Tumanlararo tibbiy-ijtimoiy ekspert komissiyalari hududlarda sayyor ko‘rik o‘tkazmoqda

Ayni vaqtda Sirdaryo viloyatida 5 ta tibbiy-ijtimoiy ekspert komissiyalari faoliyat yuritmoqda. Ulardan 4 tasi hududlararo komissiya hisoblanadi.

O‘tgan 2024-yil davomida 15 078 nafar nogironligi bo‘lgan shaxslar tibbiy-ijtimoiy tibbiy ko‘rikdan o‘tkazilgan bo‘lsa, 1 310 nafarining ko‘rik ishlari solishtirilib, TIEK elektron (Polka-dastur) dasturiga kiritildi. Shuningdek, nogironligi bo‘lgan shasxlarning 362 nafari Reabilitatsiya markazlarida davolanib chiqdi. Ularning 172 nafari to‘liq, 167 nafari esa qisman reabilitatsiya qilindi.

— Oldinlari bemorlar va nogironligi bo‘lgan shaxslar viloyat tibbiy-ijtimoiy ekspert komissiyasidan o‘tish uchun viloyat markaziga kelishlari, vaqt va pul sarflashlari kerak edi, - deydi 89-son Mirzaobod tumanlararo Tibbiy ijtimoiy-ekspert komissiyasi raisi O‘tkir Kushimov. — Endilikda viloyatdagi tumanlararo tibbiy-ijtimoiy ekspert komissiyalari o‘zlariga biriktirilgan hududlardagi “Inson” ijtimoiy xizmatlar markazlarida bemorlar va nogironligi bo‘lgan shaxslarni qabul qilmoqda.

O‘z navbatida, hududlardagi barcha “Inson” ijtimoiy xizmatlar markazlarida mazkur komissiya faoliyati uchun xonalar ajratilib, unda zarur shart-sharoitlar yaratish maqsadida maxsus jihozlar bilan jihozlanmoqda.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz