IHMA Sirdaryo viloyati

🧠 Bugun, Ijtimoiy himoya milliy agentligida Finlandiyaning Markaziy Osiyodagi Favqulodda va Muxtor elchisi Raisanen Ilkka bilan uchrashuv bo‘lib o‘tdi

🤝 Uchrashuv davomida ikki tomonlama hamkorlik asosida ijtimoiy himoyaning samarali siyosatini yo‘lga qo‘yish, jumladan, ijtimoiy xizmatlarni kengaytirish bo‘yicha strategiya va dasturlarni ishlab chiqish va amalga oshirishga alohida e'tibor qaratildi.

✅ Shuningdek, Ijtimoiy karta, maxsus ta'lim, inklyuziv kasbiy ta'lim va alohida ta'lim ehtiyojlari bilan ishlash uchun o'qituvchilar malakasini oshirish dasturlari hamda ijtimoiy xizmatlarni raqamlashtirish borasida hamkorlik masalalari muhokama qilindi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Hududiy boshqarma boshliqlari uchun malaka oshirish seminar tashkil etildi

🧠 Joriy yilning 20-24-yanvar kunlari Ijtimoiy himoya tizimi xodimlarining malakasini oshirish markazi tomonidan Ijtimoiy himoya milliy agentligining Qoraqalpog‘iston Respublikasi, viloyatlar va Toshkent shahar boshqarmalari boshliqlari uchun o‘quv-seminar tashkil etildi.

💻 Ushbu seminarda Agentlikning markaziy apparati mutasaddilari ishtirokchilarga mahalla darajasida ijtimoiy ish va xizmatlarni rivojlantirish, ijtimoiy himoya tizimida inson huquqlarini ta'minlash mexanizmlari hamda Toshkent shahridagi ijtimoiy obyektlar faoliyati bilan ham yaqindan tanishdilar.

✅ Dasturda ijtimoiy himoya sohasidagi yangi tizimlar, nogironligi bo‘lgan shaxslar uchun xizmatlar, kam ta'minlangan oilalar, nogironligi bo‘lgan bolalarning ta’limini tashkil etish, shuningdek, ota-ona qaramog'idan mahrum bo‘lgan bolalar masalalariga alohida e’tibor qaratildi.

😮 Seminar yakunida Ijtimoiy himoya milliy agentligi direktori Mansurbek Olloyorov ishtirok etib, hududiy boshqarma boshliqlari tomonidan 2025-yil uchun belgilangan ustuvor vazifalar, amaliy takliflar va istiqbolli rejalar bo‘yicha taqdimotlar bilan tanishdi va tizim samaradorligini oshirish hamda 2025-yil uchun belgilangan vazifalarni bajarish bo‘yicha o'z ko‘rsatmalarni berdi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Bolalarga nisbatan zo‘ravonlik, afsuski, turli shakllarda namoyon bo‘lishi mumkin. Quyida Lansarot konvensiyasida belgilangan bunday holatlarning asosiy ko‘rinishlari haqida ma’lumot beramiz:

Qo‘rquv: Ko‘plab bolalar zo‘ravonlik holatlarini oshkor qilishdan qo‘rqadi. Ba’zan, oila a’zolari ham bu holatdan xabardor bo‘lsa-da, jim turishni afzal ko‘rishadi. Chunki zo‘ravonlik qiluvchi shaxs ota-ona, davlat organi xodimi, ish beruvchi yoki yuqori martabali amaldor kabi katta nufuzga ega bo‘lishi mumkin.

Uyat: Bolalar, agar ularning boshidan o‘tgan zo‘ravonlik haqida boshqalar bilib qolsa, ularni ayblashlari yoki jamiyatdan ajratib qo‘yishlari mumkinligidan qo‘rqishadi. Ayrim mamlakatlarda, masalan, agar bir qiz zo‘ravonlikka uchrasa, nafaqat jamiyat, balki o‘z oilasi ham uni ayblab, oila sha’nini toptashda aybdor deb bilishi hollari uchraydi.

Oddiy holat sifatida qabul qilish: Ba’zida zo‘ravonlikni normal holat deb hisoblash, masalan, u intizom o‘rnatish uchun ishlatilgan yoki qo‘rqitish yoki jinsiy zo‘ravonlik shaklini olgan hollarda..

Ariza topshirilmasligi: Ayrim bolalar va kattalar mas’ul shaxslarga ishonchsizlik bildirishadi yoki zo‘ravonlik sodir bo‘lgan joyda mas’ul shaxs umuman bo‘lmasligi mumkin.

Ro‘yxatga olinmaslik: Zo‘ravonlik holatlari haqida xabar berilgan taqdirda ham, ularni yozma tarzda qayd etmaslik holatlari uchraydi. Natijada, zo‘ravonlikning real ko‘lami keng jamoatchilik uchun noma’lum bo‘lib qoladi. Bu ayniqsa qamoqxonalar, bolalar uylari va boshqa saqlash muassasalarida keng tarqalgan.

Zo‘ravonlikdan jabrlangan bolalar yordam olish uchun "Inson" ijtimoiy xizmatlar markazlariga yoki "1146" Ishonch raqamiga murojaat qilishlari mumkin.

Har bir fuqaro bolalarni himoya qilish masalasida mas’uliyatni his qilishi va zo‘ravonlik fakti yoki gumonlari haqida vakolatli organlarga darhol xabar berishi lozim.

