Oltiariqda otaliqqa olingan yoshlar doimo e‘tiborda!!!

Joriy yilning 12 dekabr kuni Majburiy ijro buyurosi Oltiariq tuman bo‘limi tomonidan tumanning 5 sonli maktab binosida yoshlar bilan ochiq muloqot o‘tkazilib ularning muammolari yechim topishi yuzasidan suhbat olib borildi.
Otaliqqa olingan yoshlarning fikr- mulohazalari tinglandi.

Yoshlar bilan suhbat davomida Davlatimiz rahbari tomonidan olib borilayotgan bugungi kundagi davlat siyosati zamirida yoshlarga e‘tibor va g‘amxorlik, ularga zamonaviy bilim berish va iqtidorini rivojlantirish mujassam ekanligi qayd etilib, bugun yoshlar kelajagi bilan bog‘liq har qanday vazifa birlamchi ahamiyatga ega bo‘lib turganiga e‘tibor qaratildi.

Uchrashuv davomida yoshlar tomonidan o‘zlarini qiziqtirgan masalalar bo‘yicha murojaatlar, taklif va g‘oyalar tinglandi.

Ularning har bir fikrlari mutasaddilar tomonidan alohida e‘tiborga olindi. Iqtidorli yoshlar esdalik sovg‘alari hamda faxriy yorliqlar bilan taqdirladilar.

Majburiy ijro buyurosi Oltiariq tuman bo‘limi


📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram