Fikrgram

Qo’shnilarimiz Silikon Vodiysida qilayotgan AI startup’lari haqida hujjatli film.

Ko’rishni tavsiya qilaman:
https://www.youtube.com/watch?v=13sLnGKU71I

@fikrgram

🎉 Mustaqillik bayrami muborak bo’lsin!

@fikrgram

#independence_day

🎉 Kichik yutuq.

@fikrgram

#microwin

Xulosalar: Instagram

Instagram'ni vaqtinchalik deactivate qilib turadigan odatim bor. Bundan deyarli bir oy oldin, yaqin do’stimdan ilhomlanib 23-iyun kuni profilim'ni deactivate qilgan edim.

Oradan bir oy o'tgani deyarli sezilmadi. Ba'zida telefonimni qo'limga olib, vaqtni o'ldirish (qanchalik noto'g'ri bo'lmasin) uchun instagram'ni titkilardim. Hozir esa instagram yo'q, adashmasam, telefondagi aktivlik vaqtim ham kamaygan.

Qiziqarli tomoni, instagram'ga kirmaganim uchun biron yangilikdan qolib ketmadim. Bilishim kerak bo'lgan xabarlarni boshqa manbalardan yoki yaqinlardan olib turdim.

Aksincha, kim qayerga borgani, qanday musiqa eshitgani, nima yegani, kim bilan uchrashgani kabi umuman kerak bo'lmagan ma'lumotlardan uzoq bo’ldim va bu hozirgi shovqinli dunyoda zarur.

Instagram’dagi foydali ma’lumotlardan qolib ketsam-chi, degan tabiiy savol bo’lishi mumkin. Foydali kontent qiluvchilarning aksarida rasmiy telegram kanal bor, kerakli ma’lutmolarni shu yerdan topsangiz bo’ladi.

Deactivate qilishda davom etmoqchiman, keyinroq nasib qilsa, 3-6-12 oylik xulosalarimni bo’lishaman. Sizga ham keraksiz ma’lumotlardan parhez tutishni tavsiya qilaman, bu foydali.

deactivate - faolsizlantirish, instagram profil’ni berkitish

Rasm: Aaron Burden @ Unsplash

@fikrgram

#xulosalar #detox

Muvaffaqiyat - bu marafon.

Rasm: Aldric RIVAT @ Unsplash

@fikrgram

#xulosalar

Xulosalar: Iyun 2024

So‘ngi olti oy ichida o‘zim uchun qilgan ba’zi xulosalarimni avvalambor o‘zimga eslatma bo‘lsin va kimgadir foydali bo'lar degan umidda quyida keltiryapman.

1. Do‘stlarni tanlang
- Qo‘pol eshitilishi mumkin, lekin do‘stlaringizni tanlang. Vaqtimiz chegaralangan, uni kimlar bilan qay holatda o‘tkazish juda muhim. Atrofdagilaringiz o‘z ustida ishlashga qiziqishi bor, behuda gaplardan yiroq insonlar bo‘lishi kerak.

2. Omonatdor bo‘ling
- Yetkazib berishga, qaytarib berishga va’da qilgan omonatlaringizni egalariga kamida kelishilgan muddatda, afzali undan ham ertaroq qaytaring. Andisha qilib so‘ralmayotgani, hozir keragi yo'q degani emas, har kimning vaziyati har xil.

3. Va’dalarni bajaring
- Omonatdorlikka o‘xshash bu xususiyat har birimiz uchun juda muhim. Eng avvalo o‘zingizga xiyonat qilmang. Bergan va’dalaringizni bajaring, o‘zingizga ishonchingiz ortadi.

4. O'z ustingizda ishlang
- Mutaxassis va umuman olganda inson sifatida o'sishdan to'xtamang. Bu tez o'zgarayotgan zamonda, shunchalik tez moslashuvchan bo'lishimiz kerak. Ilmiy adabiyotlar, kurslar, maqolalarni o'qing, bloglarni kuzating. Eng asosiysi o'rganganlaringizni amalda qo'llang.

Yuqoridagilar mutlaq haqiqat deyishdan yiroqman, har kimning o‘z haqiqati bor. Oylar, yillar o‘tib qayerdadir xato qilganimni tushunib yetishim mumkin, shu sababli menga butunlay ishonib qolmang)

Rasm: Samuel Ferrara @ Unsplash

@fikrgram

#xulosalar

Haydovchilik guvohnomasi

Bugun haydovchilik guvohnomasini olish uchun nazariy imtihondan muvaffaqiyatli ravishda yiqildim) Testda natijalarim past bo’ldi. Tan olib aytishim kerak, tayyorgarlik ham deyarli bo’lmagandi.

Keyingi urinishni bir haftadan keyin qilishim mumkin ekan. Tayyorlanishga ham shuncha vaqt bor. Albatta, bundan ko’proq muddat olsam bo’ladi, bu o’z ixtiyorimda. Lekin o’zimga o’zim bosim qilmasam, masala cho’zilib ketadi.

Demak, keyingi shanbagacha, stay tuned)

@fikrgram

#driving_licence #round

Filni bo‘laklarga bo‘lib yeyish

Rusiy zabonlarda “Есть слона по кусочкам” degan maqol bor. Bunda biror bir vazifani dekompozitsiya (mayda bo‘laklarga ajratib) qilib bajarish nazarda tutiladi.

