ТОШКЕНТ ИИББДА ЯКШАНБА КУНИ МАЖБУРИЙ ЙИҒИЛИШЛАР ЎТКАЗИЛМОҚДА

Тошкент шаҳар ИИББ бошлиғининг биринчи ўринбосари, полковник Фарҳод Ҳасанов якшанба куни соат 08:15 да видеоселектор йиғилиши ўтказгани ҳақида Элтузга ИИББ ходимларидан шикоят келиб тушди. Ходимлар меҳнат қонунчилигига зид равишда дам олиш кунлари ҳам мажбурий йиғилишларга чақирилаётганидан норози.

Милиция ходимларининг оиласи йўқми? Меҳнат қонунларига риоя қилинмайдими? Бу йиғилиш кимга керак ўзи?

– деб савол қўймоқда норозилар.

Қолаверса, йиғилишга кечикканлар хизмат текшируви билан таҳдид қилингани айтилаяпти.

Шунингдек, полковник Ҳасановнинг илгари коррупция можаролари билан боғлиқ шахслар орасида тилга олингани ҳақида ҳам эски маълумотлар қайта кўтарилмоқда.

Полковник Фарҳод Ҳасанов ким ўзи?

Бир вақтлар Самарқанд вилояти ИИБ бошлиғи Ф. Қувондиков уни Тошкентга ҳайдаган, собиқ ДХХ раиси Абудасалом Азизов эса уни коррупцияда айблаб Қўқон шаҳар ИИБдан бўшатган эди.

2018 йилда интернетда рўйхатлар тарқалгани эсимизда. Адашмасак, бир ИИВ генералининг гумашталари орасида Ҳасанов ҳам бор эди. У рўйхатдагиларнинг ҳаммаси кетди, фақат унинг ўзи қолди,

дея таъкидлашади ИИББ ходимлари.


💬Telegram |📱Facebook |
🐦Twitter |📱Instagram | ▶️YouTube