Shaxsiy rivojlanish, til va Plato

Fikrimcha insoniyatga foydam tegsin degan har bir inson shaxsiy rivojlanishni o’z hayotining bir qismiga aylantirishi kerak. Bunga erishishning eng samarali usuli kitob o’qish. Kerakli barcha ma’lumotlar internetda tekinga bor. Ehtiyoj yetarlicha katta bo’lmagani uchun bu ma’lumotlar o’zbek yoki rus tiliga tarjima qilinmagan, lekin o’sha ma’lumotlar ingliz tilida mavjud. Sizni hohlagan maqsadingizga olib borishga xizmat qiladigan ma’lumotlarni 100% tekinga topsa bo’ladi. Siz ingliz tilini bilmaysizmi, demak sizda til bilgan insonda bor imkoniyat hech qachon bo’lmaydi.

Men ingliz tilini bilganim uchun ana shunday ma’lumotlarni olishga imkoniyatim bor, muallif o’z ona tilida yozgan, tarjima qilinmagan kitoblarni o’qish va tushunish imkoniyatim bor. Sizda ham shu imkoniyat bo’lishini hohlasangiz hech bo’lmasa 6 oy vaqtni chin yurakdan ingliz tili o’rganishga sarflang. Bu vaqt davomida ingliz tilida kitob o’qib tushuna oladigan darajaga bemalol chiqsa bo’ladi. Xulosa men har doim qaytaradigan fikr: ”Rivojlanmoqchimisiz, ingliz tili o’rganing!”

Endi Plato (Aflotun) haqida
Shaxsiy rivojlanishga yordam beradigan kitoblar minglab bor, agar yuz minglab bo’lmasa. Bu borada bir qancha best-seller kitoblarni o’qigandan keyin unday kitoblardagi ma’lumotlar qaytalanayotganini tushunib yetadi inson. Qizig’i shuki men uchun eng foydali bo’lgan ma’lumotlarni bunday best-seller kitoblardan emas, aksincha falsafiy, eski kitoblardan ko’proq oladigandekman. Ana shunday ma’lumotlarga misol Plato g’ori hikoyasi. Hikoya nima haqida ekanligini aytsam sizga kamroq foyda keltirgan bo’laman, lekin hikoya haqiqatdan ham zo’r. 😊

Hurmat bilan,
Bek Olimjon