Четга чиқиш истагидаги ота 100 млн сўм алимент пулларини олдиндан тўлади

Вазирлар Маҳкамасининг 2018 йил 6 октябрдаги 808-сон Қарори билан тасдиқланган “Алиментларни олдиндан тўлаш, шунингдек, алимент тўлаш мажбуриятини таъминлаш бўйича гаров шартномасини тузиш тартиби тўғрисида”ги Низомнинг 9-бандида алиментларни беш йилдан кам бўлмаган муддат учун олдиндан тўлаш мумкинлиги кўрсатилган.

Бюронинг Урганч шаҳар бўлими иш юритувидаги фуқаролик ишлари бўйича Урганч туманлараро судининг 04.06.2018 йилдаги суд буйруғига асосан қарздор И.Б.дан ундирувчи К.И.фойдасига бир нафар фарзандининг моддий таъминоти учун ҳар ойдаги иш ҳақи ва бошқа даромадининг 1/4 қисми миқдорида алимент ундириш белгиланган.

Мазкур ижро ҳужжати бўйича қарздорнинг четга чиқиш ҳуқуқлари вақтинча чекланган эди, шу сабабли, хорижга чиқиш истагида юрган қарздор ота фарзанди таъминоти учун беш йиллик 100,0 млн. сўм алимент пулини олдиндан тўлади ҳамда қарздорга нисбатан қўлланилган барча чеклов чоралари бекор қилинди.

Дурдона Атамуратова, Бюронинг Урганч шаҳар бўлими давлат ижрочиси

@mibxorazmvil