English worksheets

Shaxsiydagi xabarlarga kechroq javob beraman, uzr so'rayman! Agar o'ta zarur bo'lsagina oxirgi xabaringizga (🔥) belgisini qo'ying, qarayman. Qolganlarga kechroq javob beraman. Vaziyatim taqazosi, tushunganingiz uchun rahmat!

❓ "Hammasiga qanday ulgurasiz?"

Menga berilgan savollar orasida shu savolni takror-takror so'rashgan.

📖 Daniyel Defoning "Robinzon Kruzo"sida shunday fikr bor: "Ehtiyoj — insonni ixtirochi qiladi!" Agar siz nimagadir kuchli ehtiyojingiz, istagingiz bo'lmasa sizdan yangilik chiqishi qiyin. Robinzon obrazi esingizdami? 28 yil kimsasiz orolda tirik qoldi, ehtiyoji uchun qanchadan-qancha yangiliklar yaratdi. O'lmadi, qaytaga kundan-kun orolida yuksaldi... Biz gavjum yer sharida yashayotganlar ham shundaymiz. Qachon ehtiyojimiz kuchaysa muammolarimiz yechila boshlaydi, rivojlanamiz. Ehtiyoj, istak aniqlashmaguncha neytral, "sug'ur kunlar"ni boshingizdan kechiraverasiz.

💡 Masalan, o'zim farzandlarimni xususiy bog'cha-maktabga bergan kunimdan mas'uliyat o'ti olovlana boshlagan. A va B nuqtalarimni anglagan onimdan esa istak va ehtiyojlarim aniqlashgan.

O'qituvchi bo'lib, kanal yuritib boy-badavlat bo'lib ketmadim, lekin oilaviy kreditlarga yordam berish, bolalarimning to'lovini hadiksiz amalga oshirish, favqulodda chiqimlarga "labbay" deya olish kabi imkoniyatlarga ega bo'ldim. Bir so'z bilan aytganda, moliyaviy mustaqil shaxsga aylandim. Ayol kishi ham o'z moddiy zahirasiga ega bo'lishi lozim. Ayrim erkaklar bu fikrga salbiy qarashi mumkin, ammo o'zbek ayoliga ishonsa bo'ladi — oilamga, bola-chaqamga, kelajagimga bo'lsin deydi faqat...

⚙️ Mavzudan biroz chalg'idim... Xullas, bir o'tirib ehtiyoj va istaklaringizni aniqlashtiring. Kerak bo'lsa sizni harakatga keltirmasdan qo'ymaydigan vaziyatlarga o'zingizni majburan oting, shunda hayotingizda burilish paydo bo'lishi mumkin. Harakatga kelganingizdan keyin esa hammasiga ulgurish uchun yechimlar tug'ila boshlaydi.

✍ Nafisa Ortiqova

@english_worksheets_more