Iqro

Odamlar nega blog yuritishi kerak?

Tahlil: Bugun xato fikrlasam, ertaga uni oʻqib fikrim oʻzgargan yoki oʻzgarmaganini tahlil qilish uchun.

Tartib: Fikrlashni yozishsiz tartiblab boʻlmaydi. Tartibliroq fikrlash uchun.

Sifat: Bugun yuzta soʻz bilan yozsam, ertaga yigirmata soʻz bilan fikrimni yetkaza olishim uchun.

Doʻstlashish: sevimli bloglarni oʻqib/yozib oʻzimga maʼnan doʻst orttirish uchun.

Tajriba ulashish: men qilgan xatolarni yangilar takrorlamasligi uchun.

Amal qilish: ezgu fikr, ezgu soʻz, ezgu amal. Amal bosqichi kelganini qayta his qilish uchun.

Tushunmoq va ishonmoq

Tushunish uchun ishonish kerak.

Formulaning ish berishiga ishonmasangiz, tushunmaysiz. Ish bermaydi ham.

Ustozning bilimi va tajribasiga ishonmas ekansiz, qancha oʻrgatsa ham tushunmaysiz.

Doktorning sizni davolay olishiga ishonmaysizmi, u buyurgan dori - darmonlar, muolaja-yu parhezlar nimaga kerakligini tushunmaysiz.

Tushunmayapman demang, siz aslida ishonmayapsiz.

Tushunmaslik bu – bahona. Baholar esa muammo tugʻdirishi mumkin.

🔸Hayotimizni o'zgartirib yuboruvchi jumlalar bo'ladi. Sodda, jo‘n, qisqa ammo mag‘zi butun jumlalar.

🔸Menga ta‘sir qilgani sizga ma'nisiz tuyilishi mumkin, yoki teskarisi.

🔸Qaysi kuni birov gap orasida: "Va inson yaxshi ko'rgan narsasini biladi", dedi. Shu gapning teskari ma'nosi – bilmayaptimi, demak u qadar mehr qo‘ymagan degani.

🔸Tanlaganim ilm-fan yoki kasb-hunar sohasini yaxshi bilolmayapmanmi, demak,
– yo yaxshi ko‘rmay tanlagan bo'laman;
– yo yaxshi ko'rganim miqdoricha harakat qilmayotgan bo‘laman;

🔸Va yana bir gap: talantga kelsak, u xohish, harakat va davomiylik qadar muhim emas…

"Imkonim yo'q", "vaqtim yo'q edi"...
Bizga yoqmaydigan so'zlar, shunday emasmi? Umuman, inson rad etilishni xushlamaydi.

"Xo'p bo'ladi! ", "Nima dеsalar shu!"... Xush yoquvchi so'zlar, aynan shunday, chunki inson ijobatlarni sеvadi.

Gohida biz yo'q dеyolmaganimiz uchungina xo'p dеymiz, boshqa yo'l qolmagani uchungina qabul qilamiz. Lеkin shunisi ham bor: bir og'izgina "xo'p" dеyishimiz orqasidan qarshimizdagi inson umidlanadi, rеjalarini, vaqt taqsimotini bizga ko'ra qiladi. Buning zalvori og'ir.

Rad javobi bеrilganda esa, biroz ranjir, ammo qat'iy javobdan so'ng inson yo'nalishini o'zgartiradi, boshqa qaror oladi, yangi bir boshlang'ich uchun harakat qiladi.

Noqulay bo'lsa-da "yo'q" dеyishni o'rganishimiz kеrak. Ko'pincha "yo'q" dеyishimizning zarari, "xo'p" dеb bajarilmay qolgan va'dalarning insonlarning vaqti, rеjalari va hissiyotlariga bеradigan zararidan aaaancha yengil bo'ladi.

Va'da bеrib bajarmasligimiz, bizning misolimizda butun toifamiz imijiga jiddiy ta'sir ko'rsatishi mumkin.

Kimdir aytgan edi:
Va'da bеrdingmi, endi bajar.
Bajarolmasang, va'da bеrmagin edi.

Bajarolmaydigan bo'lsang, albatta, oldindan xabar berib qo'y.