Shahar hokimining tadbirkorlar bilan uchrashuvi bo‘lib o‘tdi

Quvasoy shahrida tadbirkorlik faoliyatini qo‘llab-quvvatlash, yangi investitsion muhit yaratish va investorlarni jalb etish, tadbirkorlik sub’yektlarining murojaatlarini ko‘rib chiqish va muammolarini o‘z vaqtida bartaraf etish maqsadida Quvasoy shahar hokimi Zafarjon To‘raqulov tomonidan shahardagi saloyihatli tadbirkorlar bilan uchrashuv o‘tkazildi.

Uchrashuv davomida tadbirkorlar tomonidan 2025-yilda qulay investitsiyaviy muhit natijasida xorijlik ishbilarmonlar bilan hamkorlikda yangi istiqbolli loyihalarni amalga oshirish, yangi turdagi mahsulotlar hamda tara idishlar ishlab chiqarish, meva-sabzavotlarni qadoqlash va zamonaviy chorva kompleksi tashkil etish bo‘yicha yangi loyihalar muhokama qilindi.

Buning zamirida yangi turdagi mahsulotlarni ishlab chiqarishni shaharning oʻzida tashkil etish va doimiy yangi ish oʻrinlari yaratish maqsadi ham ko‘zda tutilgan.

Uchrashuvda tadbirkorlarga jahon banki va boshqa xorijiy liniyalar mablag‘lari hisobidan loyihalarni moliyalashtirish bo‘yicha takliflar berildi.

Quvasoy shahar hokimligi Axborot xizmati

📱Telegram      🌐Quvasoy.uz
📱Facebook     📱YouTube
📞Murojaatlar guruhi