Kholikov Nazariyasi

ILTIJO

Kuzakka uzating koʻnglimni,
Qaytmasin za’faron bagʻridan.
Doʻstginam, oʻtarmi Xudoyim,
“Doʻstona” she’rlarim bahridan.

Termulaman soʻz derga ojiz,
Hijronning zarbidan toʻyganman.
Noumid boʻlmay deb, har kuni
Ertamga ismingni qoʻyganman.

Bir kunda bir oʻtsang yonimdan,
Ortingdan sochingga boʻzlayman.
Oʻzingga aytolmas she’rlarim,
Tunlari rasmingga soʻzlayman.

Aytmoqchi gaplarim sezarsan…
Ehtimol oʻqiysan koʻzlarim.
Ey, mening jonimni olyotib,
Visoldan rivoyat soʻzlarim.

Sen yoʻqsan!
Kun tushmas dilimga,
Qolmaydi “doʻstona” biror xat.
Ming yillik dardingni koʻrmagan
Koʻzimni oʻyib ol, muhabbat!

Beparvo ohang-la kelsang-da,
Seni qancha koʻrsam, shuncha kam.
Ajib amri maholim bor: men
Koʻrmaganda qaraysan sen ham.

Bedor yulduz topib falakdan,
Dilim yorib aytarim oʻzing.
Jasoratdan andisha gʻolib
Yarim yoʻldan qaytarim oʻzing.

Kuzakka uzatmang koʻnglimni,
Mayliga qon oqsin bagʻridan.
Xudoyim oʻtsin-da ishqilib
“Doʻstona” she’rlarim bahridan!..

©️Xoliqov AbdurRohman
Dilfuzaxon Valijonova she’ridan ilhomlanildi.

21.11.2024

1 yil!

Bu vaqt ichida men havaskorona she’rlarim, his-tuygʻularim, mulohazalarimni sizlar bilan boʻlishib bordim, bildirgan iliq fikrlaringizdan ruhlandim. Birga boshlagan safarimizning birinchi yili manzur keldi, deb umid qilaman.

Qoʻllab-quvvatlagan barchaga rahmat. Sizlarni yaxshi koʻraman🖤

…Детство на кухне у окна
Из окна машины моя рука
Я успеваю хватать ветер, пока
Мне ещё можно его хватать
Я успеваю мелками что-то рисовать
Я же знаю, мне бегом потом бежать
Я припаркую все свои машины, пока
Детство на кухне у окна…

#lyrics

GʻIJIM VAROQ

Koʻchalar nam…
Yoʻlakda kuzning dastxati.
Baxtning ogʻushida oʻtiribmiz jim.
Hammasi joyida shukurki, ammo
Negadir koʻnglimiz varogʻi gʻijim.
Ertani kutamiz koʻzlarimiz toʻrt,
Kunning oxiridan boxabarmasmiz.
Bilamiz, may xumi boʻshar kun yaqin,
Hayot sharobiga toʻymagan mastmiz.
Nimadir yetmaydi, doim nedir kam,
Sehrli masalliq izlab oʻtamiz.
Umr — oqar daryo, iloji qancha,
Charxpalak zangida toʻxtab oʻtamiz.
Dillarda hamisha umid tuynugi
Qorongʻi tashvishga xira nur sochar.
Jilovsiz xayolga ne kelmas dersiz,
Yangi choʻqqi topar, unga yoʻl ochar.
Inson gardaniga tushgan dardlarning
Guvohi boʻlmagan chinorlar yoshi,
Ne-ne oʻrmonlarga oʻt ketdi va lek
Yorilib ketmadi odamning boshi.
Hayhot, yurak degan parcha qizil goʻsht
Nechun bunchalik ham kuchli yaralgan,
Uning aybi qonni haydamogʻimi,
Mung nomli taroqda tomir taralgan.
Aytishar, yengilgan kurashga toʻymas,
Odamdan to bugun tinmadi inson.
Kimdir arang chidab gʻamdan oʻzgandi,
Insonning oyogʻin sindirdi inson.
Mayli…
Mayli deymiz, oʻzga na chora,
Oʻtmishga hech ta’sir qila olmaymiz,
Birovga uqtirib ne qilish darkor,
Oʻzimiz shu ishni qila olmaymiz.
Koʻchalar nam…
Yoʻlakda kuzning dastxati.
Baxtning ogʻushida oʻtiribmiz jim.
Hammasi joyida shukurki, ammo
Negadir koʻnglimiz varogʻi gʻijim.
Indamay yashashda etamiz davom,
Hayotga muhabbat qaynar qaroqda,
Oʻzimga pichirlab oʻzim aytaman:
Balki oʻsha baxt — shu gʻijim varoqda!..

©️Xoliqov AbdurRohman

13.11.2024

…Oʻksib-oʻksib kuylasam,
Boʻgʻzim gullab ketadi.
Koʻzlaringni oʻylasam,
Koʻzim koʻllab ketadi…

- Jontemir

Qanchalik oson yoʻqotish insofni, qanchalik topish qiyin?

#lyrics

— Eng koʻp nimani yoqtirasan?
— Marosimda qoʻllariga suv quyganim uchun chollar menga bildirgan tilaklarni…

Bilganlar biladi😁

IJTIMOIY DILEMMA (konspekt)

Inson hayotida hech bir olamshumul narsa tavqi la'natsiz paydo bo'lmaydi.
- Sofokl

Biz e'tiborimiz reklama beruvchilarga sotiladigan mahsulotmiz.
- Justin Rosenstein, sobiq Facebook va Google muhandisi, Asana hammuallifi

Nimaiki qilgan bo'lsak, bosgan tugmachalarimiz, ko'rgan videolarimiz va like'lar hammasi yanada aniq model tuzishga yordam beradi. Model tayyor bo'lgach, inson hatti-harakatini oldindan bilish mumkin.
- Tristan Harris, sobiq Google axloqiy dizayneri, Center for Humane Technology hammuallifi

Agar siz mahsulot uchun pul to'lamasangiz, siz mahsulotsiz.

Biz joylashtiradigan barcha shaxsiy ma'lumotlar tizimga kiritiladi.
Yurish-turishimiz, kimligimiz haqidagi tahminlari tobora aniqlashib boryapti.
- Sandy Parakilas, sobiq Facebook operatsiyalar va Uber mahsulot menejeri

Bu kompaniyalarning aksar qismi uchta maqsadni ko'zlagan:
1. E'tiboringizni egallash maqsadi ko'rish vaqtini uzaytirishga qaratilgan.
2. Rivojlanish maqsadi sizni tarmoqqa kirib do'stlaringizni taklif qilishga, ularni esa boshqa do'stlarini jalb qilishga undashdan iborat.
3. Reklama maqsadi esa barcha harakatlarimiz ko'proq daromad keltirishiga qaratilgan.
- Tristan Harris

Har qanday rivojlangan texnologiya sehr-jodudan farq qilmaydi.
- Arthur Klarck

Odamlarni matritsaga ulashadi va boyish uchun tarmoqda ularning ma'lumotlarini to'plashadi. Biz esa nima bo'lyotganini bilmaymiz.
- Tristan Harris

Ular inson psixologiyasi ojizligidan foydalanishyapti.
- Sean Parker, sobiq Facebook prezidenti

O'z mijozlarini "foydalanuvchilar" deb ataydigan ikkita sanoat bor: narkotik va dasturiy ta'minot.
- Edward Tufte

O'z haqimizda qabilaning boshqa a'zolari nima deb o'ylashiga qiziqish evolyutsion jarayonlar natijasidir.
- Tristan Harris

Butun avlodda xavotir, beqarorlik, depressiya kuchaygan, hayotda tavakkal qilishdan qo'rqishadi. Ularda haydovchilik guvohnomasi olish yoshi ham oshyapti. Bu avlodning real o'zgarishi.
- Jonathan Haidt, PhD ijtimoiy psixolog

1960-yildan bugunga qadar protsessorlar quvvati trillion marta oshdi.
Manba: Nvidia

Bu tizimlar qanday ishlashini bir nechta odamlar tushunadi xolos. Hatto ular ham muayyan kontentda nima sodir bo'lyotganini oxirgacha anglamasliklari mumkin, ya'ni odamlar bu tizimlar ustidan nazoratni deyarli yo'qotishadi. Biz ko'rib turgan axborotlar o'sha tizimlar nazoratiga o'tgan. Bizni ular ko'proq nazorat qilishadi, aksincha emas.
- Sean Parker

Google'ning sizga taklif qilyotganlari haqiqatligi uchun emas, qayerdan yozyotganingiz va Google qiziqishlaringizni bilishi bilan bog'liq.
- Justin Rosenstein

Asta-sekin sizda "hamma menga hamfikr" degan yolg'on hissiyot paydo bo'ladi. Chunki sahifangizda sizga yoqqan yangiliklar chiqib turadi.
- Roger McNamee, Facebook'ning ilk investorlaridan biri

Bu masofaviy urushga o'xshaydi. Bir davlat ikkinchisiga bostirib kirmasdan bosim o'tkazadi.

Bu utopiaga olib boradimi yoki beparvolikkami ushbu estafetaning so'nggi lahzasiga qadar noma'lum bo'lib qoladi.
- Buckminster Fuller

"Like" tugmasini dunyoga yaxshilik, mehr-muhabbat tarqalsin degan niyatda yaratganmiz. Ezgu g'oyamiz ma'lum vaqtdan so'ng o'smirlar depressiyasi yoki siyosiy qutblashuvni yuzaga keltirishi xayolimizga ham kelmagan.
- Justin Rosenstein, Facebook'dagi "like" tugmasi hammuallifi

Biz kesilgan daraxt kesilmaganidan, o'lik kit tirigidan moliyaviy jihatdan qimmatliroq bo'lgan dunyoda yashaymiz. Bu qanday bo'lmasin boyish ko'zlangan, faqat bugunni o'ylagan manfaat xolos. Korporatsiyalar bizni qadriyatlarimizdan chalg'itmoqda.
- Justin Rosenstein

Bularni barini biz yaratdik va endi o'zgartirishga majburmiz.
- Tristan Harris

UCHRASHUV

Yo'limdan chiqding nigoro
Tizgin ul qoshing bilan,
Dilga berding huzur zarbin
Nil tutash soching bilan.

Aylading ko'nglim munavvar
Ko'z qarosindan boqib,
Qalbimga topding yo'l, e voh!
Bu xil qaroshing bilan.

Malaklar chiqarsa yoddan
Go'zallik andozasin,
Olurlar o'lcham labingdan,
Yelka, qo'l, boshing bilan.

Qaddimni cho'ktirar dengiz
Kam topursan ehtimol,
Cho'ktirursan meni har vaqt
Ko'z nami — yoshing bilan.

Nechalarga muruvvatning
Yomg'irini yog'dirib,
Menga bo'lsa abobiling...
Haydama toshing bilan.

Muhabbat suviga tashna
Sahroyimda sharshara.
Qorong'u tunimda subhi
Sodiq quyoshing bilan...

©️Xoliqov AbdurRohman

30.10.2024

Havoyi Siz oʻrniga yanglish
Qiz nogahon Sen deya aytdi.
Shu dilbar soʻz koʻnglimda yonish,
Oʻylarimda orzu uygʻotdi.
Termulaman soʻz derga ojiz,
Sehri tamom rom etgan meni.
Sirtda deyman: qanday yaxshi Siz,
Qalbda esa: sevaman Seni

- A. S. Pushkin

Choʻqqidan bir kichik tosh yumalasa,
Togʻni qulatgudek suron qiladi.
Koʻzingdan bir tomchi yosh yumalasa,
Togʻday yuragimni vayron qiladi.

Agar koʻksim uzra qulasa birdan,
Tutmoqqa qodirman togʻlar toshini.
Hayhot, koʻtarolmam kipriklaringdan
Uzilgan bir qatra qaygʻu yoshini…

- Erkin Vohidov

***

Goʻzallik haqdagi she’rlarim oʻqib,
Oʻzga bino qoʻyma, tilla oyimcha.
Sen mayli osmonda, hatto, toʻlin oy
Chiroyli emasdir mening oyimcha…

BAGʻISHLOV

Yilda bir eslansa tavallud kuni,
Navoiy deganda oʻyildi qoshlar.
Ertamiz ne boʻlar? Qoʻrqaman men ham,
“Gʻurbatda gʻarib…”dan oʻtolmas yoshlar…

Koʻz ochib koʻrganing onangdir, shunday
Til chiqib soʻzlading onang tilida.
Qilolsang, sen faqat rozi qilgin-u,
Yoʻqsa, dogʻ qoldirma ular dilida.

Oʻzbegim qutlamoq onidir bu on,
Kirgandir qon bilan, olib chiqar jon.
Oʻzni magʻrur tutgin tilni asrabon,
Mardlarni xotirlar asrlar mudom…

©️Xoliqov AbdurRohman

21.10.1989