Rik Riordanning “Percy Jackson va Chaqmoq oʻgʻrisi” asari zamonaviy fantastika va qadimiy yunon mifologiyasini uygʻunlashtirgan qiziqarli va hayajonli romanlardan biri. Ushbu asar oʻsmir yoshdagi kitobxonlaruchun moʻljallangan boʻlsa-da, har qanday yoshdagi kitobxonni oʻziga jalb qila oladi.
Asar bosh qahramoni Persi Jekson oddiy oʻsmir sifatida hayot kechirayotgan bir paytda, u oʻzining dengiz xudosi Poseydonning oʻgʻli ekanini bilib qoladi. Bu kutilmagan haqiqat Persining hayotini butunlay oʻzgartirib yuboradi. U qadimgi xudolar, yarim xudolar va afsonaviy mavjudotlar dunyosiga kirib boradi. Persining asosiy vazifasi esa – Zevsning chaqmoq tayoqchasini topish va xudolar oʻrtasidagi urushning oldini olishdir.
Persi – o‘ziga xos xarakterga ega, qiziqarli va hazilkash bola. Uning sodiq do‘stlari Annabet (Afina ma’budasining qizi) va Grover (satir — yarim echki odam) unga doim yordam beradi. Ularning birgalikdagi sarguzashtlari qahramonlik, sadoqat va do‘stlik haqida chuqur fikr yuritishga imkon beradi. Asarda yunon mifologiyasi bilan bogʻliq Kronos haqidagi afsonalar hamda Zevsning taxtga kelishidagi qiyinchiliklar ham tilga olingan. Asarni oʻqir ekanman, u qaysidir tomondan Harry Potterni eslatib yubordi.

Seialni tomosha qilish: Percy Jackson and Olympians.