Qiziq holat. Bir körib tushunmaysan va kulaymi deysan, boshqa tomondan avlodlaring ham qachondir shunday bölib ketishi mumkinligini öylaysan…
Kecha soat 14 larda qabulxonaga 60 yoshlardagi „er-xotin“ kirib keldi. Erining shikoyati 10 kundan beri qorin og‘rigi. Shu yil yozda prostata bezi raki bilan va 1 oy ötib, siydik qopi raki bilan operatsiya qilingan, hozircha metastazlar yöq.
Qon analiz va UZIdan hech narsa topilmagach, endi computer tomografiya qilamiz dedik. Buning uchun 2 soat kontrast ichish kerak bölardi. Soat 17 bölgandi. Shu payt hamshira manga telefon qilib, kelib ketmasangiz bölmaydi, bemor siz bilan gaplashmoqchi ekan dedi. Bordim. Muammo xullas shunday:
2 soatdan keyin qorong‘u tushadi va kasal özining mashinasida kelmagan. Ayoli esa yakka özi 40km qorong‘u dalalardan mashina haydashga qörqar ekan.
- Nega yakka özi? Siz birga ketasizku?
- Bilasizmi? Biz ajrashganmiz, lekin mening ham ajrashgan xotinimning ham biror qarindoshlari (farzand, aka-uka, jiyanlari ham hatto) bölmagani uchun ajrashish paytida bir-birimizga keyinchalik ham yordam berishga kelishib olganmiz. Xotinim meni uyimga tashlagach, boshqa shaharchaga yana 40km mashina haydab ketishi kerak, qorung‘uda dalalar ichidan haydab ketishga qörqadi.
Menikida ham qolishni hohlamaydi ajrashganimizdan beri.
Ajrashgandan keyin ham bir-biriga yordam berib yurishi yaxshi narsa, lekin boshqa iloji ham yöq ekan, logika bor.
Lekin boshqa tomondan:
1. Qanday qilib insonning umuman qarindoshi bölmasligi mumkin? Hattoki, farzand, aka-uka, opa-singil va jiyanlari ham bölmasligi mumkin?
2. Nega farzandi yöq? Agar farzand köra olmagan bölsa, boqib olsa böladi. Bu ham mayli, Germaniyada yurib bunday farzandsiz insonlarni köp körasiz. „Nega“ deb sörasangiz: Farzand boqish ortiqcha stress, bu bilan özimning planlarimni amalga oshira olmay qolaman (kariyera, sayohat qilish va boshqa shaxsiy planlar)
2. Nega qarondoshing yöq? Aloqa (silayi rahim) yöq bölib ketganidanmi? Yoki ota-onasi ham stress kamroq bölsin deb faqat 1 ta farzand körganmi?
3. Hozir 60 ga kiribsan, ayoling ham qari. Shuncha yil birga yashabsan, nima sabab böldi ekan: shu yoshda bir biriga yordam berib yuraveradi, lekin birga yashay olmaydi. Individualizmning (yengil egoistlikning) hidi kelmayaptimi?
4. Ikki marta rakka uchrabdi „ering“, bu rak turidan keyin 5 yil ichida 80 % odam ölib ketadi. Qolgani ham uzoq yashamaydi. Umringni oxirida yolg‘iz yashayman deb shuncha yil birga yashaganmiding?
Bu suhbat davomida „er-xotinlar“ning pinagi ham buzilmay, ikkalasi ham emotsiyasiz tög’ri tushunib, uyga ketishga qaror qabul qilishdi.
Bu insonlarning ota-bobolari ham 1-2 asr avval biz kabi oilaparvar, dindor va qadriyatlarini ushlaydigan insonlar bölgan. Qanday shu holatga kelib qolishdi?
Bu holatdan ajablanish uchun inson boshqa jamiyatdan kelgan bölishi kerak. Bu yerda ösib-katta bölganlar uchun bu oddiy holat bölib ketgan.
Qaysidir joyda öqigandim: Boshqa davlatga köchib ötganlarning, 1-avlodida til va din katta ehtimollik bilan saqlanib qoladi, 2-avlodda 10-20% saqlanadi va 3-avlodingiz ona tilisi ham dini ham boshqa bölib ketadi.
Siz bitta özingiz emas, boshqalarga ham mas’ulsiz. Shunga qarab plan (orzu-havas) qiling…
Mirabbos Mirsidikov
