishib harakat qilayotganda, bunday zararkunandalar darsni bo'lishga harakat qilishadi. Hardoim tarbiyasi og'ir o'quvchilar topiladi, lekin bu majburiy ta'lim emasku, nega o'zi o'qimaganiga yarasha, boshqalarga halaqit berish kerak? Ertaga ular kim bo'lib yetishib chiqadi? Qanday qilib katta bo'lib, oila boqadi yoki noqal o'zini eplaydi, bunisi endi menga qorong'u 🤷‍♂️.

Webinardan keyin o'ylab qoldim, maktablarda oxirgi paytlar ustozlar o'quvchilar bilan urshayotgani, o'qtuvchilar yetarli emasligi, bilim berish darajasi pasayib ketganligi balki faqatgina o'qtuvchilar, direktorlar, vazirlik, oylik va davlatga bog'liq emasdir? Balki o'quvchilarni o'zi va ularning ota-onalaridagi ayb ko'proqdur. Balki maktabdagi o'sha biz yoqtirmagan tarbiyaviy soatlar, yegan kaltaklarimiz va eshitgan gaplarimiz kerak bo'lgandir. Yo'q, kor qilmaydigan odamga qanchalik ta'lim berishga, tarbiya berishga harakat qilmang, foydasi yo'q. Tarbiya uyda berilishi kerak, maktabda esa ta'lim. Ikkovini eplagani, maktabdagilarni kuchi yetmaydi, shundoq ham shuncha yildan beri harakat qilib yotishipti. Faqatgina, ustozlarning buzilgan asablari va yoqotgan sog'liqlari qolmoqda.

Ertaga barchamiz ota-ona bo'lamiz, shunday payt kelganda iltimos, har birimiz farzandlarimizni tarbiyasi bilan o'zimiz shug'illanaylik, maktabdan talab qilmasdan. Eng aqlli o'quvchi bo'lmasa ham, noqal zararkunanda bo'lmasin!

@khumoyun_codes

Senior "tiqilib" (stuck) qolsa nima qiladi?

Ana shunday savolni kecha izohlarda so'rashdi, juda qiziq savol, lekin javobi oddiy. Senior bo'ladimi, pomidor 🍅 bo'ladimi barcha birinchi bo'lib muammoni Google orqali qidirib ko'radi, 90% holatlarda javob Stackoverflow yoki GitHub issues dan topiladi. Aks holda, "Plan B" ga o'tiladi, ya'ni hamkasblardan so'rashga.

Lekin jamoada boshqa senior/lead/architecht lar bo'lmasachi?

Sizning kompaniya sistemasida yozilgan bir qator "Senior Software Engineer" yoki "SWE III" yoki "Software Engineer L3" degan yozuv, Junior yoki Middle lardan sal ko'proq oylik olishingizdan boshqa hech narsani anglatmaydi 😅. Tog'ri sal oshirib yuborgan bo'lshim mumkin, lekin bu title va labellarga ko'p e'tibor qaratib, o'zingizni birovdan ustun tutushingiz yoki savol so'rasangiz birov sizni ustingizdan kulishi kerak degani emas. Darajasidan qat'iy nazar boshqa birov ishlab turgan loyihangizda sizdan ko'proq ishlagan bo'lshi mumkin, siz ko'rmagan kursni ko'rib, siz o'qimagan kitob yoki postni o'qigan bo'lshi mumkin. Undan tashqari siz oddiy xato qilganingizni ko'rmay qolib, bu kichik haqida o'ylab ham ko'rmagan bo'lshingiz mumkin. Shuning uchun bitta kalla yaxshi ikkitasi undanda yaxshi. 99% holatda muammolar shunday hal bo'ladi. Bunday holatni, mana-man degan dasturchilarda ham uchratganmiz.

Qolgan 1% da esa, hech kim yechmagan muammoni siz yechishingiz uchun imkoniyat berildi degani. Kimdur, qachondir, birinchi bo'lishi kerakku, tog'rimi?

Savol-javobdan qissadan xissa:
Hech qachon savol so'rashga uyalmang, agar rostan ham o'zingiz harakat qilib javob topa olmasangiz, hamkasblaringizdan so'rang, jamoaga muhokomaga qo'ying. Albatta javobi topiladi. Topilmasa ham, topishga kimdur tog'ri yo'l yoki variant beradi. Ammo, savol so'rashda ham oshirib yubormang, barcha mayda-chuda, Google dan qidirsa topiladigan yoki o'zingiz qidirib ko'rmagan savolni birovga bermang. Aks holda, asta sekinlik bilan hamkasblaringiz sizga javob berishni yoqtirmay qolishligi mumkin. Savol so'rash va o'zingiz topish orasida balansni ushlab, "Garmoniyaga" erishing.

