УСТОЗ СИЙРАТИ

Устоз Мирзо КЕНЖАБЕК ҳазратларига бағишов

* * * Бугун УЛУҒ УСТОЗИМИЗНИНГ ТАВАЛЛУД КУНЛАРИ.
Шукрона кунингиз муборак бўлсин, УСТОЗ!

Ўйу ёдим, хотирим
ҳар вақтки устозимдадур,
Олама тенг бир қиёс
сарҳадки, устозимдадур.

Ҳотамина кўз киби,
орифлиғиға эш сужуд,
Довари аъзамдайин
сийратки, устозимдадур.

Сардиниши ора йўқдур
паймонлиғдин нишон,
Раҳравийлик комида
ғайратки устозимдадур.

Нўшхандлиғ рўйида, маҳ
мисли кулгай орази,
Қоматин адлида хуш
суратки устозимдадур.

Келса гар ҳолин сўриб, 
қай каски, кўзга тўтиё
Хонида неъмату-ноз,
ҳар вақтки, устозимдадур.

Мазраъиға мосдурур
сўз дурларининг шодаси,
Силкидек ҳар мисрайи
хуш қадки,  устозимдадур.

Сочқучи нурлар ўзи
Шамсдек маъвосида,
Хийла анжумлар аро
савлатки,  устозимдадур.

Кулбайи ахзонима
гар келса товонин ўпай,
Айтмака деб,  "Толибим... " - журъатки
устозимдадур.

Ҳуббазо, деб номини
дил қони-ла этдим рақам,
Шаҳриман, шарҳимда не талъатки,  устозимдадур.

Шаҳриддин УМИРОВ.


@m_kenjabek | @xojagon_uz