HUQUQIY HIMOYA

#savolimbor

❓Savol: Assalomu alaykum. Men yaqinda "Ayollar daftari"ga kirgan edim. Hozirda men qanday moddiy yordamlar olsam boʻladi.

✅Javob: Oʻzbekiston Respublikasi Vazirlar Mahkamasining 145-sonli qaroriga asosan, “Ayollar daftari”ga kiritilgan xotin-qizlar uchun "Ayollar daftari" jamg‘armasi mablag‘lari hisobidan quyidagi yordamlar ajratiladi:

➖ “Ayollar daftari”ga kiritilgan xotin-qizlarga tadbirkorlik va o‘zini o‘zi band qilish faoliyatini boshlamoqchi bo‘lgan ishsiz xotin-qizlarga faoliyatini boshlash uchun kerak bo‘lgan asbob-uskuna, mehnat qurollarini xarid qilish uchun 10 million so‘mgacha subsidiya ajratishga;

➖ Dehqonchilik bilan shug‘ullanish uchun “Ayollar daftari”ga kiritilgan xotin-qizlarga elektron onlayn-auksion savdolari asosida ajratilgan yangi o‘zlashtirilgan, lalmi, foydalanilmayotgan yer maydonlarini sug‘orish tizimi va elektr energiyasi bilan ta’minlash, berilgan yerlarni o‘zlashtirish uchun bazaviy hisoblash miqdorining 40 baravarigacha miqdorda subsidiya ajratishga;

➖ “Ayollar daftari”ga kiritilgan xotin-qizlarga bazaviy hisoblash miqdorining to‘rt baravarigacha miqdorda moddiy yordam ajratishga;

➖ “Ayollar daftari”ga kiritilgan xotin-qizlarga turar joy ijarasi uchun to‘lovlarning 50 foizini, lekin ko‘pi bilan 500 ming so‘mgacha to‘lab berishga;

➖ “Ayollar daftari”ga kiritilgan xotin-qizlarning uy-joyini ta’mirlash xarajatlarini bazaviy hisoblash miqdorining 30 baravarigacha miqdorda to‘lab berishga;

➖ “Ayollar daftari”ga kiritilgan xotin-qizlar va (yoki) ularning voyaga yetmagan farzandlariga davolash, dori vositalarini olib berish xarajatlari uchun bazaviy hisoblash miqdorining 20 baravarigacha hamda murakkab jarrohlik amaliyotlari uchun bazaviy hisoblash miqdorining 100 baravarigacha miqdorda xarajatlarni to‘lab berishga;

➖ “Ayollar daftari”ga kiritilgan I va II guruh nogironligi bo‘lgan yoki surunkali kasalliklarga chalingan ehtiyojmand xotin-qizlarning va (yoki) ularning voyaga yetmagan farzandlarining, lozim bo‘lganda I guruh nogironligi bo‘lgan shaxslarga hamrohlik qiluvchining O‘zbekiston Respublikasining boshqa hududida joylashgan tibbiy muassasalarga davolanish uchun borish-kelish yo‘l xarajatlarini to‘lab berishga;

➖ “Ayollar daftari”ga kiritilgan xotin-qizlarning muammolaridan kelib chiqib, huquqiy yordam ko‘rsatish bilan bog‘liq xarajatlar, jumladan tug‘ilganlik haqida guvohnoma va fuqarolik pasportini olish, sudga da’vo arizasi kiritgani uchun undiriladigan davlat boji to‘lovlari va boshqa xarajatlarni sektor rahbari xulosasiga asosan to‘lab berishga;

➖ O‘zbekiston Respublikasidagi oliy ta’lim muassasalarida tahsil olayotgan (ta’lim shaklidan qat’i nazar) “Ayollar daftari”ga kiritilgan ehtiyojmand xotin-qizlar yoxud ularning oliy ta’limda tahsil olayotgan ikki va undan ortiq farzandlarining bir nafariga bazaviy hisoblash miqdorining 15 baravaridan oshmagan miqdorgacha “Ayollar daftari” jamg‘armasi hamda qonunchilikda taqiqlanmagan boshqa manbalar hisobidan sektorlar rahbarlari xulosasi asosida bir marotaba to‘lov-kontraktini to‘lab berishga ajratiladi.

📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang.

#savol_javob

❓Savol: Ta’lim muassasalari hududi va xonalarida telefonlardan foydalanish mumkinmi?

✅ Javob: Taʼlim muassasalari hududi va xonalarida telefonlardan foydalanish tartibi quyidagicha:

🔶 Ta’lim muassasalarida o‘tkaziladigan o‘quv mashg‘ulotlari va tadbirlar (saflanish, tarbiyaviy soatlar, bayram, sport tadbirlari va shu kabilar) boshlanishidan oldin ta’lim oluvchilar:
- telefonini o‘chirib qo‘yishi;
- telefonini portfeli, sumkasi va shu kabilarga solib qo‘yishi shart.

❌Ta’lim oluvchilarga quyidagilar qat’iyan taqiqlanadi:

a) telefonini bo‘yniga osib olish, ko‘krak cho‘ntaklarida, shim, yubkalari cho‘ntaklarida va shu kabilarda saqlash;

b) telefon akkumulyatorini zaryadlash uchun ta’lim muassasasi elektr tarmoqlariga ulash;

v) telefoni yordamida:
atrofdagilarga zo‘ravonlik, shafqatsizlik, pornografiyani targ‘ib qiluvchi video va suratlarni namoyish qilish;
ta’lim muassasasining nufuziga, shu jumladan zo‘ravonlik va vandalizm holatlarini suratga olish va keyinchalik ularni atrofdagilarga namoyish etish yo‘li bilan zarar yetkazish;

g) o‘quv mashg‘ulotlari vaqtida:
telefon orqali so‘zlashish hamda SMS (MMS) va boshqa turdagi xabarlarni jo‘natish;
telefonni stol ustiga qo‘yish;
musiqa, shu jumladan naushniklar orqali tinglash;
surat va video tasvirlarni ko‘rsatishda telefondan foydalanish (o‘yinlar bilan shug‘ullanish), tasvir (matn, rasm, videoyozuv va fotosuratlar) ko‘rish, diktofon, kalkulyator, kalendar, bloknot, yon daftarcha kabilar sifatida foydalanish;
suratga olish va video tasvirga tushirish;
telefon (GPRS, Bluetooth, Internet va shu kabilar) orqali boshqa xizmatlardan foydalanishga ruxsat etilmaydi.

❗️Qaysi holatlarga koʻra telefondan foydalanish mumkin?

✅Ta’lim muassasasida ta’lim oluvchilarga mashg‘ulotlar va tadbirlar oralig‘ida faqat asosli va kechiktirib bo‘lmaydigan zarur holatlarda ota-onasi (ularning o‘rnini bosuvchilar), yaqin qarindoshlari, ta’lim muassasalarining rahbarlari yoki xodimlari bilan zudlik bilan bog‘lanish maqsadida telefonlardan foydalanishga (qo‘ng‘iroq qilishga, SMS, MMS, GPRS jo‘natishga, Bluetooth, Internet va shu kabilar xizmatidan foydalanishga) ruxsat etiladi.
✅ Mashg‘ulotlar va turli tadbirlar oralig‘ida telefon orqali so‘zlashish uchun xonadan yo‘lakka yoki foyega chiqish, past ovozda va qisqa muloqot qilish zarur.
✅ Favqulodda vaziyatlar vujudga kelgan taqdirda ta’lim muassasalarida telefondan foydalanish cheklanmaydi.

👨‍🏫Ta’lim muassasasining o‘qituvchilari va boshqa xodimlari o‘quv mashg‘ulotlari vaqtida telefondan foydalanish huquqiga ega emas;
darsdan tashqari vaqtda ta’lim oluvchilar ishtirokida telefondan foydalanishni imkoni boricha cheklashlari shart.

📚Asos: O‘zbekiston Respublikasi Vazirlar Mahkamasining
"O‘ZBEKISTON RESPUBLIKASI TA’LIM MUASSASALARIDA MOBIL TELEFONLARDAN FOYDALANIShNI TARTIBGA SOLISh ChORA-TADBIRLARI TO‘G‘RISIDA" gi 139-sonli qarori 6-12-bandlari.
https://lex.uz/docs/-2013801


👉@huquqiy_himoyam Huquqlaringizni himoya qilishni oʻrganishni bizdan boshlang!