@khumoyun_codes

AI ishingizni tortib olmasdan oldin, ishga kirib qolishga ulguring 😅 Saralangan Frontend uchun vakansiyalar to'plami endi bir joyda!

@frontEndJobo orqali siz o'zingizga mos ish o'rnini tezda ko'rishingiz, bozorni o'rganishingiz va oyliklarni tekshirishingiz mumkin 😊

AI regulations?

Bugun ishxonadagi loyihalar uchun AI dan foydalanishni boshqaruvchi qonun qoidalar bilan tanishib chiqdik. Qisqacha mantiq, AI foydalanishda, kod yozdirib yoki loyihadagi kodni share qilib bo'lmaydi. Menimcha hozir ko'pgina kompaniyalar bunday qonun qoidalarni ishlab chiqishmoqda yoki chiqib bo'lishdi. Konfedentsial axborotni AI bilan share qilish yaxshi oqibatlarga olib kelmasli bu turgan gap, lekin undan foydalanishni tekshiruvi qanday kechar ekan, shu menga qiziq bo'lyapti. Undan tashqari, internetda o'qiganlarim bo'yicha kompaniyalar AI-toollardan xavfsizlikni o'ylamay foydalanish uchun ichki tizimlar ishlab chiqib va AI based kompaniyalar, Enterprise maxsulotlarni faqat o'zingiz uchun "yoyib" berarmush. Huddi shaxsiy gitlab serveringiz bo'lgandek.

Boshida qarshilik ko'rsatdik, qabul qilmadik, lekin shunga qaramay kundalik hayotimizga AI tobora ko'proq kirib kelayapti. Ishimizni osonlashtirib yordamchi bo'lib ko'rinib, o'rnimizni egallayapti. Huddi bu bug' dvigatellari orqali ishlaydigan mexanizmlar birinchi odamlarga yordamchi bo'lib kelib, keyin ularni o'rnini egallaganday.

Kecha akamlar bilan shu haqida suhbatlashib qoldik, agar har bir sohada sun'iy intelektlar ishlasa, iqtsodiy inqirozga yuz tutmaymizmi? Masalan, kodni AI yozadi, rentgenni AI o'qib beradi, yuzingizdagi toshmalarni AI ko'rib nima dori kerakligini aytib beradi, mashinangizni AI boshqaradi, gaplaringizni AI tarjima qiladi. Bu kelajak emas, bu ayni hozirda bo'layotgan ishlar. Keyinchalik qolgan kasblarni ham AI egallasa, aholi ishsiz qolsa, xizmat ko'rsatuvchi kompaniyalar ham qulaydimi? Chunki odamlar ishsiz va puli yo'q, siz taklif qilayotgan obunani sotib olmaydiku.

Qiziq teoriya tog'rimi? 🤔 Barcha narsa o'zi ishlab ketaversa odamlar keraksiz bo'lib qolmaydimi? AI ni ham yo'lga solish uchun qandaydir qonun qoidalar ishlab chiqilarmikan? Shu savollar meni bir oz qiynab qo'ydi. Menimcha asta sekin singulyarlikka yaqinlashib kelyapmiz.

Sizningcha AI qanchalik o'zgarishlarga olib kelar ekan, inqirozga uchraymizmi yo'qmi? Fikrlaringizni izohlarda yozib qoldiring 👇

@khumoyun_codes

Windsurfdan yangi loyiha qilishda foydalanyapman, juda ham ko'p foydasi tegyapti demaymanu, lekin qo'ldan kegancha albatta yo'l yo'riq ko'rsatib turpti. Ayniqsa code-completion juda ham zo'r, lekin ba'zida "yugurib kelib kalla qo'yadigan" odati ham bor. Yangi loyiha bo'lgani uchun dizaynni tog'ridan tog'ri implement qilib bera olmaganiga ham ko'proq o'zim ishlayapman. Ammo, u siz bilan "birga" kod yozgan sari sizning "stilingiz"ni yaxshiroq tushunib borayotgandek go'yo. Boshida code completionlar noaniq bo'lsa, asta sekin aniqroq va tog'riroq bo'lib borayapti, bizdan kutilayotgan ish esa 3-4 harfni tog'ri bosib Tab ni bo'sish bo'layapti xolos.

Nima desa bo'ladi, xullasini aytganda vaqt ko'proq ish qilishga yetyapti. Stonks 📈

Haliyam ishlatib ko'rmagan bo'lsangiz albatta ishlatib ko'ring, o'rganing, ishingizni osonlashtib, ortib qolgan vaqtni yanada ko'proq narsa o'rganishga sarflang. Bo'lmasa Mabrur aytgandek bo'lib qoladi:

Bugun: "AI kodimni qaytadan yozib tashladi, deploy qilib productionga chiqardi, va mijozdan pul so'rab, menga qahva olib kelishimni aytdi😨"

@khumoyun_codes