Bilamiz, fil katta jonzod. Uni yeyish uchun ma’qul yo‘l, kichikroq bo‘laklarga bo‘lish. Xuddi shu usul katta vazifalarga nisbatan qo‘llanilishi mumkin.

Misol uchun siz uyingizni ta’mirlamoqchisiz, bu juda katta vazifa. Birdaniga ishlarni boshlab yuborib, yo‘l-yo‘lakay bajarib ketish asab, vaqt va ortiqcha xarajatlarga sabab bo‘ladigan tartibsizlikka olib keladi.

Yuqoridagi usul bilan, siz oldin uyingizni qanday ko‘rinishda ta’mirlamoqchiligingizni aniqlab olasiz, 3D dizayn chizdirasiz. Keyin ustalar bilan xaridlarni oldindan rejalashtirasiz.

Ustalar kelgunicha xaridlarni qilasiz. Keyin ustalarning taomlanishi uchun bozorlik qilib, ana undan keyin ustalarni chaqirasiz va ishlar boshlanadi. Shunda tartibsizlik minimal darajaga tushishi mumkin.

Yuqoridagi misol juda oddiy va tushunarli. Lekin ishdagi, o‘qishdagi bir ko‘rinishda oson tuyiladigan, ammo dekompozistiya qilinmasa, bajarish vaqti ortishi va sifat tushishiga olib keladigan vazifalarga bu usul ko‘pincha qo‘llanmaydi. Ushbu usulni qo‘llab, filni bo‘laklarga bo‘lib yeyishimiz kerak deb o’ylayman.

Rasm: Pinterest
P.S.: Maqola yozilishi davomida birorta fil jabr ko‘rmadi)

@fikrgram

#hack #mahsuldorlik

Ramazon Hayiti muborak bo’lsin!

Alloh barchamizni keyingi Ramazonga eson omon yetkazsin.

@fikrgram

#ramazon #ramazon2024 #hayit

Ramazon muborak!

Rasm: @korzinkauz

@fikrgram

#ramazon #ramazon2024

Shunchaki bajaring

Biror bir ishni qilishdan oldin puxta reja tuzasiz, tajribasi borlar bilan maslahatlashib ko‘rasiz, ishni qilishingiz haqida kimlargadir e’lon ham qilishingiz mumkin. Ammo, oxir oqibat ish bajarilmay qoladi va bajarilmagan ishlar girdobiga sizning mental holatingizni o‘zi bilan tortib ketadi.

Ushbu muammoga yechim, "shunchaki ishni bajarish". Bo‘ldimi? Ha! Ochiq oydin bo‘lgan bu fikrni ko‘pchiligimiz bilamiz-u, lekin amal qilmaymiz. Siz prokrastinatsiya (ishlarni keyinga qoldirish) haqida o'nlab kitoblar o'qishingiz va uni yengish uchun turli xil usullarni o'rganishingiz mumkin. Lekin amaliyotda qo'llamasangiz, ulardan foyda yo'q.

Loyiha boshlayapsizmi? Boshlang‘ich 1-2-qadamlarni reja qilib, ishlarni boshlab yuboring. A nuqtadaman, B nuqtaga yetsam nima qilaman deb o‘ylanib yurmang. Oldin A nuqtadan siljib oling, B nuqtaga yetganingizdan keyin C nuqtaga yo‘l o‘zi ko‘rinadi. Bir yaqin do‘stim menga "Yo‘lga chiqsang yo‘l ko‘rinadi." deb eslatib turardi va bu iborada jon bor.

Ushbu mini-maqola YouTube’dagi bloger Chris Williamson’ning ushbu videosi, yaqin do‘stim Javlonning maslahatlari va shaxsiy xulosalardan ilhomlanib yozildi.

Rasm: Annie Spratt @ Unsplash

@fikrgram

#hack #shunchaki_bajaring

Uzum: Raqobat

Oldingi maqolada aytib o'tganimdek, mening fikrimcha, Uzum'da "Xo'jalik mollari" yo'nalishida tabiiy monopolistlar bor va ular bilan raqobat qilish uchun boshlang'ich mablag'im va kerakli infrastrukturam yo'q.

Yuqoridagi xulosaga kelganimdan keyin boshqa bir yo'nalish topish yoki Uzum mavzusi bo'yicha vaqtinchalik tanaffus olish haqida o'ylab boshladim.

O'zimga qiziq bo'lgan, oldin ham shu haqida o'ylagan va tahlillarga ko'ra shug'ullansam bo'ladigan yana bir yo'nalish sifatida "Elektronika (Robototexnika)"ni ko'rdim.

Mahsulotlarni O'zbekistonda qayerdan olishni topa olmadim. Chinni bozor kabi maxsus "Elektronika (Robototexnika)" bozori borligi haqida bilmayman. Shu sababli to'g'ridan to'g'ri Xitoydan buyurtma qilish haqida o'ylab qoldim va bu haqida ba'zi bir xos kompaniyalar bilan gaplashdim.

Xulosalar ijobiyga o'xshaydi. Ammo, oldinda Xitoy yangi yili va ba'zi shaxsiy sabablarga ko'ra Uzum mavzusidan tanaffus olishni o'yladim. Shu fursatdan foydalanib fikrlarim bilan kelishib olishim kerak.

Rasm: Jason Leung @ Unsplash

@fikrgram

#tajriba #uzum #raqobat