BEG’UBOR QALB🕊

Sevsangiz ortigʻi bilan sevmang yoki yomon koʻrsangiz ortigʻi bilan yomon koʻrmang.
Chunki siz aʼlo insonsiz...
Agarda shoshqaloqlik qilmasangiz, yana ham aʼlorogʻi boʻlasiz. Ehtimol... siz sevgan kunlar nafratga aylanar, nafratlisi esa sevimliga...

P.S: Qancha insonlarni ko'rdim qalbi daryo, yuragida zarracha kibr yo'q, yo'q deyish, yomonlik qilish unga begona... Yana ba'zilarni ko'rdim, hatto inson ekanligiga shubha qilasan kishi... faqat, alamzada, qalbi nafratga to'la... O'rtadagi o'xshashlik shunda-ki, ikkala qalb ham qiynaladi, biri ozorlardan, ikkinchisi dilozorligidan....☘️

🌿Aql kamaygan sari gʻurur va kibr ortib boraveradi.

🌿Ayolning yuzidagi tabassum bamisoli ochilib turgan gulga oʻxshaydi.Tabassum ulashish eng kuchli sovgʻa.Erta tongdan har bir uchragan insonga sovgʻa qiling.Boshqa insonga qilgan sovgʻangiz oʻzingizga oʻn barobar boʻlib qaytadi. Chunki siz atrofga yuborgan quvvatingiz yana oʻzingizga koʻpayib qaytadi.

Fasllar kelinchagi bahor faslining ilk ayyomi 8 - mart xotin-qizlar bayrami bilan barcha ayol va qizlarimizni muborakbod etamiz!

🌸Go'zallikda betakror, nazokatli va beg'ubor ayollar, nafis opa-singillar! Sizni borligingiz o'zi katta baxt bu dunyo uchun! Siz shunday nursizki, sizni yo'qligingiz butun dunyoni qorog'unlikka g‘arq etadi, olamni zulmat qoplaydi, sizsiz halovat ham, hayot ham yo‘q aslida! Sizda shunday kuchli matonat borki, qarshingizda tiz cho'kadi butun dunyo, jamiyki xilqat! Siz ona, siz opa, siz singil, siz ayol, siz tengdoshsiz! Har biringiz bu dunyo uchun judayam keraksiz! O'zingizni asrang, aziz Ayollar, betakror opa-singillar!!!

🌿Allohim, bergan har ne'mating uchun tashakkur! Senga taslimman, jimman.... Bilaman, senga suyukliman, o‘zing yaxshisini berasan....

🌿Biron ish boshlamoqchi boʻlsangiz qoʻrqmang. Yaxshi niyat bilan vijdonan ishga kirishing, qolganiga Xudo qoʻllaydi. Yoki biron bandasi orqali yoki oʻzingizga kuch ato etib!..

🌿​Tabiiy bo'lish, o'zligini yo'qotmaslik, samimiy hissiyotlar bilan yashash, dunyoni ochiq qalb bilan qabul qilish va atrofdagilarning tushunmasligidan cho'chimaslik - mana eng qiyin masala...!

🌿Baxtsiz uyg‘onishingizga sabab bo‘ladigan narsalar bilan kurashmang.
🍃Darhol yo‘lingizni boshqa tomonga o‘zgartiring!
🍃Aslida bu taslim bo‘lish degani emas, shunchaki ba’zi narsalar kurashishga arzimaydi..

🌿Agar qalbingiz manzili go‘zal bo‘lsa, har bir inson unga borar yo‘lni topgisi keladi...

🌿Odamni barbod qilish uchun koʻp narsa kerak emas, shunchaki u qilayotgan ish hech kimga kerak emasligiga uni ishontirish kerak, xolos.

🌿Sizdan nafratlanadigan odamlar aslida sizning maxfiy muxlislaringizdir, ular nega ko'p odamlar sizni sevishini tushunmaydilar

🌿Tabassum qiling! Kulgularingizdan baxt taralsin! Unutmang, siz eng sevimlisiz, qalbingiz toza buloqdek beg‘ubor.... 😊

🌿Menga qimmat sovg’alar yoqadi.
Masalan,
Vafo...
Ishonch...
Sevgi..
E’tibor...
Rostgo’ylik...

Mayli yomgʻir, mayli qor boʻlsin,
Siz tomonga chorlar qadamlar.
Qayda boʻlsin, faqat bor boʻlsin,
Meni yaxshi koʻrgan odamlar!

Siz borsizki kichik, yirikman,
Siz borsizki bilinmas kamlar.
Axir siz tufayli tirikman,
Meni yaxshi koʻrgan odamlar!

Koʻrdim qancha qaygʻuyu bazm,
Qoldimi men koʻrmagan damlar!
Bugun sizga qilaman taʼzim,
Meni yaxshi koʻrgan odamlar!

Ana dunyo - kim or, kim beor,
Kimdir kimga soʻrar alamlar.
Siz borsizki Xudo menga yor,
Meni yaxshi koʻrgan odamlar!

Mayli kengdir,mayli tor boʻlsin,
Siz tufayli koʻrinmas gʻamlar.
Qayda boʻlsin, Xudo yor boʻlsin,
Meni yaxshi koʻrgan odamlar!