Неге бунша...

Неге бунша өтириктен,
Күйинесиз.
Ғамға батсам, дәртлер жутсам,
Сүйинесиз.

Шашларыңыз әткөншектей,
Өш аласыз өшпенлидей,
Маған мисли алдамшыдай,
Түйилесиз.

Душпан емес, дос та емес,
Бул азаплар өш те емес,
Сөзлериңиз ырас та емес,
Жандырасыз.

Еле асықпаң, қарап турып,
Дәртимди ҳәм қәдиримди билип,
Ҳәмме шәртке бир күлип,
Көндиресиз..


Бизден узақласпаң әзизлерим!
https://t.me/ibratlı_sózler