Ilgari telegram kanallarda koʻp odam boʻlmasdi. Kundalik sifatida yuritardi koʻpchilik. Ularni oʻqish juda yoqimli edi. Hislar samimiy edi, ular oʻzini juda yaxshi tahlil qilardi, izohlardi. Hozir kanallar kattarib ketdi. Kundalik sifat kanalchalar haliyam bor, biroq endi ularda shaxs yoʻq. Yoshlar quruq zerikish, ma'nisiz mashgʻulotlar, hamma narsadan norozilik, manzilsiz isyon, haddan ziyoda ikir-chikir mavzular bilan band. Men bir oyda oʻnlab shunday kanallarga kirib chiqaman. Bitta boʻlsa ham fikrlovchi insonni izlayman. Lekin topolmayman. Yana oʻsha eski, necha yillardan beri yozilmaydigan kanallarga qaytaman. Adminlarning hozirgi hayotiga qiziqaman. Oʻzlarini, oʻzliklarini saqlab qolishganmikin deb oʻylayman. Yoʻq, bu oʻtmish nostalgiyasi emas. Haqiqatan ham gohida kechamiz bugunimizdan yaxshi boʻladi.