#Bilasizmi

🚇 Qonunchilikka ko'ra, yo'lovchilar metropolitendan foydalanishda quyidagi huquqlarga ega:

🔹o'zlari bilan birgalikda 7 yoshgacha bo'lgan bolalarini, bolalar va nogironligi bo'lgan shaxslar aravachalarini, bolalar velosipedlarini, musiqa asboblarini bepul olib yurish;

🔹nogironligi bo'lgan va imkoniyati cheklangan shaxslar tomonidan metropolitenning texnik vositalaridan foydalanish, zaruratga ko'ra tegishli xodimlardan yordam olish;

🔹bekatlarni havaskorlik foto va videotasvirga olish;

🔹bekatlarda joylashgan tibbiy punktlar yordamidan foydalanish;

🔹telefon va aloqa vositalaridan foydalanish.

📚Asos: O‘zbekiston Respublikasi Vazirlar Mahkamasining 10.10.2023 yildagi 535-sonli qarori.
https://lex.uz/docs/6631523#6632068

📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang!

#Bilasizmi

📜️Xiva xonligi davridagi ayrim soliq turlari:

Tandir solig‘i - Uyida tandir bo‘lgan har bir kishidan olinadigan soliq.

Bozor solig‘i - Savdogarlar va hunarmandlardan olinadigan soliq.

Suv solig‘i - Sug‘orish uchun ishlatiladigan suvdan olinadigan soliq.

Uy solig‘i - har bir uy xo‘jaligi uchun olinadigan soliq.

Parranda solig‘i - chorva yoki qush boqadigan odamlardan olinadigan soliq.

Ziyorat solig‘i - Haj yoki boshqa diniy ziyoratlarga borganlar uchun soliq.

To‘y solig‘i - To‘y yoki katta marosim o‘tkazganlar uchun soliq.

Ko‘prik solig‘i - Ko‘prikdan o‘tgan har bir kishi yoki yuk uchun olinadigan soliq.

Yer solig‘i - dehqonlardan ekin yeriga qarab olinadigan soliq.

Chin solig‘i - Savdo bilan shug‘ullanuvchilardan olinadigan soliq.

Qo‘sh solig‘i - chorvadorlardan olinadigan soliq.

Boj solig‘i - chet ellik savdogarlardan olinadigan soliq.

Hashar solig‘i - Majburiy mehnat yoki mablag‘ shaklida olinadigan soliq.

Yuk solig‘i - Karvonlarda olib ketilayotgan tovarlardan olinadigan soliq.

👉@huquqiy_himoyam

‼️Hurmatli fuqarolar ayni kunlarda Toshkent shahrining ayrim koʻchalarida (xususan, Chilonzor metro chorrahasi) piyodalar oʻtish joyidan quloqchinlardan (naushniklardan) foydalanib oʻtayotgan piyodalarga jarimalar qoʻllanilmoqda.

📚Maʼmuriy javobgarlik toʻgʻrisidagi kodeksning 138-moddasi birinchi qismiga koʻra;

🚦Piyodalarning yo‘l harakatini tartibga soluvchi signallarga bo‘ysunmasligi, ularning yo‘lning harakat qismini belgilanmagan joylardan kesib o‘tishi, piyodalar yo‘lning qatnov qismida, shu jumladan piyodalar o‘tish joyida harakatlanayotganda telefondan foydalanishi, kitoblarni yoki davriy nashrlarni o‘qishi, videomateriallarni tomosha qilishi hamda audiomateriallarni eshitishi, shuningdek e’tiborni chalg‘itadigan boshqa elektron vositalardan foydalanishi, shuningdek skuterlar, mopedlar va velosipedlarni, individual harakatlanish vositalarini, ulovli aravani boshqarib borayotgan shaxslarning hamda yo‘ldan foydalanuvchi boshqa shaxslarning yo‘l harakatini tartibga soluvchi signallarga bo‘ysunmasligi, ustunlik beruvchi, taqiqlovchi yoki ko‘rsatma beruvchi yo‘l belgilari talablariga rioya etmasligi,
— bazaviy hisoblash miqdorining uchdan bir qismi miqdorida jarima solishga sabab bo‘ladi.

📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang!

#yangilik

❕Xususiy o‘quv markazlarida xorijiy tillarni o‘rganayotgan yoshlarga xarajatlari "2+6" shaklida qoplab beriladi. Bunda o‘quv xarajatlarining dastlabki 2 oyi o‘quvchilarning o‘z mablag‘idan, qolgan 6 oyi davlat hisobidan to‘lab beriladi.

Endi, xorijiy tillardan "C1" darajasiga ega bo‘lgan yoshlar tashabbus ko‘rsatib, olis va chekka hududlarda chet tillariga ixtisoslashgan o‘quv markazlarini ochsa, ularga 120 million so‘mgacha foizsiz ssuda beriladi.

Ssuda🖍 — bir tomon (qarz beruvchi) ikkinchi tomonga (qarz oluvchi) ma’lum muddatga foydalanish uchun pul, mol-mulk yoki boshqa aktivlarni berishidir. Belgilangan muddat tugagach, qarz oluvchi olingan mablag‘ni to‘liq hajmda yoki qo‘shimcha to‘lov (foiz) bilan qaytarishi shart.

📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang!

📜 Bugun, 14-fevral – buyuk davlat arbobi va shoir Zahiriddin Muhammad Bobur tavallud topgan kun. Bobur nafaqat iste’dodli sarkarda, balki adolatli hukmdor sifatida ham tarixda o‘z nomini qoldirgan.

📚Quyida ul zotning davlat boshqaruvi va huquqqa oid gʻazallarini keltirdik.

"Saltanatni saqlamak istasang, odillik ila ish tut, chunki zulm bilan davlat barqaror bo‘lmas."

"Kimki xush ahloq bila odamlarga qildik muruvvat,
El ichinda qoldi oning nomi bila izzatu shavkat."

"Adl bila mulkni tut, zulm bila yemakim,
Chunki zulm ila har ish oxiri pushaymon bo‘lur."

"Rahm qilmak, elga yaxshilik qilmak bo‘ldi, borki bor,
Sening uchun saltanat, mulk ichra bardavom bo‘lg‘ay."

"Yo‘qdurur odildin afzal saltanat ichra hech kish,
Kimki elga mehr qilsa, boqiy o‘lg‘ay ol mulk ich."

👉@huquqiy_himoyam Huquqlaringizni himoya qilishni oʻrganishni bizdan boshlang.

#yangilik

📚 Endilikda bitta kitob oʻqigan mahkumlarning jazo muddati 3 kunga qisqartirilishi mumkin.

📝 Ushbu loyiha bilan Jinoyat kodeksiga kitob o‘qishga jalb qilish orqali mahkumlarni axloqan tuzatish bo‘yicha yangi 74-1-modda kiritilmoqda. Unga ko‘ra, faqat jazo muddatini to‘liq o‘tashi lozim bo‘lgan mahkumlarga nisbatan tasdiqlangan ro‘yxat bo‘yicha 1 ta kitob o‘qigan va belgilangan tartibda imtihon topshirgan taqdirda jazosini 3 kunga qisqartirish nazarda tutilmoqda.

📌 Shuningdek, ushbu kodeksning 73, 74-moddalari asosida esa jazoni o‘tashdan muddatidan ilgari shartli ozod qilish yoki yengilrog‘i bilan almashtirish masalasini hal etish vaqtida inobatga olinishi belgilanyapti.

✅ Bundan tashqari, o‘zini o‘zi tarbiyalash yo‘li bilan tuzalish yo‘liga o‘tganligini tasdiqlovchi harakatlarni bajarishi munosabati bilan jazo muddatini qisqartirishni protsessual tartiblari hamda zarur bo‘lgan adabiyotlar bilan ta’minlashni belgilash bo‘yicha Jinoyat-protsessual kodeksi 536-1-moddasi, Jinoyat-ijroiya kodeksi 80-1-moddasi bilan to‘ldirish nazarda tutilmoqda.

📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang!

