Деразамни чертиб ёмғирлар ўтди,
Кечагинa бизлар қолдирган издан.
Паришон боғларни туманлар ютди,
Севгилим, не кечди ҳаёлингиздан?

Тaшлаб кетганида маъюс турналар,
Ичида йиғларкан ҳатто тоғлар ҳам.
Севгилим нечундир бағрим тирналар,
Кўзингиз ногаҳон тортмадими нам?

Дарахт шохларига қўнади бир қуш,
Ёмғирлар тагида ивиб жунжиккан.
Балки у мендирман кўраётиб туш,
Яна олислардан сизга кўз тиккан.

Бир гўзал туш эди бизнинг севгимиз,
Ёруғ лаҳзаларнинг овози тинди.
Қуйилиб келганда хазонлар сели,
Севгилим, ким билан йиғлайсиз энди?

Мен-ку ўлиб бўлдим,
Шудир ишқ расми.
Аммо сиз ғамларга чидайсиз қандоқ?
Севгилим, оғир эмасми
бир гўзал севгини топиб, йўқотмоқ?

Севгилим... севгилим, ким билан йиғлайсиз энди?...

(C).
—
Кимлардир бир пайтлар юборган эди.

👉 @juristogram