Yuragimga yurak soldi!     

Yurakkinam,
Nedan qo'rqding?
Qaltiraysan..
Mo'ltiraysan..
Suvga tushgan chumchuqdayin..
Kel, yuragim
Otam belbog'ini yopib,
Onam sabr kosasiga ko'zyoshimni to'ldirayin,
Pirlarimning qo'li bo'lsin,
Qo'rg'oshinlar quyib qo'yay,
Suf-suf senga..
Chanqamasin ovozlaring,
Bo'ronni ich,
To'fonni ich!
Yashab qolgin, hayot shirin,
Umr qisqa..
Chida!
Chida!
Ko'z tegmasin,
Tuf-tuf senga..

Umidabonu Xasanxo'jayeva