#ustama

‼️Maktablardagi oʻzbek tili (davlat tili) fani oʻqituvchilari uchun ajoyib yangilik.

Oʻzbekiston Respublikasi Prezidentining “Oʻzbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi toʻgʻrisida”gi Farmoni qabul qilindi.

📚Farmonga koʻra, 2025-yil 1-fevraldan boshlab, Maktabgacha va maktab taʼlimi vazirligi tizimidagi umumiy oʻrta taʼlim muassasalarida oʻzbek tili (davlat tili) fani boʻyicha dars beruvchi hamda Bilim va malakalarni baholash agentligining milliy baholash tizimida olingan tegishli darajadagi oʻzbek tili va adabiyoti sertifikatiga ega boʻlgan pedagog kadrlarga ularning tarif stavkasiga nisbatan 50 foiz miqdorida har oylik qoʻshimcha ustama toʻlanadi.

📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang!

#ikkinchi_qism

‼️Shuningdek, umumta’lim maktablarida:
o‘g‘il bola o‘quvchilarning ta’lim muassasasiga tanasining ochiq qismiga tatuirovka tushirgan yoki pirsing qilgan, soqol qo‘ygan, sochi 2-3 santimetrdan uzun bo‘lgan va yorqin ranglarga bo‘yagan holda kelishlariga ruxsat etilmaydi.

Oʻquvchilar ta’lim muassasasi binosi ichida bosh kiyimsiz yurishlari lozim, ta’lim muassasasida o‘tkaziladigan turli tadbirlar jarayoni bundan mustasno.

🔰 O‘zbekiston Respublikasi Vazirlar Mahkamasining 18.06.2019 yildagi 509-son qaroriga asosan,
2024/2025 o‘quv yilidan boshlab maktab formasining davlat umumiy o‘rta ta’lim muassasalarida to‘liq joriy etilishini ta’minlash belgilangan.

🏫 O‘quvchilarning maktab formasini kiyish tartibiga rioya qilmaslik ta’lim muassasasining ichki tartib-qoidalarini buzish deb baholanadi va bunday o‘quvchilarga quyidagi choralar qo‘llanishi mumkin:

➖ogohlantirish;

➖ kundalik daftariga qayd etish;

➖ tushuntirish ishlarini olib borish uchun ota-onasini xabardor qilish;

➖ fuqarolarning o‘zini o‘zi boshqarish organlari va ta’lim muassasasidagi yig‘ilishlarda ota-onalar ishtirokida muhokama qilish.

📌 O‘quvchilarning ta’lim muassasasiga maktab formasida kelishlarini ta’minlash uchun ota-onalar mas’ul hisoblanadi.

📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang!

#savolimbor
#birinchi_qism

❓O‘zbekistondagi maktablarda qizlarning hijobda, o‘g‘il bolalarning soqol qo‘ygan holda kelishiga ruxsat berildimi?

✅ Javob: O‘zbekistonda 2021-yil 5-iyul kuni “Vijdon erkinligi va diniy tashkilotlar to‘g‘risida”gi qonunning yangi tahriri qabul qilindi. Yangi tahrirga ko‘ra, jamoat joylarida ibodat libosida yurishga ruxsat berildi. Toʻgʻrirogʻi, ushbu norma chiqarib tashlandi.

‼️Ammo, bu maktablarga diniy libosda borish mumkin degani emas, afsuski. Hukumat tomonidan 2018-yil 15-avgustda 666-son “Davlat umumiy o‘rta ta’lim muassasalari o‘quvchilarini zamonaviy yagona maktab formasi bilan ta’minlash chora-tadbirlari to‘g‘risida”gi qaror qabul qilingan.

Shu bilan birga, mazkur qaror bilan davlat umumiy o‘rta ta’lim muassasalari o‘quvchilari uchun zamonaviy yagona maktab formasini joriy etish tartibi to‘g‘risidagi nizom tasdiqlangan.

📌 Mazkur nizomning 7-bandiga ko‘ra;
O‘zbekiston Respublikasida aholi turli millat va diniy konfessiyalar vakillaridan iboratligi hamda majburiy umumiy o‘rta ta’lim dunyoviy xarakterga egaligi munosabati bilan o‘quvchilarning maktab formasiga turli din va konfessiyalar xamda turli submadaniyatlarga mansublikni aks ettiruvchi elementlarni (hijob, kipa, kashaya, xoch va boshqalar) qo‘shishga yo‘l qo‘yilmaydi degan qoida mavjud.

📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang!

✅ Ariza topshirib beramiz:

🔺Bolalar nafaqasi uchun;

🔺 Subsidiya olish uchun;

🔺 Ayollar daftariga kirganlarga beriladigan imtiyozlar uchun;

🔺 Nogironligi bor boʻlgan shaxslarga beriladigan imtiyozlar uchun ( Oʻqish kurslari uchun toʻlovlar ham bor )

‼️ Boshqa masalalarda ham huquqiy maslahat beriladi.

📮 Murojaat uchun: @Yuristga_murojaatt ga yozing.

#malumot_uchun

🎉MUHIM YANGILIK!!! Endilikda oʻzboshimchalik bilan egallangan yer uchastkalariga ijara huquqini hamda ularda qurilgan binolar va inshootlarga mulk huquqini olsa boʻladi!

❓Savol: Otam vafotidan soʻng menga ulardan uy-joy hamda unga tutashgan maʼlum miqdordagi yer uchastkasi qolgan. Ammo ularga nisbatan hech qanaqa mulk huquqi yoʻq bizda. Qanday qilib shu uy joyga nisbatan mulk huquqini olsam boʻladi?

✅Javob: Qonunchilik talablariga toʻgʻri kelsa mulk huquqini olsa boʻladi.

🔰Demak, "O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida" gi 937-sonli Oʻzbekiston Respublikasi qonuniga asosan, endilikda yakka tartibda uy-joy qurish orqali o‘zboshimchalik bilan egallab olingan yer uchastkasiga ijara huquqini hamda unda qurilgan binolar va inshootlarga mulk huquqini berish chora-tadbirlari amalga oshiriladi.

🛑Fuqarolar tomonidan 2018-yil 1-mayga qadar yakka tartibda uy-joy qurish orqali o‘zboshimchalik bilan egallab olingan yer uchastkasiga bo‘lgan ijara huquqini hamda unda qurilgan binolar va inshootlarga bo‘lgan mulk huquqini e’tirof etish uchun quyidagi shartlarning barchasiga rioya etilganligi asos bo‘ladi.
Agar:

👉mazkur yer uchastkasi boshqa jismoniy va yuridik shaxslarga ajratilmagan yoki elektron onlayn-auksionga qo‘yilmagan bo‘lsa;

👉mazkur yer uchastkasidan foydalanish yuzasidan jismoniy va (yoki) yuridik shaxslar o‘rtasida nizo mavjud bo‘lmasa;

👉mazkur yer uchastkasi uchun yer solig‘i bo‘yicha, unda qurilgan binolar va inshootlar uchun esa mol-mulk solig‘i bo‘yicha qarzdorlik mavjud bo‘lmasa, ular oʻzboshimchalik bilan egallab olingan yer uchastkasi boʻlishiga qaramasdan yer uchastkasiga bo‘lgan ijara huquqi hamda unda qurilgan binolar va inshootlarga mulk huquqi berilishi koʻzda tutilgan.

📌Keyingi postda ortiqcha egallangan yer uchastkasiga bo‘lgan ijara huquqini hamda unda qurilgan binolar va inshootlarga bo‘lgan mulk huquqini e’tirof etish asoslari tushuntiriladi!

Asos: OʻRQ-937-son.1,4-moddalari.
https://lex.uz/docs/-7049383

@huquqiy_himoyam Huquqlaringizni himoya qilishni oʻrganishni bizdan boshlang!

#Bilasizmi

O‘zbekistonda minimal iste’mol xarajati — oyiga 669 ming so‘m.

O‘zbekistonda 2025-yil uchun minimal iste’mol xarajatlari miqdori kishi boshiga bir oy uchun 669 ming so‘m qilib belgilandi (kunlik 21,3 ming so‘mdan 22 ming so‘mga).

Dunyo bo‘yicha minimal iste’mol xarajatlari miqdoridan kambag‘allik chegarasi sifatida foydalaniladi.

