Yengil sanoat va to'qimachilik fakulteti

#tanlov
#anons
#14_yanvar
🇺🇿O‘zbekiston Respublikasi Qurolli Kuchlari tashkil etilganligining 33 yilligi hamda Vatan himoyachilari kuni bayrami munosabati bilan ijodiy ishlar tanlovi e'lon qilinadi.
✅Tanlov “Xalq va armiya - bir tanu bir jon!” mavzusida tashkil etilib, 2 ta nominatsiyada “Eng yaxshi rasm” va “Eng yaxshi videorolik” shaklida o‘tkaziladi.
✅🌅“Eng yaxshi rasm” nominatsiyasi uchun A3 formatda rang-tasvir yo‘nalishida ijod qilinib, O‘zbekiston Respublikasi Qurolli Kuchlari hamda Vatan himoyachilari kreativ tarzda ifodalanishi, shaxsiy g‘oya asosida yuqori baholanadi. Bunda ko‘chirilgan ishlar yuqori baholanmaydi. Ushbu nominatsiya 2025-yilning 12-yanvar kuniga qadar qabul qilinib, 2025-yil 13-yanvar kuni institut fayesida ko‘rgazmasi tashkil etiladi. Bunda muallif albatta ismi sharifi, guruhi nomini yozib, taqdim etishlari lozim.
✅🎥“Eng yaxshi videorolik” nominatsiyasi uchun hajmi 100 mbgacha, davomiyligi 3 daqiqagacha olingan ovozlari va tasviri sifatli tarzda montaj qilingan ijodiy ishlar qabul qilinadi. Rolik 3 qismdan iborat bo‘lishi lozim. Kirish qismida ya’ni muallif tomonidan mahalla fuqarolar yig‘iniga borib, MFY nomi va manzilini aytib, rais, yoshlar yetakchisi yoki hokim yordamchisi, xotin-qizlar faoli yoki ijtimoiy xodim, profilaktikasi inspektori bilan uchrashadi, ularga tanlov haqida bildiradi hamda birgalikda mahallada harbiy istiqomat qiladigan oilaga kirib, ota-onasini va farzandini bayram bilan qutlaydi. Bayram bilan qutlashda ushbu tabrik matni alohida o‘qib eshittirilishi zarur:

Aziz hamyurtim, mard va jasur farzandlar ota-onasi!
Farg‘ona politexnika instituti oilasi hamda mahalla ahli nomidan ushbu tabrikni yo‘llaymiz!
Xalqimiz, siz ulg‘aytirgan mard va jasur harbiylarimiz timsolida Vatanni himoya qilishdek dunyodagi eng ulug‘ ishni sharaf bilan ado etib, Jaloliddin Manguberdi, Amir Temur, Bobur Mirzo singari buyuk ajdodlarimizning shonli an’analarini munosib davom ettirib kelayotgan ona yurtimizning chinakam qalqonlarini ko‘radi.
Mana shu qutlug‘ ayyomda barchamiz siz tarbiyalagan o‘g‘lonlarni metin irodasi, jangovar ruhi va shiddatiga qarab, Vatanimiz mustaqilligi, xalqimizning tinch va osoyishta hayoti, sarhadlarimiz daxlsizligi mustahkam ishonchli qo‘llarda ekanini yanada chuqur his etmoqdamiz.
Aziz Vatan himoyachilari!
Oilangizni va farzandingizni qutlug‘ bayram bilan yana bir bor samimiy tabriklab, barchangizga mustahkam sog‘liq, oilaviy baxt, olijanob va mas’uliyatli faoliyatingizda ulkan zafarlar tilayman.
Azmu shijoatli O‘zbekiston harbiylari – Vatanimiz posbonlariga shon-sharaflar bo‘lsin!

Ushbu jarayon videotasvirga olinib, sifatli tarzda montaj qilingan holda muallif ism-sharifi, guruhi va fakultetini yozib https://t.me/yoshlarfarpi linkiga yuboriladi.
⏳Ushbu roliklar 2024-yil 25-dekabridan 2025-yilning 13-yanvar kuniga qadar qabul qilinib, nizom talablariga mos kelgan ijodiy ishlar @farpiyoshlar telegram kanalida yoritib boriladi.

🎁Tanlov komissiyasi tomonidan ijodiy ishlar birma-bir ko‘rib chiqilib, komissiya qarori asosida g‘oliblar aniqlanadi. Har bir nominatsiya bo‘yicha alohida 3 nafardan ishtirokchi g‘olib deb topilib, 1-o‘rinlar uchun bazaviy stipendiyaning 3 barobari miqdorida, 2-o‘rinlar uchun bazaviy stipendiyaning 2 barobari miqdorida, 3-o‘rinlar uchun bazaviy stipendiyaning 1 barobari miqdorida Talabalarni rag‘batlantirish mablag‘lari hisobidan diplomlar bilan moddiy rag‘batlantiriladi.
@farpiyoshlar