Baʼzida...

Turli oʻy-xayollar qurshovida qolishing, hatto ulardan chiqib ketishni istamay ham qoʻyishing mumkin...

Oʻzgalar nari tursin, oʻzingni ham tushunolmasliging, xohishlaring aqlingga boʻysunmasligi kuzatilar, balki. Goʻyoki, yoʻl bor, sen bor, yurmayapsan...

Odatlardan biroz muddatga ogʻish, qoʻyilgan talablarga javob berolmay qolishing ehtimoli bor...

Majbur boʻlganing, oʻzingni solib yurgan qolipdan chiqib, nafas olish, jamiyat belgilab bergan normalarni bir kunga chetlab oʻtish istagi tugʻiladi gohida...

Harakatlaringga, hayotingga, atrofingga boshqa bir burchakdan qarab koʻrish imkoning bor...

Hammasini qoʻyib yuborib, nimalardan quruq qolganingni his qilib koʻrish ham juda muhim. Kasal boʻlgach odam sogʻligʻining qadriga yetgani kabi...

Tashqi majburiyatlar boʻlmasa, aslida ichdan kimligingni bilib olsang boʻladi.

Baʼzida tanaffuslar kerak. Judayam...