- Nima deb o‘ylaysiz, bir oyda 669 ming so‘m bir kishiga yetadimi?

👉@huquqiy_himoyam

#muhim_malumot

❗️ 2025-yil 1-iyundan maktab direktor o‘rinbosari lavozimlaridan biri tugatiladi.

📃 O‘zbekiston Respublikasi Prezidentining 2024-yil 15-noyabrdagi PQ-393-son qaroriga ko‘ra, 2025-yil 1-iyundan ta’lim tashkilotlaridagi Vatanparvarlik ruhida yoshlarni tayyorlash bo‘yicha direktor o‘rinbosari — harbiy chaqiriqqacha tayyorgarlik rahbari lavozimi tugatilib, shtat birliklari Mudofaa vazirligiga o‘tkaziladi va ushbu shtat birliklari hisobidan CHQBT rahbari lavozimi joriy etiladi.

📌Ya’ni, 2025-yil 1-iyundan boshlab ular direktor o‘rinbosari hisoblanmaydi.

📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang.

#savolimbor

❓Savol: Men Samarqand davlat chet tillari institutining 2- kurs talabasiman. Oʻqishga 2- gurux nogironligi ligotasi bilan davlat byutjeti asosida qabul qilinganman hozir 3- smestrgacha hich qanday fanlardan yiqilmagandim ammo bu yil bitta fandan 2 baxo oldim. Dekanat 2 baxo olgan 2- guruh nogironligi ligotasi bilan oʻqishga kirgan talabalarga stipendiya bermayapti.
Lekin 1- va 2- gurux nogironligi bor talabalarga qanday baho olishidan qatiy nazar stupendiya toʻxtalamasligi kerak shu haqida aniq malumot bera olasizmi?

✅ Javob: Toʻgʻri, sizga stipendiya berilishi kerak edi aslida. Buni quyidagicha asoslaymiz:

🔰Vazirlar Mahkamasining 2020-yil 31-yanvardagi "Oliy ta’lim muassasalari talabalariga stipendiyalar tayinlash va to‘lash tartibi to‘g‘risida"gi 59-son qarorining 1-ILOVA si 6-bandiga koʻra:

Avvalgi o‘quv semestri natijalariga ko‘ra stipendiyalar:
b) fanlardan o‘zlashtirish ko‘rsatkichlarining 30 foizi va undan ortiq qismi “qoniqarli” baho (reyting ko‘rsatkichi — 71 balldan kam) bo‘lgan talabalarga (to‘liq davlat ta’minotida bo‘lgan yetim bolalar va ota-ona qaramog‘idan mahrum bo‘lgan bolalar sirasiga kiruvchi hamda 1 va 2-guruh nogironligi bo‘lgan talabalar bundan mustasno) navbatdagi o‘quv semestri mobaynida stipendiya tayinlanmaydi.

‼️Demak, 1 va 2-guruh nogironligi boʻlgan talabalarga istisnolardan biri sifatida stipendiya tayinlanadi.

📌 Shuningdek, ushbu nizomning 5-bobi 1 va 2-guruh nogironligi bo‘lgan talabalarga stipendiya tayinlash va to‘lash tartibini nazarda tutadi.
Ushbu bobdagi 13-bandga koʻra esa, avvalgi o‘quv semestri yakuni bo‘yicha fanlardan o‘zlashtirish ko‘rsatkichlaridan qat’i nazar 1 va 2-guruh nogironligi bo‘lgan o‘zlashtirayotgan talabalarga stipendiyaning bazaviy miqdoriga nisbatan 50 foiz yuqori (oshirilgan) miqdorlarda stipendiya tayinlanadi va to‘lanadi.

⚠️ Eʼtibor bering, "avvalgi o‘quv semestri yakuni bo‘yicha fanlardan o‘zlashtirish ko‘rsatkichlaridan qat’i nazar" deyilyapti qarorda. Bu yerda menimcha ortiqcha savolga oʻrin yoʻq boshqa.

📚Asos: Vazirlar Mahkamasining 2020-yil 31-yanvardagi 59-son qaroriga 1-ILOVA
"Oliy ta’lim muassasalari talabalariga stipendiyalar tayinlash va to‘lash tartibi to‘g‘risida" gi NIZOM
https://lex.uz/docs/-4725554


📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang.

#mehnat_huquqi

❓Savol: Maktabda oʻqituvchi boʻlib ishlayman. Buxgalter har yili obuna uchun, maktab remonti uchun va boshqa narsalar uchun ish haqimizdan majburan ushlab qolyapti. Biz obuna boʻlmaymiz desak obuna boʻlish majburiy deyishyapti. Nima qilsak boʻladi biz, iltimos maslahat bering?

✅ Javob: Mehnat Kodeksining 269-moddasiga koʻra, quyidagi holatlardan tashqari boshqa hollarda, xodimning yozma roziligisiz ish haqidan ushlab qolinishi mumkin emas:

1⃣ soliqlar va yig‘imlarni undirish uchun;

2⃣ “Sud hujjatlari va boshqa organlar hujjatlarini ijro etish to‘g‘risida”gi O‘zbekiston Respublikasi Qonunida belgilangan sud qarorlarini va boshqa ijro hujjatlarini ijro etish uchun, shuningdek vakolatli organlarning qonuniy talablarini bajarish uchun;

3⃣ ish haqi hisobiga berilgan bo‘nakni ushlab qolish uchun, boshqa joydagi ishga ko‘chib o‘tganligi munosabati bilan xo‘jalik ehtiyojlariga, xizmat safarlariga berilgan, sarflanmagan va o‘z vaqtida qaytarilmagan bo‘nakni ushlab qolish uchun hamda hisob-kitobdagi xatolar oqibatida ortiqcha to‘langan summalarni qaytarib olish uchun.

Bunday hollarda ish beruvchi bo‘nakni qaytarish, qarzdorlikni to‘lash uchun belgilangan muddat tamom bo‘lgan kundan yoki to‘lov noto‘g‘ri hisoblab chiqarilgan kundan e’tiboran bir oydan kechiktirmay ushlab qolish haqida buyruq chiqarishga haqli. Agar bu muddat o‘tib ketgan bo‘lsa yoki xodim bo‘nakni to‘lash uchun ushlab qolish asoslariga yoxud miqdoriga e’tiroz bildirayotgan bo‘lsa, qarzni to‘lash sud tartibida amalga oshiriladi;

4⃣ xodim tomonidan ish beruvchiga yetkazilgan zararning o‘rnini qoplash uchun, agar yetkazilgan zararning miqdori xodimning o‘rtacha oylik ish haqidan oshmasa;

5⃣ ushbu Kodeks 312-moddasi birinchi qismining 2-bandida nazarda tutilgan jarimani undirish uchun;

312-modda.
2) o‘rtacha oylik ish haqining o‘ttiz foizidan ko‘p bo‘lmagan miqdorda jarima. Ichki mehnat tartibi qoidalarida xodimga o‘rtacha oylik ish haqining ellik foizidan ko‘p bo‘lmagan miqdorda jarima solinishi hollari nazarda tutilishi mumkin. Xodimning ish haqidan jarimani ushlab qolish ish beruvchi tomonidan ushbu Kodeksning 269 va 270-moddalari talablariga rioya etgan holda amalga oshiriladi;

6⃣ xodim qaysi ish yili hisobiga ta’til olib bo‘lgan bo‘lsa, o‘sha yil tugaguniga qadar mehnat shartnomasi bekor qilinganda ta’tilning ishlab berilmagan kunlari uchun;

7⃣ qonunda nazarda tutilgan boshqa hollarda.

📌 Xulosa qiladigan boʻlsak, siz yuqorida aytayotgan holatlar MK ning 269-moddasidagi holatlarga tushmaydi. Demak, buxgalter sizni yozma roziligingizni olmasdan ish haqingizdan ushlab qolishi noqonuniy harakat hisoblanadi.
Bu harakati uchun buxgalter MJTK ning 49-moddasida nazarda tutilgan javobgarlikka tortilishi mumkin.

📩 Savolingizni @Yuristga_murojaatt ga qoldiring!

👉@huquqiy_himoyam Huquqlaringizni himoya qilishni oʻrganishni bizdan boshlang.