☀️ Мен эркак ўрнида туришим керак,
Ё хотин измига юришим керак.
Хотиннинг тўй, лозимандаси кўп,
Ҳа деса, "лаббай" деб туришим керак.
Ҳа деса, "лаббай" деб туришим учун
Уйимда пул завод қуришим керак.
Уйимда пул завод қура олмасам,
Энг катта бонкани ўришим керак.
Энг котта бонка ҳам қўлдан келмаса,
Ҳа деса, шалвираб туришим керак.
Шалвираб турувчи эркак бўлгандан
Дунёдан йўқ бўлиб қуришим керак.
Дунёдан йўқ бўлиб кетмаслик учун
Мен эркак ўрнида туришим керак.
Яъни эркакларнинг ишини қилиб
Маза қилиб шахмат суришим керак.

✍  Ўзбекистон Қаҳрамони, Ўзбекистон халқ шоири Эркин Воҳидов

👇👇👇
🌐 www.facebook.com/evohidov
🌐https://t.me/erkinvohidovijodi
🌐 www.erkinvohidov.com