Инсоннинг ташқи кўриниши, хатти-ҳаракати, юриш-туриши унинг ички дунёси ва маънавиятини кўрсатади. У сўз айтиши шарт эмас, чунки унинг нималарга эътибор бериши, қандай хулқга эга эканини унинг амалиёти орқали тушуниш мумкин.

Масалан, кийиниш услуби унинг дидидан хабар беради, суҳбатдаги оҳанги ва ҳурмати унинг тарбиясини, машина ҳайдаши ва уни қандай жойлаштириши унинг масъулиятини кўрсатади, хонага кирганда оёқ кийимини қандай ечиши ва жойлаштириши эса унинг тозаликка ва қоидаларга қанчалик риоя қилишини билдиради.

Сўздан кўра ҳолат ва ҳаракат инсоннинг ички оламини кўпроқ танитади. Шунинг учун ҳам ҳикмат аҳли "Ҳолат тили сўз тилидан кўра фасоҳатлидир" деган.

#fikr