💸 Avansjonga

O'zing bir siqimsan-u,
Ammo jiddiy o'rning bor,
Taroziga solsang ham,
Oshiqlaring shashqator.

Ro'zg'orning g'ori qursin,
Sengayam plan tayyor.
Favqulodda chiqim ko'p,
Kuttirib qilma bezor.

Alijonni usti yupun,
Kurtkasin yangilayman.
Valijonda gaymorit bor,
Doriga sarflayman.

Barnoxon ming'irlaydi:
"Reppimga pul bering!" deb;
Ra'noxon to'ng'illaydi:
"Tug'ilgan kun yo'qmi?" deb.

O'zimga zambarakning
O'qiyam yo'q, bilasan.
Oylikjondan uddalarman,
Mayli. Qachon kelasan?

Kamlarimga o‘zing shifo,
Kelaqolgin kuttirmay.
Faqat tez ketib qolma
Dumginangni tuttirmay! 😄

✍ Nafisa Ortiqova
@english_worksheets_more