"Oliy ta’lim, fan va innovatsiyalar vazirligi mazkur masalada nodavlat oliy ta’lim muassasalariga shartnoma tuzish tavsiyaviy xarakterga ega ekanini hamda shartnomani imzolash majburiy emasligini yana bir bor ma’lum qiladi".

Oliy taʼlim, fan va innovatsiyalar vazirligining mazkur bayonotidan anglash mumkinki, shartnoma haqiqatdan mavjud.

Endi ...

Shartnomani imzolovchi tomonlardan biri — “buyurtmachi”, ya’ni mablag‘ni berishi kerak bo‘lgan tomon — nodavlat ta’lim tashkilotlari ekani aytilmoqda. Ikkinchi — “bajaruvchi”, “buyurtmachi”dan mablag‘ oladigan tomon nomidan esa shartnomani prezident Administratsiyasining ta’lim masalalarini nazorat qiluvchi mansabdor shaxsi imzolashi ko‘zda tutilgan. De-fakto bu tomon nodavlat ta’lim tashkilotlariga litsenziya berish va ularning litsenziyasini bekor qilish bo‘yicha sudga murojaat qilish vakolatiga ega davlat organi (Oliy ta’lim, fan va innovatsiyalar vazirligi) ustidan nazorat olib boradi va unga buyruqlar bera oladi.

Bunday holatda — shartnoma tomonlaridan biri ikkinchisiga qaram bo‘lganda — tomonlar shartnomani “xohish bildirgan holda”, “erkin” tuzyaptilar, deya olamizmi?

Bunday holatda nodavlat oliy taʼlim tashkiloti "tavsiyaviy xarakterga ega", "majburiy boʻlmagan" shartnomani imzolashdan bosh torta oladimi?

Savol ritorik, menimcha.