#Joyi_kelganda

✍ Ustoz har doim oʻquvchiga muloyim gapirishi kerakmi?

☝️ Bu savolga vijdonan javob beradigan boʻlsak, odamiga qarab degan javob chiqadi. Chunki hamma bir xil emas. Hamma ham ustozning aytganini toʻla-toʻkis, mukammal bajarmaydi. Shunday ekan, oʻqituvchi baʼzida kimgadir qattiqroq gapirishga majbur boʻladi. Azbaroyi u oʻquvchini yomon koʻrganidan emas (odatda, ustoz nafratlanadigan oʻquvchilar deyarli boʻlmaydi), balki ilmni puxta egallashi va ustoz oʻsha oʻquvchining ota-onasi oldida yuzi yorugʻ boʻlishini xohlab shunday qiladi.

Afsuski, oʻquvchilar buni xato tushunadi va ustoz meni yomon koʻryapti degan xayolga borib, boshqa muloyim ustoz qidirish payiga tushadi.

❓Endi oʻzingizga savol bering: Sizga xatolaringizni boricha yuzingizga aytadigan ustoz kerakmi yoki oʻqisang oʻzing uchun deb eʼtibor bermaydigan oʻqituvchimi? Qaysi birida bilimingiz koʻproq oshadi?

🤔 Oʻrganishdagi xatolarni anglab, toʻgʻri yoʻldan ketgan yaxshimi yoki bilganini qilib, oxirida boshi devorga urilib, afsus chekkanmi?

⭐️ My English