BEDORLIK DASTIDAN

Yoʻqdir orom tunlarimda
Koʻzlaringning dastidan.
Qayta-qayta jon berarman
Soʻzlaringning qasdidan.

Nola qilgum xat bitib tun,
Kiprigingga men gʻarib.
Bir nigoh iltimos qilsin
Dilpayvand hamdastidan*.

Muhabbatga yaqinlarning
Tamgʻasidur bul sifat:
Malham topurlar har zamon
Zorining shikastidan.

Yoʻq boʻlib qolsa kamina,
Izlamang bu bogʻ aro.
Izlangiz hijron jaridin,
Topursiz eng pastidan.

Ayt u yorga, Abdurahmon,
Boʻlmasin zinhor baxil.
Hol soʻrarga oyda bir bor
Oshiq-u sarmastidan…

*hamdast - sherik

©️Xoliqov AbdurRohman

04.02.2025