🎄🎄🎄
#Жаңа_жыл_киятыр

ЁЛКА ҚОСЫҒЫ
Мәтен СЕЙТНИЯЗОВ

Бизиң ёлка тамаша,
Қызығына қараса.
Ойыншықлар тағылған,
Нешеў екен санаса?

Бала, бала, балалар,
Ёлканы ким соға алар?
Пилмен бе, я ғазбан ба,
Мени кимлер таба алар?

Айлан, айлан ёлканы,
Ашың, ашың ортаны.

Мына биреў ким екен,
Тап ортада жүр екен.
Соның бәри сақал ма,
Аўзы-басы жүн екен?

Ол ма? — Аяз бабамыз,
Оны қардан соғамыз.
Қол усласып биригип,
Дөгереклеп шабамыз.

Айлан, айлан ёлканы,
Ашың, ашың ортаны.

Мына биреў бала ма,
Бул да бизден бола ма?
Танымадық ким екен,
Ойнап жүрген арада?

Бул ма? — Жаңа жылымыз,
Өзимиздиң биримиз.
Қосып оны қатарға,
Тамашаны қурыңыз.

Қалай, бойы киши ме,
Толмаған ба күшине?
Бул да бизге келипти,
Жулдыз тағып төсине.

Дым жас екен деседи,
Туўған бала кешеги,
Ойын ойнап шынығып,
Кешке шекем өседи.

Айлан, айлан ёлканы,
Ашың, ашың ортаны.


Әдебий информациялық канал:
Ағза болың 👉 💎@Merwert_uz