ҲАЗРАТИ МОЛИК ИБН ДИНОР
ҲИКМАТЛАРИ


****

Бахтсизлик нишонаси беш нарсадир:
бири – кўнгил қаттиқлиги;
иккинчиси – кўз ёшланмаслиги;
учинчиси – ҳаёсизлик,
тўртинчиси – дунёни севмоқлик;
бешинчиси – дунё учун жондан андиша айламоқликдир.


****

Охират маҳрумлиғига рози бўлган киши дунёлиғини (бойлигини) тўплайверсин.


****

Юмшоқ (содда) кўнгилли бўлайлик. Ҳақ таъоло юмшоқ кўнгиллиларни севар.

****

Уч нарса кўнгилни ўлдирар:
кўп емоқ,
кўп ухламоқ,
кўп гапирмоқ.

****

Умрининг охирида бир киши ундан бир насиҳат истади. Айтди: «Нажот топай десанг, ҳамма вақт Ул иш тузгувчи корсознинг ишига рози бўл, чунки сенинг ишингни тузгувчи Улдир».



“ҲИКМАТ ХАЗИНАСИ” китобидан.
Мусанниф Устоз Мирзо КЕНЖАБЕК.


@m_kenjabek
┈┈• ❀ 🌷☘️🌷 ❀ •┈┈•