Bugun soʻngi kuning.
Oxirgi marta,
Sening tonging boʻlib yorishdi falak.
Odamlar yangisin olqishlar payti,
Men seni koʻnglingni ololmay halak.

Bugun oxirgi kun,
Ertadan boshlab,
Sening bir lahzanga sigʻmaydi haddim.
Hamma yangi yilni tursa olqishlab,
Men seni kuzatib turib...
Yigʻladim!

Tugab borayapsan,
Haqdir ibtido,
Yakun bor har neda bilolmam nega?
Hatto bor davlatim qilsam ham fido,
Olib qololmayman bir daqiqaga!

Xizmating oʻtading, muhlating bitti,
Oʻrningga kelarni mushtoq kuturlar.
Sening kitobingni berkitib shartta,
Xotira yurtiga surgun eturlar.

Kimlar quvondilar sendan beqiyos,
Kimning hayotida qaro nuqtasan.
Boraqol, norizo boʻlma,iltimos,
Endi iloji yoʻq bugun ketmasang!