Ziyovuddin Rahim - Qur'on qalblar shifosi , kitobini bugun yakunlash nasib etdi .

Inson bir kitobni oʻqish mobaynida undan doim nimadir kutadi , hayotiga tatbiq qilishga urinmasa ham kitob uni qoʻyib yubormayotgandek boʻlaveradi .

Menimcha kitob haqida qancha yozsam kam , nega aynan qalbning shifoligini esa kitobni oʻqigan odam tushunmay qolmaydi , zero Qur'on Allohning soʻzidir . Ha siz u biz yaxshi koʻradigan , har lahfaza uning borligini his qiladigan Allohning soʻzidir .

Bu kitobda , Qur'onni oʻqish , eshitish tadabbur qilish fazilatlari . Qalbga jo aylash , uni yaxshi koʻrish bilan bogʻliq muhim ma'lumotlar berilgan .
Shuningdek , xatm qilish muddati , yodlash usullari , qiroat odoblari , ulugʻlarning muhabbatlari yozilgan .

Bir kitob oʻqigandim , " Rasulullohni tushimda koʻrdim " degan . Oʻsha kitobni oʻqib , nahot shuncha yil yashading , shuncha yil uxladingda aqalli biror marta koʻrmading deb oʻzimga savol bergandim .

Bugun esa nohot shuncha yil yashading , nahot shuncha vaqt oʻtdiyu , ammo Qur'on qalbga oʻrnashmadi ...

Sizda ham vaqt gʻanimat , undan togʻri foydalaning , zero barchamiz bir kun soʻralamiz .