Bolalarni zo‘ravonlikdan himoya qilish – jamiyatning muhim burchi!

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Lansarot konvensiyasi - Zo‘ravonlik va bolalarga nisbatan jismoniy hamda jinsiy tajovuzni oldini olishga qaratilgan eng muhim xalqaro hujjatlardan biri hisoblanadi. Uning to‘liq nomi – «Bolalarni jinsiy ekspluatatsiya va jinsiy zo‘ravonlikdan himoya qilish to‘g‘risidagi konvensiya»dir. Bu konvensiya 2007-yilning 25-oktyabrida Lansarote shahrida (Ispaniya) qabul qilingan.

Asosiy maqsadlari:

✅ Bolalarni jinsiy ekspluatatsiya va zo‘ravonlikdan himoya qilish;
✅ Jinoyatlarning oldini olish va ularni aniqlash;
✅ Jabrlangan bolalarga yordam ko‘rsatish va ularni reabilitatsiya qilish;
✅ Hukumatlar va vakolatli organlar o‘rtasida hamkorlikni kuchaytirish.

Asosiy qoidalari:

✅ Bolalarga nisbatan jinsiy zo‘ravonlikning barcha shakllarini jinoyat sifatida tan olish;
✅ Har bir davlatda bolalarga zo‘ravonlik qilgan shaxslarga qarshi samarali jazo choralarini ko‘rish;
✅ Ta’lim va axborot kampaniyalari orqali jamoatchilikni xabardor qilish;
✅ Bolalarni himoya qilish bo‘yicha qonunlar va amaliyotlarni muvofiqlashtirish.

Konvensiyaning ahamiyati:

Ushbu konvensiya Yevropa hududidagi davlatlarning bolalarni himoya qilish bo‘yicha o‘z majburiyatlarini kuchaytirishga qaratilgan. Konvensiyani imzolagan va ratifikatsiya qilgan davlatlar ushbu qoidalarga amal qilishga majburdir.

O‘zbekiston Respublikasining “Bolalarni zo‘ravonlikning barcha shakllaridan himoya qilish to‘g‘risida”gi Qonuni xalqaro standartlar asosida ishlab chiqilib, bolalar huquqlarini himoya qilish yo‘lida muhim qadam hisoblanadi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

#statistika
#himoya
#ayollar

“1146” Ishonch raqami operatorlarining 2024-yilda ko‘rsatgan xizmatlari bo‘yicha sarhisob

2024-yilda “1146” Ishonch raqami operatorlari tomonidan Respublika bo‘ylab tazyiq va zo‘ravonlikdan jabrlangan
19 088 nafar fuqaroga xizmat ko‘rsatildi.

Jumladan:
• 3 055 nafar shaxsga yuridik maslahat berildi,
• 480 nafar shaxs psixologik xizmatlardan foydalandi,
• 5 160 nafar shaxsga esa boshqa ijtimoiy masalalar bo‘yicha maslahatlar taqdim etildi.

Eng ko‘p murojaatlar noyabr va dekabr oylarida, “Zo‘ravonlikka qarshi 16 kun faollik” targ‘ibot tadbirlari davomida kelib tushdi.

Tazyiq va zo‘ravonlikdan jabrlangan shaxslar psixologik yoki yuridik maslahat olish uchun “1146” Ishonch raqamiga, tumaningizdagi “Inson” ijtimoiy xizmatlar markaziga yoki ijtimoiy xodimga murojaat qilishingiz mumkin. Sizning murojaatingiz maxfiyligi to‘liq ta’minlanadi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Ijtimoiy himoya milliy agentligi va Isroil elchixonasi hamkorlik masalalarini muhokama qildi

2024-yil 21-yanvar kuni Agentlik direktorining birinchi o‘rinbosari Shaxnoza Mirziyoyeva O‘zbekistondagi Isroil elchisi Gideon Lustig bilan uchrashdi.

Uchrashuvda ijtimoiy xodimlarni tayyorlash tajribasini almashish, aholining himoyaga muhtoj qatlamlarini qo‘llab-quvvatlash hamda alohida ehtiyojga mujtoj shaxslarni reabilitatsiya qilish masalalari muhokama qilindi. Isroil elchisi amalga oshirilayotgan loyihalar, jumladan, ko‘zi ojiz bolalarga ko‘mak berish va mutaxassislar uchun kurslar tashkil etish haqida ma’lumot berdi.

Tomonlar Agentlik delegatsiyasining Isroilga tashrifini tashkil etish, ijtimoiy xodimlarning malakasini oshirish bo‘yicha seminarlar o‘tkazish hamda ko‘rish qobiliyati zaif shaxslar uchun Orcam MyEye qurilmasini yetkazib berish masalalarini muhokama qildilar.
__________________

Национальное агентство социальной защиты и посольство Израиля обсудили сотрудничество

21 января 2024 года первый заместитель директора Агентства Ш.Мирзиёева встретилась с послом Израиля в Узбекистане Гидеоном Лустигом.

На встрече обсудили обмен опытом в подготовке социальных работников, поддержку уязвимых слоев населения и реабилитацию лиц с особыми потребностями. Посол рассказал о проектах посольства, включая помощь незрячим детям и проведение курсов для специалистов.

Стороны договорились организовать визит делегации Агентства в Израиль и семинары для повышения квалификации социальных работников, а также обсудили передачу устройства Orcam MyEye для слабовидящих.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz