❤️❤️❤️❤️❤️❤️❤️❤️🌶

РАСМГА ТУШИБ, ТАШЛАНГ...

Қани, тадбирни бошланг,
Баёнга қўшиб ташланг,
Жўнатинг телеграмдан,
Расмга тушиб, ташланг!

Навоийми,  Бобурми-
Ҳаммаси бир тадбирми,
Маъруза шарт-зарурми?...
Расмга тушиб, ташланг!

Чемпион билан туриб,
Мақтов ёрлиғи бериб,
Ғўддайиб, кўкрак кериб,
Расмга тушиб, ташланг!

Арзачи кўнглин тўқлаб,
Камбағал қорнин тўқлаб,
Ёлғонми-чинми йўқлаб,
Расмга тушиб, ташланг!

Яхшисини ошириб,
Ёмонини яшириб,
Куйган тефаль топшириб,
Расмга тушиб, ташланг!

Кўринг банкнинг ҳолини, 
Қарздорнинг аҳволини,
Ушлаб қўшни молини,
Расмга тушиб, ташланг!

Сўранг иссиқ-совуқни,
Билинг семиз-ориқни,
Бериб тўртта товуқни,
Расмга тушиб, ташланг!

Шартмас бунча уриниш,
Гап муҳимми ёки иш?
Ишлагандай кўриниш!
Расмга тушиб ташланг!

Монов шеър рост-ҳазилми,
Расмбозлик расмми,
Расман чора лозимми?...
Расмга тушиб, ташланг!

Шоир битибди ғалат:
Тадбирбозлик бу – иллат!
Ўрганинглар...
сўнг албат...
Расмга тушиб, ташланг!

©️ Нуриддин ЭГАМОВ

Каналимизга обуна бўлинг ва энг сўнгги янгиликларни кузатиб боринг

📱Jizzaxnews |📱Тelegram  |📱 Facebook | 📱Dzen | 📱YouTubе